1 Wiishela waya attwiizaku, mwinfurahele Mbwana! Owaatikhelani opheya vitthu etthiipile khahi yooshokheza khwa miiyo, owiinanelani mweeyo.
Mwifurahi na mwitthape, maana tthuvo yenu pinkuuni khuluyeene, maana khwa nanna etthiipo awaalupatthiye manapiyu aviriyeeyo khapula ya mweeyo.
Rooho yaka ti yonfurahela Nluku Namuusuru aka,
Khahiyo ethiito paasi, ila theenya ninjittitthimisa khwa Nluku, vakatthi wa Mbwana eetthu Yinsa Al-Masiihu, othuuto anipatthisiyeeyo osiilana.
Omwiisho, attwiizaku, kinuuvekelani yoori mwiiye ofurahi! Mweekese ozowerela, mwilikhisane woophetanavo, mwiiyane shawuri moote, mwiikhale na heeri. Nluku wa pheta na heeri onttela wiiya vamote na mweeyo.
Omwiisho waya, mwiiye wookhomaala khwa Mbwana na kuvu za owahi nwulweene ariinaaye.
Maana ti fweeyo nikhiriyiyeeyo ninimwaputwaaye khwa Rooho ya Nluku, ninjisifwanaaye Al-Masiihu Yinsa nihina hatha nroromelo mmote wa menttezi a onaatamu,
Mwinfurahele Mbwana wakhula wakathi; kinrutela opheya kilupaka yoori: Mwinfurahele!
Wiishela waya attwiizaku, yooshi yiiyiyeeyo ya ookhweele, yooshi yiiyiyeeyo ya shitaha, yooshi yiiyiyeeyo yoolotteya, yooshi yiiyiyeeyo swaafi, yooshi yiiyiyeeyo yoophetiwa, yooshi yiiyiyeeyo yootuvela, amana yiiyavo etthu yootepa oshapweya ama ensuhaaye ottitthimisiwa, mwifikhiri vitthu zaya epo.
Wiishela waya attwiizetthu, noonozelani nanna ya wiikhala khwa ontuvelisa Nluku, na wekhweele, mweeyo mwineettetta etthiipo. Nasaapi ninuuvekelani na ninuutumerelani mweeyo khwa Mbwana Yinsa yoori mwiwulele etthiipo theenya wakhula swaafu.
Wakhula wakathi mwifurahi.
Attwiizaku, mwijoone wiiyana furaha khuluyeene amana mwivirela wakhula nanna ya wootootiwa,
Omwiisho waya, wuupuwela weenu wiiye nanna moote, ohurumiyana, mwithoonyezaka pheta ya ottwi, mwiiye awoonelana tthakaraka na oojipushuwisa.
Ila mwifurahi mwaasa wa oretta phantte ya ohoowa wa Al-Masiihu, yoori amana ottitthima wawe othoonyeziwa, mweeyo mwitthape khwa furaha khuluyeene.
Aphetani aka, eti warakha ya phiiri kiniwaatikhelaanini. Khwa zoopiiri kintakha wuukupuselani, kilanselaka akhili zenu zooshapweya.