Afiliipu 2:8 - Hapari Zooshapweya

⁸ Na khwiikhala khwa nanna ya onaatamu, khujipushuwisa mwenyeweru, na khwiiya namashututi mpakha ofwa, ofwa wa vansalapa.

Afiliipu 2:8 Mawu Ofanana

Zaapuura 22:16

Anapwa akizukulela na khuntti ya anaatamu ootakhala rooho akijekelela, attiwula makhono aka na moolu aka.

Matewuzhu 17:2

Attaaphale Yinsa khuzukulisiwa vakatthi vaya. Wuuso awe khwaara nkhama njuwa kuwo zawe khwiiya zoolakala nkhama nuuru.

Matewuzhu 26:39

Khususa vattitthiiru, khukokhora khufiisa ajihi yawe vathi, khusala alompa araka: “Paapa, nkhama enwaheya, okaattuwanise jiikira eti ya ohoowa; ila ehirettikhane nkhama kintakhaazo, ila nkhama ontakhaazo.”

Matewuzhu 26:42

Khurutela olawa olompa theenya khuri: “Paapa, nkhama khinwaheya okattuwananisa jiikira eti khapula kihinyweeni, ti arettikhane matakhelo awo.”

Luuka 9:29

Alompaka etthiipile omaasho wawe khuzukuluwawo, kuwo zawe khwiiya zoolakala na zawaara nkhama ozerima.

Yaahaya 10:18

Khina anikinyakanyaaye, ila miiyo kininkha khwa matakhelo aka ooshi. Kinaaye ruhusa ya winkha na othuula. Oruma opo kapokhera wa Paapa.”

Yaahaya 14:31

nakataalikha yoori atthu a voolumwenku ojuwe yoori miiyo kininpheta Paapa, enikihithajiya oretta etile akirumiyeeyo. Lankhani, nileevo apha.”

Yaahaya 15:10

Amana mweeyo mwishututela oruma waka mwiniiya nkatthi wa pheta yaka, nkhama etthiipo na miiyo kinshututelaaye oruma wa Paapa na kiiyiyeeyo nkatthi wa pheta yawe.

Yaahaya 4:34

Yinsa khuri: “Etthu yoojiwa yaka oretta matakhelo a otule akirumiyeeyo okhola khaazi zawe.

Khaazi 8:33

Ye wakathi wa ohoochiwa wawe khukatthaziwa shariya. Khi paani ariina ruhusa ya ottakhula ojama awe? Ye ohaayi awe walaziwavo vathi apha.”

Arooma 5:19

Nkhama etthiipo, khwa okhijili wa ntthu mmote paasi atthu awaatta khuretteya wiiya anatwampi, na khwa etthiipo theenya, mwaasa wa oshututi wa ntthu mmote paasi, atthu awaatta aretteye wiiya anashariya.

2 Akorintiyu 8:9

Maana mweeyo mwinjuwa rehema ya Mbwana eetthu Yinsa Al-Masiihu, ari thaajiri, ila khujiretta wiiya masikhini mwaasa wa pheta yenu, yoori vakatthi wa osikhini aya, mweeyo mwiretteye wiiya mathaajiri.

Akaalata 3:13

Yaatikhiwa yoori: “Woolanikha ti otule wooshi athomeyiweeyo vansalapa.” Tiito Al-Masiihu khujiretta wiiya namalaanikha khwa zwaamu yeetthu fweeyo, na arettiyeevo toowo Ye anilaza nkatthi wa laana za kano.

Tiitu 2:14

Ye ajinkha khwa zwaamu yeetthu fweeyo yoori anitaphule khwa vitthu zootakhala na anitwahareshe niiye atthu awe monkoni wa weettettisa mwentto wooshapweya.

Meepereewu 12:2

Maasho nithoonyeze wa Yinsa, otule eeyiyeeyo namawaza na mweenyewe amini yeetthu. Ye avilela ofwa vansalapa, khuhinjali haaya etile yaariivo, ajuwaka furaha yaari onwejelaaye. Paata ya ohoowa ye eekhala nkhono nlume wa khukulu ya Nluku.

Meepereewu 12:4

Khwa wuumanana twampi, nalelo khamwinavilele mpakha ofiyelela oshuluula taamu yenu.

1 Pheeturu 2:24

Ye mweenyeweene athuula mmwiili mwawe twampi zeetthu vansalapa, yoori nifwe khwa twampi na niikhale khwa shariya. Khwa makhwatta awe mweeyo mwavonisiwa.

1 Pheeturu 3:18

Maana Al-Masiihu ahoowa swaafu moote mwaasa wa twampi zenu, nashariya khwa apale oohiina shariya, yoori oofiyiseni wa Nluku. Khuuliiwa mwiili awe, ila khwiiya haayi khwa Rooho.