Afiliipu 4:5 - Hapari Zooshapweya

⁵ Okemaani enu ojuwiwe pi atthu ooshi. Mbwana ori kharipu.

Afiliipu 4:5 Mawu Ofanana

Matewuzhu 6:25

“Tiito, kiniwuuzaanini yoori, mwihiiye woovelavelela ohaayi enu, khwa etthu yoojiwa ama yoonywiwa; wala mwiili enu monkoni wa etthu ya owala. Ohaayi enu waziti etthu yoojiwa. Na mwiili enu ona fwayita khuluyeene zayita kuwo.

Matewuzhu 6:34

Nakataalikha mwihishukulikhele ya meesho, maana meesho entana tafwawuthi zaya. Wakhula siikhu eniiyana otakhala waya.

Luuka 21:34

Yinsa khulupa yoori: “Mwiiye woojeekesela, rooho zenu zihipakhire vitthu zoohifwayi, ohapaliwa, ama tafwawuthi za muuhaayi mweenu, yoori siikhu yaya ethiito ehuusikaneleni.

1 Akorintiyu 16:22

Nkhama owaapho ahinimphetaaye Mbwana, eeye Woolanikha. Ote Mbwana!

1 Akorintiyu 6:7

Hatha nkhama ziwaapho tafwawuthi khwa mweeyo enthoonyeza oshintteya woolikana. Mwaasa wa niini mwihihitharaka ohoowa khwa epile zohiiyi za shariya? Mwaasa wa niini mwihihitharaka otulumwiwa?

1 Akorintiyu 8:13

Nakataalikha, nkhama etile miiyo kinjaaye enintapanya ttwiiyaku, akinteela oja theenya nyama, yoori kihintapanye ttwiiyaku.

1 Akorintiyu 9:25

Ooshi apale anchiraanaaye aniiyana wakathi woojitthenkeza wookhomaalavo, yoori apatthe jarata eniishaaye; ila fweeyo ninretta yoori nipatthe jarata yookhomaala khwa mileele.

2 Akorintiyu 10:1

Miiyo Paawulu, khwa wiitthaala na okemaani wa Al-Masiihu, kinuuhirimizani mweeyo. Miiyo kiniiya “woojipushuwisa” amana kiiya wuuso khwa wuuso na mweeyo, ila kiniiya njawuri amana kiiya peetiwene!

2 Atizaloonika 2:2

yoori mwihijilikhelele osakhinyiwa wala osutusiwa wookhweyavo, hatha nkhama ohupiri, hatha nkhama mattakhuzi, hatha nkhama warakha yoolattanana nkhama elankhiye khwa fweeyo, elupaka yoori Siikhu ya Mbwana yafiya.

Tiitu 3:2

ahinttakhule ntthu wootakhalavo, eeye oonyamala, oopheta, okemaani na asala athoonyeza ojipushuwisa khwa anaatamu ooshi.

Meepereewu 10:25

Na nihilikhe okusanyeya nkhama ojama wa Nluku. Etthiipo ahinrettaazo akina. Ila nina ya olipiselana mmote na nzeetthu; nkhama etthiipo mwinjuwaazo yoori yasaleela ofiya siikhu ya ota wa Mbwana.

Meepereewu 10:37

“Maana nasaapi, woohirupazi channu, otule antaaye onta, na khanrupaza.

1 Pheeturu 1:11

eekesaka ojuwa wakathi na vitthu zinttelaaye orettikhana etthiipo zaari othoonyaaye Rooho ya Al-Masiihu, etile yaari khwa yo, ewenkhaka ohupiri monkoni wa ohoowa wa Al-Masiihu na siifwa zaari weettelaaye olottela ohoowa opule.

1 Pheeturu 4:7

Mwiisho wa vitthu zooshi waattama. Nakataalikha mwiiye aakhili na woojisiileza; mwijilipisane olompa.

Othoonyeziwa 22:20

Otule anlazaaye oshaahiti wa vitthu zaya epi alupa: “Aaa, kinta woohirupazi!” Amiina! Ote, Mbwana Yinsa!

Othoonyeziwa 22:7

“Moone! Miiyo kinta woohirupazi! Wooparikhiyiwa ti otule ampwehaaye mattakhuzi a ohupiri a kithaapu eti.”