Afiliipu 3:8 - Hapari Zooshapweya

⁸ Khahiyo etthiiporu, ila vitthu zooshi kinoona ohiina fwayita, amana kilattanisa na owula wa ojuwa wa Al-Masiihu Yinsa, Mbwanaaka, mwaasa wa ye zakaashikha vitthu zooshi. Miiyo kinoona zooshi nkhama vitutu, yoori kimpatthe Al-Masiihu

Afiliipu 3:8 Mawu Ofanana

Luuka 1:43

Miiyo ki paani wooteela wooniwa ti maama wa Mbwanaaka?

Luuka 11:20

Ila nkhama kiniikara masheethwani khwa owahi wa Nluku, eto enthoonyeza yoori ofwalume wa Nluku wafiya vakatthi venu.

Yaahaya 14:20

Siikhu ethiito enteela oweeleyani yoori kiri khwa Paapa, mweeyo mwiri khwa miiyo na miiyo kiri khwa mweeyo.

Yaahaya 14:7

Eriwaka khweele mwaari okijuwa, nka mwinjuwaka Paapa. Apha enasaapi eti mwininjuwa na mwaaza omoona.”

Yaahaya 16:3

Yo anttela oretta toowo mwaasa woohinjuwi Paapa wala miiyo.

Yaahaya 17:3

Na ohaayi opo wa mileele pi opu: Oojuwe weeyo, Nluku mmote paasi weekhweele, na Yinsa Al-Masiihu otule onrumiyeeyo.

Yaahaya 17:8

Maana miiyo kawooza mattakhuzi okinkhiyeeyo yo khupokherela, ajuwa yoori khweele miiyo kalankha mmakhono mwawo na khukhupalela yoori weetta okiruma.

Yaahaya 20:13

Aphano malayikha apale khumuuzela yoori: “Weeyo muukha, onlila ni?” Ye khujipu araka: “Eetta othuuliwa Mbwana aka na akijuweeni vahali atthiiweevo.”

Yaahaya 20:28

Tome khujipu araka: “Mbwana aka na Nluku aka!”

Khaazi 20:24

Khwa miiyo ohaayi aka khuna fwayita, ila eriina fwayita okhola khaazi eti kithawuleliweeyo ti Mbwana Yinsa, mpakha wiishisa, khaazi ya olaleya hapari zooshapweya za rehema ya Nluku.

Arooma 8:18

Kinkhupalela yoori ohoowa weetthu nasaapi eti, khunlikanisaniwa siifwa enttelaaye othoonyeziwa khwa fweeyo.

Arooma 8:39

wala chanka, wala wiicha, wala etthu kiina ya wumpiwa eriina makhaamu ya oniphakulana pheta ya Nluku eriiye khwa Yinsa Al-Masiihu, Mbwana eetthu.

1 Akorintiyu 2:2

Maana kajilakelela ohijuwi hatha etthu vakatthi venu, woohiiyi Yinsa Al-Masiihu otu akhomeliweeyo.

1 Akorintiyu 9:10

Khahi mwaasa wa fweeyo afiyeleliyeeyo olupa epo zaya? Aaa, wekhweele epo zaatikhiwa khwa zwaamu yeetthu fweeyo. Maana namalima amana alima, namattukutta amana attukutta, ona ya oretta na nroromelo yoori aretta phantte ya wuurula.

2 Akorintiyu 4:4

Yo khankhupali maana nluku wa vathi apha oomisa weeleyiwa waya yoori ahoone nuuru yootafikhana ya hapari zooshapweya za siifwa ya Al-Masiihu, othuuto eeyiyeeyo ratarato ya Nluku.

2 Akorintiyu 4:6

Ila Nluku ti alupiyeeyo yoori: “N'yiiza emwasikhelemo nuuru”, na ti othuuto amwasikheliyeeyo nroho mweetthu, khwa ojuwa wa siifwa za Nluku omaasho wa Yinsa Al-Masiihu.

Akaalata 1:16

Wakathi atakhiyeevo onthonyeza Mwanawe khwa miiyo yoori kilaleye hapari zawe khwa amalapo, akimuuzeleeni hatha ntthu.

Ayeefezu 4:13

Mpakha fooshi nifiyelele okusanyeya wa amini na onjuwa saaneene Mwaana wa Nluku, yoori niwahi okhomaala nifiyelelaka okhamilikha khwa Al-Masiihu.

Afiliipu 1:1

Miiyo Paawulu na Timootiyu, akarumeya a Al-Masiihu Yinsa, niniwaatikhela attakatthiifu ooshi a Yinsa Al-Masiihu aniikhalaaye sitati ya Filiipu, attunkhulu awulu a ojama wa Nluku na anamarumeya a ojama wa Nluku.

Afiliipu 3:10

Kintakha onjuwa Al-Masiihu, owahi woosisimuwa wawe. Na kintakha oretta phantte nkatthi wa ohoowa wawe na kijirette wiiya nkhama ye ofwa wawe,

Afiliipu 3:12

Akintakha olupa yoori zooshi epo kapattha ama wiiyana okhamilikha, ila kintta wiikarisa yoori kipatthe tthuvo, maana khwa etthiipo theenya khapatthiwa ti Al-Masiihu Yinsa.

Afiliipu 3:7

Ila etile khwa miiyo yaari fwayita, kinoona ohiina fwayita mwaasa wa Al-Masiihu.

2 Timootiyu 4:6

Miiyo kintta oshuluulisiwa nkhama zaakha ya etthu yoonywiwa. Na wafiya wakathi wa ofwa waka.

Meepereewu 3:14

Maana fweeyo naretteya wiiya ashirikha a Al-Masiihu, amana ninkholelela mpakha mwiisho na nroromelo naariinaaye thanku omwanzo.

1 Pheeturu 2:7

Nakataalikha, khwa mweeyo mwikhupaliyeeyo, liwe laya ntthi tthi lootafikhana; ila, khwa apale ahinkhupalelaaye, “Liwe anamajeka akatthaliyeeyo nttho laya laretteya wiiya liwe linkhomaazaaye,”

2 Pheeturu 1:2

Rehema na heeri ti yeekezeliwe khwa ojuwa wooshi wa Nluku na wa Yinsa, Mbwana eetthu.

2 Pheeturu 1:3

Owahi wawe onlankhaaye pinkuuni onninkha wakhula etile ninhithajiyaaye yoori niiyane meekhazi a emaani vakatthi wa ojuwa wooshi wa otule anikhuweliyeeyo, khwa siifwa yawe mweenyewe na okemaani.

2 Pheeturu 1:8

Maana makhaamu mwintakhaaye wiiyana pi apa. Amana mwiiyana na khuretta yoori eekezeleye, mwiniiya okhomaala na mwinteela wiima vitthu zawaatta zooshapweya mwaasa wa fwayita ya ojuwa wooshi mwiriinaaye khwa Mbwana eetthu Yinsa Al-Masiihu.

2 Pheeturu 3:18

Ila mwiwule nkatthi wa rehema na muujuwa wa Mbwana eetthu Namuusuru Yinsa Al-Masiihu. Othuuto ti enkhiwe siifwa, waaza nasaapi mpakha mileele! Amiina.

1 Yaahaya 1:3

Fweeyo nawuuzani epile nooniyeezo na nisiiliyeezo, yoori na mweeyo mwiiyane osiilana na fweeyo, na osiilana weetthu ori khwa Paapa na Mwanawe Yinsa Al-Masiihu.

1 Yaahaya 2:19

Yo alaavo vakatthi veetthu, nakataalikha apo aya khaari eetthu; maana eriwaka eettiye wiiya eetthu eetta onipharelela na fweeyo; yo alaavo yoori athoonyeze yoori ooshi khaari eetthu.

1 Yaahaya 5:20

Ninjuwa yoori Mwaana wa Nluku ata, khuninkha weeleyiwa yoori ninjuwe otule eeyiyeeyo wa khweele, na fweeyo niri wookusanyeya na Nluku wa khweele khwa Mwanawe Yinsa Al-Masiihu. Ye ti Nluku weekhweele, na ti ohaayi wa mileele.