Afiliipu 2:7 - Hapari Zooshapweya

⁷ ila khujileva, khujiretta wiiya karumeya, ajilikanisanaka anaatamu.

Afiliipu 2:7 Mawu Ofanana

Zaapuura 22:6

Ila miiyo ki nyunku, aki ntthu, kintta oveyisiwa pi atthu na ki yaana ya otarawiwa pi anaatamu.

Matewuzhu 12:18

“Otu ari apha karumeya aka, kinthawuliyeeyo, mphetani aka, anfurahisaaye Rooho yaka, kanpwehela nafusi yaka, ye onteela olaleya ophukiwa wa atthu ooshi.

Matewuzhu 20:28

Nkhama etthiipo, Mwaana wa Pinaatamu khateleeni orumeyeliwa, ila orumeya na winkha ohaayi awe khwa owaakaphula atthu awaatta.”

Maaruku 9:12

Yinsa khuwaajipu yoori: “Khweele Aliyaasi ona ya ota khapula, amana ata onrutisela opheeya vitthu zooshi. Khi mwaasa aya niini yaatikhiwaka yoori Mwaana wa Pinaatamu ona ya ohoowa channu, okatthaliwa na otarawiwa?

Luuka 22:27

Nttunkhulu ti paani, ti otule aniikhalaaye vameeza ama otule anrumeyaaye? Khaniiya otule aniikhalaaye vameeza? Ila vakatthi venu mweeyo, miiyo kiri nkhama otule anrumeyaaye.

Yaahaya 1:14

Nttakhuzi khujiretta ontthu na khwiikhala vakatthi veetthu. Fweeyo noona siifwa yawe, siifwa nkhama mwaana mmote paasi wa Paapa wawiitaala rehema na khweele.

Arooma 1:3

monkoni wa Mwanawe, othuuto nkhama pinaatamu, atiiyeeyo khwa ojama wa Daawuuda,

Arooma 15:3

Maana theenya Al-Masiihu khajituveliseeni mweenyeweru, ila nkhama yaatikhiweezo yoori: “Mattukhano a apale anuuttukhanaaye akikwela miiyo.”

Arooma 15:8

Maana miiyo kiniwuuzani mweeyo yoori Al-Masiihu ajiretta okarumeya wa apale eeyiyeeyo anamakhiriya, khwa pheta ya haakhi ya Nluku, yoori athoonyeze ahiti arettiyeeyo amarehemu apapazetthu;

Arooma 8:3

Maana, etile kano yahawahiyeeyo oretta mwaasa wa otteettheya wa onaatamu, Nluku aretta, khumperekha mwanawe, woolattanana pinaatamu wa twampi, nkhama zaakha ya twampi, khwa etthiipo khuttha paathuli twampi vakatthi wa onaatamu.

2 Akorintiyu 13:4

Maana wekhweele, aakhomeliwe khwa otteettheya, ila ori haayi khwa owahi wa Nluku. Khwa nanna etthiipo, na woottettheya khwa ye, ila khwa owahi wa Nluku ninteela wiikhalana ye yoori nuurumeyeleni mweeyo.

2 Akorintiyu 8:9

Maana mweeyo mwinjuwa rehema ya Mbwana eetthu Yinsa Al-Masiihu, ari thaajiri, ila khujiretta wiiya masikhini mwaasa wa pheta yenu, yoori vakatthi wa osikhini aya, mweeyo mwiretteye wiiya mathaajiri.

Akaalata 4:4

Ila noofiya wakathi khaamili, Nluku amperekha Mwanawe, woovokoliwa ti muukha, na eekhaliyeeyo nkatthi wa kano,

Afiliipu 2:6

Eeyiyeru pure Nluku, khuhijooni wiiya sawasawa na Nluku yaari etthu aari otakhaaye okholelela,

Meepereewu 12:2

Maasho nithoonyeze wa Yinsa, otule eeyiyeeyo namawaza na mweenyewe amini yeetthu. Ye avilela ofwa vansalapa, khuhinjali haaya etile yaariivo, ajuwaka furaha yaari onwejelaaye. Paata ya ohoowa ye eekhala nkhono nlume wa khukulu ya Nluku.

Meepereewu 13:3

Mwiwaafikhiri apale ariiyeeyo nkalapooso nkhama mweettiye ofukaniwa vamote, na apale anhoowisiwaaye, nkhama mwiri mweeyo ena mwinhoowaaye.

Meepereewu 4:15

Tiito khanina haakhimu nwulu wa tiini ahinwahaaye omweeleya otteettheya weetthu, ila apho ninaaye haakhimu nwulu wa tiini wa wiiya nkhama fweeyo, azayiniweeyo nanna zene nkhama fweeyo, ila ye khakoseeni.