Afiliipu 2:30 - Hapari Zooshapweya

³⁰ maana ye aasaleliye ofwa mwaasa wa pheta khwa khaazi ya Al-Masiihu, alevaka ohaayi awe yoori akinkhe awuni mweeyo mwahawahiyeeyo okinkha.

Afiliipu 2:30 Mawu Ofanana

Khaazi 20:24

Khwa miiyo ohaayi aka khuna fwayita, ila eriina fwayita okhola khaazi eti kithawuleliweeyo ti Mbwana Yinsa, mpakha wiishisa, khaazi ya olaleya hapari zooshapweya za rehema ya Nluku.

Arooma 16:4

Yo aaleviye ohaayi aya mwaasa wa miiyo. Kiniwaashukhurwela venkivene, khahiyo otthome paasi, ila na amalapo ooshi a ojama wa Nluku.

1 Akorintiyu 15:53

Maana, etile yootapwateleya enhithajiya owala etile ehintapwateleyaaye, etile enfwaaye ewale etile ehinfwaaye.

1 Akorintiyu 16:10

Amana Timootiyu ata okho, mwintthantte yoori ye ahiiyane hatha etthu ya woova amana eeya na mweeyo, maana ye onkhola khaazi ya Mbwana, etthiipo nkhama miiyo.

1 Akorintiyu 16:17

Kafurahi khwa ota wa Shiteefanu, Furutunaatu, na Akaayiku, maana yo amarisela etile yaari okisaleelaaye khwa phantte yenu mweeyo.

2 Akorintiyu 12:15

Etthiipo khwa niiya yooshapweya, khwa pheta yenu mweeyo, kaari oharipu zooshi kiriina na ojikukhumula kimweenyewe. Mwaasa wa wuuphetani nakuvu, na mweeyo mwina ya okipheta.

2 Akorintiyu 4:12

Khwa nanna ofwa onrettaazo khwa fweeyo, na ohaayi onretta etthiipo khwa mweeyo.

Afiliipu 2:17

Khwa zooshi, hatha nkhama keetta oshuluulisiwa nkhama zaakha yoonywiwa monkoni wa twaha ya amini yenu mwinimwinkhaaye Nluku, kiwoofurahi na kintthapa na mooshi mweeyo.

Afiliipu 2:27

Weekhweele ye aari nlwele, aasaleliye ofwa. Ila Nluku khwiiyana huruma naye, khahiyo ye otthwe, ila na miiyo theenya, yoori kihiiyane huzuni vatulu wa huzuni.

Afiliipu 4:10

Kinfurahi venkivene khwa Mbwana, maana omwiisho waya mweeyo mwathoonyeza opheya okitakha weenu miiyo. Weekhweele mweeyo mwaari okijali ila mweettiye ohiina kiphenyo ya othoonyeza.

Afiliipu 4:18

Kapwekhera zooshi, kapattha zooziti ofiyela. Kinaaye zooshi kinihithajiyaayo, paata ya Epaforotiitu okitiisela vitthu epi mwiperekhiyeeyo, epo zaya ziri nkhama mafuttha oonukhela awinkhiwa Nluku, twaha ankhupalelaaye na enintuvelaaye.

Filimooni 1:13

Yaari okituvela ari vamote na miiyo yoori akaawuni khwa zwaamu yawo, wakathi opu kiiyiyeeyo woofukiwa mwaasa wa hapari zooshapweya.

Othoonyeziwa 12:11

Yo anshintta khwa taamu ya Pwittipwitthi na khwa mattakhuzi oshaahiti alaziyeeyo; maana aajilakeleliye oleva ohaayi aya na ofwa.