Afiliipu 2:9 - Hapari Zooshapweya

⁹ Tiito Nluku anwulisiyeeyo Yinsa khwa puuro khuluyeene na khumwinkha nzina liriiye vatulu wa mazina ooshi,

Afiliipu 2:9 Mawu Ofanana

Mwanzo 3:15

Kinttela otthaavo wuumani weeyo na muukha; ojama awo na ojama wa muukha. Ojama wa muukha nka wuuvulalisaka eeshwa yawo, na weeyo nka ottovolaka ekwakuno yaya.”

Matewuzhu 11:27

Vitthu zooshi kenkhiwa ti Paapa. Khina aninjuwaaye Mwaana woohiiyi Paapa, na khina aninjuwaawe Paapa woohiiyi Mwaana na otule Mwaana anintakhelaaye onthoonyeza.

Matewuzhu 28:18

Aphano Yinsa khuwaattama khuwooza yoori: “Kenkhiwa ofwalume pinkuuni na vathi.

Luuka 10:22

“Zooshi kenkhiwa ti Paapa, na khaavo aninjuwaaye Mwaana woohiiyi Paapa, wala aninjuwaaye Paapa woohiiyi Mwaana, na otule Mwaana anintakhelaaye yoori anjuwe.”

Yaahaya 13:3

Yinsa aajuwiye yoori Paapa vitthu zooshi attha mmakhono mwawe, na alankhiye wa Nluku na aari orutela wa Nluku,

Yaahaya 17:11

Nasaapi eti akinteela wiikhala voolumwenku ila yo ari voolumwenku, maana miiyo kineetta okho oriiwo weeyo. Paapa woottakatthifu, oweenanele khwa nzina lawo, nzina okinkhiyeeyo, yoori yo eeye vamote nkhama niriizo fweeyo.

Yaahaya 17:12

Wakathi kaari vamote na yo voolumwenku, miiyo kaaweenaneliye na khuwaathokorela khwa owahi wa nzina lawo, nzina nttinttho okinkhiyeeyo. Kaaweenaneliye na khuhiivo mmote aashikhiyeeyo, woohiiyi otule atthomeliweeyo waashikha yoori epile zilupiyeezo Zawaatikhiwa Ttakatthiifu zirettikhane.

Yaahaya 17:5

Na, nasaapi eti, okittitthimise oo Paapa, vamote na weeyo khwa siifwa kaarinaaye na weeyo khapulathi olumwenku ohineeyevo.

Khaazi 5:31

Othuuto, Nluku khunwulisa na khumwinkha wiiya Namalokozela na Namuusuru, yoori awenkhe meezirayiilu othupwiya na nswammaha wa twampi.

Ayeefezu 1:10

shawuri zaya epo okusanya wakathi khaamili vitthu zooshi mmakhono wa Al-Masiihu epile ziriiye otulu na vathi.

Akoloosu 1:18

Ye eeshwa ya mwiili wiiyiyeeyo ojama wa Nluku, waaza na omwanzo vakatthi wa ananfwa, yoori eeye nwulu khwa zooshi.

2 Atizaloonika 1:12

Etthiipo nzina la Mbwana eetthu Yinsa linteela ottitthimisiwa khwa mweeyo, na mweeyo khwa ye, khwa rehema ya Nluku eetthu na ya Mbwana Yinsa Al-Masiihu.

Meepereewu 1:4

Khwa nanna ethiito Nluku khunretta wiiya nwulweene zayita malayikha na khumwinkha nzina liwululene zayita yo.

Meepereewu 1:9

Weeyo ompheta haakhi na eniwiiphiira yootakhala; tiito Nluku, eeyiye Nluku awo oothawuliyeeyo vakatthi wa ashirikha awo oothawaza na mafuttha a furaha.”

Meepereewu 12:2

Maasho nithoonyeze wa Yinsa, otule eeyiyeeyo namawaza na mweenyewe amini yeetthu. Ye avilela ofwa vansalapa, khuhinjali haaya etile yaariivo, ajuwaka furaha yaari onwejelaaye. Paata ya ohoowa ye eekhala nkhono nlume wa khukulu ya Nluku.

Meepereewu 2:9

Namoona, otule arettiweeyo wiiya nttitthiiru zayita malayikha, Yinsa, enkhiwa jarata ya hishima na ya siifwa mwaasa wa ohoowa na ofwa, yoori khwa rehema ya Nluku, khwa zwaamu ya atthu ooshi, ootele ofwa.

1 Pheeturu 3:22

aweliyeeyo pinkuuni na ori nkhono nlume wa Nluku; ye onlokozela malayikha, ofwalume na owahi wooshi.

2 Pheeturu 1:17

Ye apwekhera, khwa phantte ya Papaawe Nluku, shitaha na siifwa ya pinkuuni, khusiila huula ya ottitthima nwulweene eraka: “Otu Mwanaka wompheta, na wookituvela channu!”

3 Yaahaya 1:7

Maana yo aaza safwari yaya ya onrumeyela Al-Masiihu woohikhupaleli hatha awuni moote ya amalapo.

Othoonyeziwa 1:5

na khwa Yinsa Al-Masiihu, shaahiti wa waamineya, wa omwanzo khwa ananfwa na mfwalume nwulu wa afwalume a voolumwenku. Ye onnipheta na anitaphula twampi zeetthu khwa taamu yawe,

Othoonyeziwa 11:15

Nlayikha la saapa khuvumisa nlope laya, pinkuuni khupuwawo huula zookhomaala zaari oraaye: “Ofwalume wa olumwenku waretteya wiiya wa Mbwana eetthu na Al-Masiihu awe, na onteela olokozela khwa mileele.”

Othoonyeziwa 19:16

Khwa ajapi yawe na maphaja awe yaatikhiwamo yoori: mfwalume wa afwalume na mbwana wa ambwana.

Othoonyeziwa 3:21

Otule anshinttaaye kinimwinkha ruhusa ya wiikhala na miiyo va khukulu vaka, nkhama etthiipo miiyo kishinttiyeezo khwiikhala na Paapa va khukulu vawe.

Othoonyeziwa 5:12

na eepaka na huula yoosileya araka: “Ensuhaaye Pwittipwitthi, yawuuliiwa, khwa opwekherela owahi, maali, akhili, kuvu, hishima, ottitthima na siifwa.”