Afiliipu 2:17 - Hapari Zooshapweya

¹⁷ Khwa zooshi, hatha nkhama keetta oshuluulisiwa nkhama zaakha yoonywiwa monkoni wa twaha ya amini yenu mwinimwinkhaaye Nluku, kiwoofurahi na kintthapa na mooshi mweeyo.

Afiliipu 2:17 Mawu Ofanana

Khaazi 20:24

Khwa miiyo ohaayi aka khuna fwayita, ila eriina fwayita okhola khaazi eti kithawuleliweeyo ti Mbwana Yinsa, mpakha wiishisa, khaazi ya olaleya hapari zooshapweya za rehema ya Nluku.

Khaazi 21:13

Aphano Paawulu khuri: “Mwinlilani mwikipatthisaka huzuni? Miiyo kiri thwayaari khahiyo ofukiwaru paasi, ila na theenya ofwa Yeruzaleemu ottuukho mwaasa wa nzina la Mbwana eetthu Yinsa.”

Arooma 12:1

Nakataalikha, attwiizaku, kinuuvekelani khwa tthakaraka ya Nluku yoori mwinkhe mwiili enu nkhama twaha haayi, ttakatthiifu na yontuvela Nluku; eto ti aputu yenu mweeyo yoolikana.

Arooma 15:16

ya wiiya karumeya wa Al-Masiihu Yinsa khwa amalapo, nkhama khaazi ya ohaakhimu ya olaleya hapari za Nluku, yoori amalapo aretteye wiiya zaakha yookhupaliwa ti Nluku, oottakatthisiwa ti Rooho Ttakatthiifu.

2 Akorintiyu 12:15

Etthiipo khwa niiya yooshapweya, khwa pheta yenu mweeyo, kaari oharipu zooshi kiriina na ojikukhumula kimweenyewe. Mwaasa wa wuuphetani nakuvu, na mweeyo mwina ya okipheta.

2 Akorintiyu 4:12

Khwa nanna ofwa onrettaazo khwa fweeyo, na ohaayi onretta etthiipo khwa mweeyo.

2 Akorintiyu 6:10

ohuzunikhisiwa, ila niri ofurahi wakhula wakathi; asikhini, ila niwaarelisaka atthu awaatta; ohiina etthu, ila zooshi nipatthaka.

2 Akorintiyu 7:4

Kinaaye nroromelo nwulweene khwa mweeyo, na kinjishashawula saaneene khwa mweeyo; kiwoolipiseleya venkivene; furaha yaka eniittikha khwa miswipa zooshi.

Afiliipu 1:20

Kineekesela wa phoolevo kiwejelaka yoori khinteela okipattha haaya khwa hatha etthu. Olikha toowo khwa ominyala waka wooshi, nasaapi mpakha mileele, Al-Masiihu onteela ottitthimisiwa khwa mwiili aka, hatha khwa ohaayi, hatha khwa ofwa.

Afiliipu 2:18

Khwa nanna etthiipo mweeyo theenya mwina ya ofurahi na otthapa na miiyo.

Afiliipu 2:30

maana ye aasaleliye ofwa mwaasa wa pheta khwa khaazi ya Al-Masiihu, alevaka ohaayi awe yoori akinkhe awuni mweeyo mwahawahiyeeyo okinkha.

Afiliipu 4:18

Kapwekhera zooshi, kapattha zooziti ofiyela. Kinaaye zooshi kinihithajiyaayo, paata ya Epaforotiitu okitiisela vitthu epi mwiperekhiyeeyo, epo zaya ziri nkhama mafuttha oonukhela awinkhiwa Nluku, twaha ankhupalelaaye na enintuvelaaye.

Akoloosu 1:24

Aphano kinfurahi khwa ohoowa waka khwa mweeyo, na kinlikanisela mmwiili mwaka etile ensalaaye khwa ohoowa wa Al-Masiihu, zwaamu ya mwiili awe, wiiyiyeeyo ojama wa Nluku.

1 Atizaloonika 2:8

Ninuuphetani venkivene, najilakelela owinkhani khahiyo paasi hapari zooshapweya za Nluku, ila theenya ohaayi eetthu, maana mweeyo mwaretteya wiiya aphetani eetthu saaneene.

2 Timootiyu 4:6

Miiyo kintta oshuluulisiwa nkhama zaakha ya etthu yoonywiwa. Na wafiya wakathi wa ofwa waka.

1 Pheeturu 2:5

mweeyo theenya mwinrumeyeliwa nkhama mawe haayi khwa ojekaniwa nyuupa ttakatthiifu, yoori mwipatthe onamalokozela wa tiini ttakatthiifu, mwinkhaka twaha ttakatthiifu yookhupaleliwa ti Nluku vakatthi wa Yinsa Al-Masiihu.

1 Yaahaya 3:16

Khwa etthiipo ninjuwa niini pheta: Yinsa aleva ohaayi awe khwa fweeyo, na nina yooleva ohaayi eetthu khwa attwi zeetthu.