Afiliipu 3:17 - Hapari Zooshapweya

¹⁷ Attwiizaku, mwikilotte woosiilanavo khwa nthoonyezo aka na mwiwoone apale aneettettaaye khwa menttezi nuuthonyeziyeenini mweeyo.

Afiliipu 3:17 Mawu Ofanana

Arooma 16:17

Kinuuvekelani attwiizaku, yoori mwiiyane phoole na apale antanaaye waawanyeya na ottha tafwawuthi khwa masomi apale mweeyo mwipwekhereliyeeyo. Apo aya mwiwaasuse.

1 Akorintiyu 10:32

Ehiretteye wiiya etthu ya okwakwanttula wala khwa mayaahuuti wala akereeku ama ojama wa Nluku.

1 Akorintiyu 11:1

Mwikeezele miiyo, nkhama etthiipo miiyo kinimweezelaazo Al-Masiihu.

1 Akorintiyu 4:16

Nakataalikha, kinuuvekelani yoori mwikeezele.

Afiliipu 4:9

Mwilottisele epile mwinozeliweeyo, mwipwekhereliyeeyo, mwisiiliyeeyo na mooniyeeyo khwa miiyo; na Nluku wa heeri ontta wiiya vamote na mweeyo.

1 Atizaloonika 1:6

Weekhweele mweeyo mwaretteya wiiya atthu mwinneezelaaye fweeyo na khwa Mbwana, maana, mwahoowaru pure, mwapwekherela nttakhuzi na furaha entaaye khwa Rooho Ttakatthiifu.

2 Atizaloonika 3:14

Amana ntthu akhijilela epi nilupiyeezo nwarakha mphu, mwimoone saana mwihijikusanyane oto aya anrettaaye epo zaya, yoori empatthe haaya.

2 Atizaloonika 3:7

Maana mweeyo mwinjuwa nanna ya oneezela fweeyo, mwaasa khaniikhaleeni khwa mweeyo woovonyeyavo.

2 Atizaloonika 3:9

Khahiyo mwaasa wa yoori khanaarina ruhusa ya winkhiwa etthu yoojiwa ti mweeyo, ila yoori niretteye nthoonyezo wa weezeliwa ti mweeyo.

1 Timootiyu 4:12

Ahiiyevo antakhaaye wuutarawu mwaasa wa wiiya shaapu, ila khwa ottakhula wawo, menttezi awo, pheta, amini na wookemaanivo wiiye nthoonyezo wa anamwaamini.

Meepereewu 13:7

Mwiwuupuwele atthu apale oolokozeliyeenini, aari wuutafusirelaanini nttakhuzi la Nluku. Mwipheleleze saaneene mishumo za ohaayi aya, mweezele amini ethiito aariinaaye.

1 Pheeturu 5:3

Mwihijirette wiiya anamashintta wa apale mwiniwaalokozelaaye ila mwiiye nthoonyezo wa liphanko laya nttho.