Afiliipu 4:11 - Hapari Zooshapweya

¹¹ Akinlupa toowo mwaasa wa othowiwa, maana kajinozela wiiya woofurahi wakhula nanna kiniyaazo.

Afiliipu 4:11 Mawu Ofanana

Mwanzo 28:20

Yaakhumpa khwaahiti yoori: “Amana Nluku eeya vamote na miiyo, eenanela safwari yaka eti, khukinkha etthu yoojiwa na kuwo zoowala,

Olaawo 2:21

Munsa khukhupalela wiikhala owawe Yeeturu, othuuto amwinkhiyeeyo onrala mwanawe aari wiitthiwaaye Zipoora.

Luuka 3:14

Anajanka nayo khumuuzela yoori: “Khi fweeyo niri toovi?” Khuwaajipu yoori: “Mwihiwaanyakanye atthu mwiroromelaka kuvu zenu, wala mwihiwaalokoveze vitthu zohiiyi etthiipo, mwishukhurwele ethiito mwimpatthaaye.”

2 Akorintiyu 11:27

Kaakholiye khaazi yoolipa. Swaafu za waatta woohilali, wookholiwa ti jala na nnyottha na swaafu za waatta yaari okisaleela nyuupa, etthu yoojiwa na kuwo.

2 Akorintiyu 6:10

ohuzunikhisiwa, ila niri ofurahi wakhula wakathi; asikhini, ila niwaarelisaka atthu awaatta; ohiina etthu, ila zooshi nipatthaka.

2 Akorintiyu 8:9

Maana mweeyo mwinjuwa rehema ya Mbwana eetthu Yinsa Al-Masiihu, ari thaajiri, ila khujiretta wiiya masikhini mwaasa wa pheta yenu, yoori vakatthi wa osikhini aya, mweeyo mwiretteye wiiya mathaajiri.

2 Akorintiyu 9:8

Na Nluku ti wa owahi khwa oretta yoori rehema yooshi mweekezeliwe, yoori khwa vitthu zooshi na wakathi wooshi, wiiyana zooshi enihithajiyaaye, yoori mwirette wakhula nanna ya khaazi yooshapweya.

Afiliipu 3:8

Khahiyo etthiiporu, ila vitthu zooshi kinoona ohiina fwayita, amana kilattanisa na owula wa ojuwa wa Al-Masiihu Yinsa, Mbwanaaka, mwaasa wa ye zakaashikha vitthu zooshi. Miiyo kinoona zooshi nkhama vitutu, yoori kimpatthe Al-Masiihu

Meepereewu 10:34

Mweeyo mwahoowa vamote na apale aari nkalapooso na khukhupalela onyakanyiwa vitthu zenu, mwaari ovilela na furaha khuluyeene, maana mwaajuwiye yoori mwinteela opattha maali zooziti epile na zoohiishi.