Afiliipu 4:2 - Hapari Zooshapweya

² Etthu kininvekelaaye Evootiya na Sintikhe ti yoori eekhale woosiilana khwa Mbwana.

Afiliipu 4:2 Mawu Ofanana

Mwanzo 45:24

Nawiisha, khuleezana na attwiize yo khulankha khusala alawa, ye khuwooza yoori: “Mwihishowerane ntarikhi.”

Maaruku 9:50

Mwiinyu pi wooshapweya; ila mwiinyu aya amana olikha onyuunya, onrutiseleya toovi onyuunya waya? Mwiiye mwiinyu mweeyo ena, na mwiikhale na heeri mmote na nzeenu.”

1 Akorintiyu 1:10

Attwiizaku, khwa nzina la Mbwana eetthu Yinsa Al-Masiihu kinuuvekelani mooshi mweeyo yoori mwikhupalelane mmote na nzeenu khwa etile mwinttakhulaaye, yoori ohiiyevo waawanyeya vakatthi venu; mwiiye wookusanyeya khwa wuupuwela mmote na shawuri moote.

Afiliipu 3:16

Niikhale paasi khwa epile nipatthiyeeyo.

1 Atizaloonika 5:13

Mwiwaashireheze venkivene na pheta, mwaasa wa khaazi yaya. Mwiikhale khwa heeri mmote na nzeenu.

Meepereewu 12:14

Mwijilipisane wiikhala khwa heeri na atthu ooshi na yoori mwiiye attakatthiifu; noohiina ottakatthifu, khina anttelaaye omoona Mbwana.