Afiliipu 3:15 - Hapari Zooshapweya

¹⁵ Fooshi fweeyo niiyiyeeyo okhomaala nkatthi wa amini nina ya woona vitthu khwa nanna ethiito, ila nkhama vakatthi venu, owaapho anuupuwelaaye khwa nanna yoofwarikhana, Nluku ontta othoonyeza epo zaya khwa mweeyo.

Afiliipu 3:15 Mawu Ofanana

Matewuzhu 5:48

Nakataalikha mwiiye atthu khaamili, nkhama etthiipo eeyiyeeyo khaamili Papeenu wa pinkuuni.

Luuka 11:13

Nkhama mweeyo, mweeya ru pure ootakhala rooho, mwinjuwa owenkha aaneenu vitthu zooshapweya, sapiseni Paapa wa pinkuuni khanziti owenkha Rooho Ttakatthiifu apale aninvekelaaye?”

Yaahaya 6:45

Yaatikhiwa nkithaapu za manapiyu yoori: ‘Ooshi anttela osomisiwa ti Nluku.’ Nakataalikha, wooshi otule asiiliyeeyo phantte ya Paapa na khujuwa, onikiteela miiyo.

Yaahaya 7:17

Amana ntthu ajilakelela oretta matakhelo a Nluku, ontta osophela nkhama osomisa waka onlankha wa Nluku ama kinjilupa kimweenyewe.

Arooma 15:1

Fweeyo nikhomaaliyeeyo, nina ya ovilela otteettheya wa apale oohikhomaali, nihisala nijituvelisa neenyeweru.

1 Akorintiyu 14:20

Attwiizaku, mwilikhe wuupuwela nkhama asimaana. Monkoni wa zootakhala, mwiiye asimaana, ila khwa nanna ya wuupuwela mwiiye awulweene.

1 Akorintiyu 2:6

Nakataalikha, akhili epi ninttakhula khwa apale akhomaaliyeeyo, ila khahiyo akhili za wakathi opu ama anamawahi a wakathi otthuupu, anttelaaye ovukuliwa ahiiye etthu.

Akaalata 5:10

Miiyo kinuuroromelani mweeyo khwa Mbwana yoori khamwinlawa olottela shawuri kiina. Ila otule anuutapwatelaanini, hatha nkhama paani, onttela opattha hukhumu.

Ayeefezu 1:17

Kininvekela Nluku wa Mbwana eetthu Yinsa Al-Masiihu, Paapa wa siifwa, yoori awinkheni rooho ya akhili na yoothonyeziwa khwa onjuwa waya saaneene,

Akoloosu 1:28

Khwa etthiipo fweeyo nininlaleya, nitumerelaka na ninsomisaka wakhula ntthu na akhili zooshi, yoori nawaathonyeze atthu ooshi ari ookamilikha khwa Al-Masiihu.

Akoloosu 4:12

Epaafara, eeyiyeeyo mmote wa mweeyo na karumeya wa Al-Masiihu Yinsa, omperekha salamu. Ye onvira oomanaka nkatthi wa lompa khwa mweeyo, yoori nkhama etthiipo mwiiyiyeeyo atthu ookhomaala na ookhupali saaneene, mwivire mwikhomaalaka khwa matakhelo ooshi a Nluku.

1 Atizaloonika 4:9

Monkoni wa pheta ya attwi, khinihithajiya owaatikhelani, maana Nluku mweenyewe awaasomisa yoori mwina ya ophetana mmote na nzeenu.

2 Timootiyu 3:17

yoori ntthu wa Nluku eeye khaamili na woolikana khwa khaazi zooshi zooshapweya.

Meepereewu 5:14

Ila etthu yoojiwa yookhomaala eniwaafwayi apale awulu, maana yo mwaasa wa oja wakhula siikhu, anjuwa othawula yooshapweya na yootakhala.

1 Yaahaya 2:5

Ila ntthu anshututelaaye mattakhuzi awe, oto khweele pheta ya Nluku yankamilikhela vakatthi vawe. Khwa ethiito, ninjuwa yoori niri khwa ye: