Afiliipu 3:19 - Hapari Zooshapweya

¹⁹ Mwiisho wa apo aya opwetheya, nluku aya ejohojoho yaya, na anjikhutupulana vitthu epile zoopatthisa haaya; anuupuwela vitthu za voolumwenku apha paasi.

Afiliipu 3:19 Mawu Ofanana

Matewuzhu 16:23

Yinsa khuzukuluwa khumuuza Pheeturu yoori: “Osale nyuma waka, Epiliisi! Weeyo ori nkhama liwe liriiye ntarikhi mwaka yoori likikwakwattule, maana khunuupuwela vitthu za Nluku, ila za enaatamu.”

Matewuzhu 25:41

“Aphano ye onttela owooza apale a nkhono nkha awe yoori: ‘Anamalaanikha mwikaattuwe! Mweette omoottho wa mileele, waattaleleliweeyo sheethwani na malayikha awe.

Luuka 12:19

Nawiisha, kuuze nafusi yaka yoori: “Onaaye peewu na vitthu zawaatta zintoshelezaaye nyaakha zawaatta; ovumule, oje, onywe na ofurahi.” ’

Luuka 16:19

“Aarivo mwinyi mmote wa thaajiri aari owalaaye kuwo zooshapweya na zootafikhana, na wakhula siikhu eetta opuha, owawe yaari wiipikhiwawo etthu yoojiwa yannofu.

Luuka 18:4

“Khunkatthalela wakathi mwinkeene, ila omwiisho waya khusala alupa nroho mwawe yoori: ‘Na kihimoovi Nluku na ohinshitahi ntthu,

Arooma 16:18

Maana atthu aya apo khaninrumeyela Al-Masiihu, Mbwana eetthu, ila tuvela zaya ennyewe. Khwa mattakhuzi awoolowa na ottettekha, anhata rooho za apale oottettekheya.

Arooma 6:21

Mishumo ni muuruliyeeyo khwa vitthu zaya epo mweeyo enuupatthisaanini haaya? Mwiisho aya ofwa.

1 Akorintiyu 3:3

Maana mwinlotta onaatamu, enooneya yoori vakatthi venu liwaapho nrima na waawanyeya, toowo khamwinretteya wiiya anamalotta vitthu za enaatamu, mwirettaka vitthu za va olumwenku?

1 Akorintiyu 5:2

Na mweeyo mwintta ojikhutupula! Nakataalikha, khamwaarina ya wiitaala huzuni na omwiikara vakatthi venu otule anrettaaye vitthu zaya epo?

1 Akorintiyu 5:6

Ojikhupali weenu opo khahiyo wooshapweya. Mweeyo khamwinjuwa yoori fwaramento vattitthiiru enjakhula ofu wooshi?

2 Akorintiyu 11:12

Na kinrutela oretta etile kinrettaaye, yoori kihiwinkhe ruhusa apale antakhaaye opattha kiphenyo ya wooniwa wiiya sawasawa na fweeyo, khwa vitthu anjishashawulanaaye.

2 Akorintiyu 11:15

Nakataalikha, khahi yosutisa yoori akarumeya awe anjinkhelela wiiya akarumeya a shariya. Omwiisho waya yo anttela wiiya etile ensuhaaye khaazi zaya.

Akaalata 6:13

Ila wala na apo aya akhiriyiyeeyo khanshututela kano; yo antakha yoori mweeyo mwikhiriye, asala ajittottopa mwaasa wa ottha alama vamwiili venu.

Afiliipu 2:21

maana atthu ooshi anshikha epile ziiyiye zaya, khanshikha epile ziiyiyeeyo za Yinsa Al-Masiihu.

Akoloosu 3:2

Wuupuwela weenu wiiye wa vitthu za otulu, ohiiye wa vitthu za vathi.

2 Atizaloonika 1:9

Yo anttela ohoowa apatthe hukhumu khwa otapanyeya wa mileele, ophakuliwa omaasho wa Mbwana na siifwa ya owahi wawe.

2 Atizaloonika 2:12

na eeye oophukiwa ooshi apale ahikhupaleleeni haakhi, ila aariina tuvela zohiiyi za shariya.

2 Atizaloonika 2:8

Aphano onttela othoonyeziwa ntakhali, othuuto Mbwana Yinsa anttelaaye omuula na pheevo ya nkhanyo mwawe na ontapanya khwa ojithoonyeza wa ota wawe.

1 Timootiyu 6:5

na oshinttana woohilikheleli. Nkhama etthiipile aazowereliyeezo atthu awiiyana akhili za wuntuwanyiwa, eeyeliweeyo haakhi yaya, apo aya anoona yoori tiini etthu enreelisaaye.

2 Timootiyu 3:4

anamazinkula, avaranka, ojoona, oopheta vitthu ziniwaatuvelaazo zayita Nluku,

Tiyaaku 4:16

Ila mweeyo mwinjitayiti na ojittottopa. Wakhula ojitayiti nkhama opo pi wootakhala.

2 Pheeturu 2:1

Raku, vakatthi wa atthu aapuwiyevo manapiyu oojipanka, etthiipo theenya vakatthi venu mweeyo anteela opuwavo anamanozela oojipanka. Yo anteela osarula vattiitthi vattiitthi mwentto woovonyeya ontapanyaaye, afiyelelaka onkatthala Mfwalume Nwulu otule awaakaphuliyeeyo, ajitothelaka nasaapiru otapanyeya.

2 Pheeturu 2:13

Yo anteela opokhera phakari khwa oheettettisi shariya arettiyeeyo. Anttha fwayita oretta vitthu za tuvela zoohifwayi nthaneene. Apo aya ttaakha na malepa, amana arettaka phantte ya majampo enu anshezana tuvela zaya zootakhala.

2 Pheeturu 2:3

Khwa omaashokopho wa anamanozela aya atthaapo, anteela wuujelani khwa hantisi zoopankiwa, hukhumu yaya eri khwa yo raku zeene, na otapanyeya waya khunrupaza.

Yuuda 1:10

Ila apo aya antarawu yooshi etile ehiniweeleyaaye; na anretta vitthu nkhama nyama ehinuupuwelaaye, yo anretta eniwaatelaaye, mpakha vitthu zaya epo ziniwaatapanyeya.

Yuuda 1:16

Atthu aya apo aniikhala ajilizaka, anamwiphiiriwa na nasipu yaya, anlottela tuvela zaya zoohifwayi, oojikhupali, aniwaattettekha azaaya khwa tuvela zaya.

Yuuda 1:4

Nakataalikha atthu akina, ahinimoovaaye Nluku ata vakatthi venu woohisopheliwi. Yo anzukulisa rehema ya Nluku khwa vitthu zoovonyeya. Na aninkatthala Yinsa Al-Masiihu, Mfwalume eetthu na Mbwana eetthu otthwe. Raku zeene Zawaatikhiwa Ttakatthiifu zalupa hukhumu yo apwekheriyeeyo.

Othoonyeziwa 18:7

Mwinhooshe womoopopisavo channu namashakha a waatta, nkhama nsiifwa na nraaha mphule ye ajitthiiyeemo. Khwa rooho yawe ye aari ojikhupali yoori: ‘Miiyo ki wa wiikhala nkhama rayisi, aki namafweliwa ti mannaka na akinteela woona theenya huzuni.’

Othoonyeziwa 19:20

Ila nyama yawoopisa khufukiwa vamote na napiyu woojipanka aarettiyeeyo alama za minjuza khwa nzina laya. Atthaapo awaahatiyeeyo apale apwekhereliyeeyo alama ya nyama yawoopisa na khwaaputu ratarato yaya. Oowiiri khweeseleliwa ari awoona va ntthatta la moottho onkholelanaaye oka.

Othoonyeziwa 21:8

Ila ananhiminyali, oohaamini, makookaani, anamahusuti, anakaapa twayifu, ashawi, anamwaaputu sanamu na anamahata ooshi puuro yaya enttela wiiya ontthatta la moottho onkholelanaaye oka. Opu pi ofwa wa phiiri.”

Othoonyeziwa 22:15

Vaje ansalavo anapwa, apale aneettettelaaye oshawi, apale anrettaaye khaapa twayifu, anamahusuti, anamwaaputu sanamu na ooshi apale amphetaaye na aneettettelaaye ohata.