Afiliipu 2:3 - Hapari Zooshapweya

³ Mwihirette etthu khwa otakha weenu ama ojikhupali, ila woojipushuwisavo owoona akina aya wiiya awuuzitini mweeyo.

Afiliipu 2:3 Mawu Ofanana

Luuka 18:14

“Miiyo kiniwuuzani yoori, namariphisa lumpuru aalawiye owawe ari woohakikhiwa ti Nluku, ila otule nkina wala. Maana otule anjiwulisaaye ontta opushuwisiwa, ila otule anjipushuwisaaye ontta owulisiwa.”

Arooma 12:10

Mwijinkhe mmote na nzeenu nkhama pheta ya ntthu na ttwiiye. Mwihithari owaakhirimu azeenu zayita mweeyenaru.

Arooma 13:13

Nijilikanise weekhweelevo nkhama atthu aneettettaaye nnuuru ya nthana, khahiyo khaapa twayifu na ohapaliwa, wala oraruwa na zowera, wala onyakulisana na nrima.

Arooma 2:8

Ila eniiyavo katapu na hukhumu khwa apale ojikhupali, ankatthalaaye haakhi na khusala alottela vitthu zohiiyi za shariya.

1 Akorintiyu 15:9

Maana miiyo kinttitthiiru khwa maaswihaapa na hatha vattitthiiru akinsuhi wiitthiwa aswihaapa, maana kalupattha ojama wa Nluku.

1 Akorintiyu 3:3

Maana mwinlotta onaatamu, enooneya yoori vakatthi venu liwaapho nrima na waawanyeya, toowo khamwinretteya wiiya anamalotta vitthu za enaatamu, mwirettaka vitthu za va olumwenku?

2 Akorintiyu 12:20

Kinoova yoori amana kita wuuthotolani, kuusikanani nanna kahaari waakhipwelaaye, na mweeyo ohikisikani khwa nanna mwahaari waakhipwelaaye. Kinoova yoori owaapho onyakulisana, nrima, nthoonyezo wa wiiphiiriwa, waawanyeya, otarawana, wuumani, ojikhupali na ohisiilani.

Akaalata 5:15

Ila nkhama mwintta olumana na orafunana, mwiiyane phoole mwihitapanyane mmote na nzeenu!

Akaalata 5:26

Nihiiye atthu oojikhupali, niwaalikaka azeetthu na wiiyana nrima mmote na nzeetthu.

Ayeefezu 4:2

Mwiiye oojipushuwisa, ookemaani, oovilela, mwihurumiyanaka mmote na nzeenu na oophetana.

Ayeefezu 5:21

Mwisala mwishututelana wakhula ntthu na nzaawe mwaasa wa shitaha mwiriinaaye na Al-Masiihu.

Afiliipu 2:14

Mwirette zooshi woohijilizi wala onyakulisana,

Akoloosu 3:12

Nakataalikha, nkhama atthu oothawuliwa a Nluku, attakatthiifu na oophetiwa, mwijiwalise huruma yawaatta, emaani, ojipushuwisa, ojiitthaaza na ovilela.

Akoloosu 3:8

Ila aphano mwanswi vitthu zaya epo zooshi: katapu, wiiphiiriwa, otakhala rooho, mattukhano, na mattakhuzi ootakhala a nkhanyo mweenu.

1 Timootiyu 6:4

ntthu aya oto tu woojikhupali na woohijuwi hatha etthu. Onaaye olwele wontuvela onyakulisana na okheetisana nkatthi wa mattakhuzi antisaaye nrima, wuumani, mattukhano, waakanyerelana vitthu zootakhala,

1 Pheeturu 3:8

Omwiisho waya, wuupuwela weenu wiiye nanna moote, ohurumiyana, mwithoonyezaka pheta ya ottwi, mwiiye awoonelana tthakaraka na oojipushuwisa.

1 Pheeturu 5:5

Khwa nanna ethiito, mashaapu awaashitahi attunkhulu. Mooshi mwiiye ojipushuwisa mmote na nzeenu, maana Nluku khantuveliwa pi apale oojikhupali, ila oniwenkha rehema apale oojipushuwisa.