Afiliipu 2:15 - Hapari Zooshapweya

¹⁵ yoori mwihiiyane paathuli na mwiiye swaafi, aana a Nluku ohiina paathuli vakatthi wa atthu ootakhala rooho na ootapanyeya, attaapho mweeyo mwinaaraavo nkhama matthottowa voolumwenku,

Afiliipu 2:15 Mawu Ofanana

Matewuzhu 10:16

“Miiyo kinuurumani mweeyo nkhama pwittipwitthi vakatthi wa miiji, nakataalikha mwiiye alavilavi nkhama nyookha na oohiina zootakhala nkhama jiwa.

Matewuzhu 17:17

Yinsa khuwaajipu yoori: “Oo khapila yootakhala na yoohiina amini! Mpakha lini kinttelaaye wiiya vamote na mweeyo? Mpakha lini kuuvilelakani? Mwikitiisele mwanenu apha!”

Matewuzhu 5:45

yoori mweeyo mwiretteye wiiya aana a Papeenu ariiye pinkuuni. Maana ye oniwaatthamushela njuwa apale anrettaaye zooshapweya na apale anrettaaye zootakhala. Na oniwenkha vuula anashariya na apale ohitakhi shariya.

Matewuzhu 5:48

Nakataalikha mwiiye atthu khaamili, nkhama etthiipo eeyiyeeyo khaamili Papeenu wa pinkuuni.

Luuka 1:6

Oowiiri aari atthu ookhweele nkatthi wa mwentto wa Nluku na ooshututela wa wawamineyavo kano na oruma wooshi wa Mbwana.

Luuka 6:35

Mwiwaaphete maatuwi enu, mwiwaarettele zooshapweya, mwiweepaashe mwiheekeselaka wuurutiselani. Toowo tthuvo yenu enttela wiiya khuluyeene na mwinttela wiiya aana a Nwulu wa Pinkuuni, maana Nluku nkemaani hatha khwa apale ahininshukhurwaaye na apale ootakhala rooho.

Yaahaya 5:35

Yaahaya aari nkhama likhompe laari okholelaaye nuuru yaya nawuumwasikhelani, mweeyo khukhupalela khwa wakathi vattitthiiru ofurahela nuuru yaya eto.

Khaazi 2:40

Khwa mattakhuzi menkeene Pheeturu khusala alaza oshaahiti eekesaka yoori awaashintte araka: “Mwijuusuru vakatthi wa atthu apa ootakhala rooho.”

Khaazi 20:30

Mweeyena ru anlawa apuwevo akina anttelaaye okarawela haakhi yoori awaathowelelise attwiizaya.

Arooma 16:19

Atthu ooshi ansiila olupiwaka oshututi weenu, tiito, kiwoofurahi monkoni weenu mweeyo; na kintakha yoori mwiiye aakhili khwa zooshapweya na mwihisala mwijaliwa ti hatha etthu moote yootakhala.

1 Akorintiyu 1:8

Ye onuukholelelani mpakha mwiisho, woohiina paathuli mpakha siikhu ya ota wa Mbwana eetthu Yinsa Al-Masiihu.

2 Akorintiyu 6:17

Nakataalikha, Mbwana alupa yoori: “Mwileevo vakatthi vaya na mwiwaattuwe, mwihisape vitthu za haraamu na miiyo kintta wuupwekherelani.

Ayeefezu 5:27

yoori wajithoonyeze khwa ye nkhama ojama wa Nluku woohiina hatha malepa wala jaraha ama vitthu kiina zootakhala, ila ttakatthiifu woohiina tafwawuthi.

Afiliipu 1:10

yoori mwipheleleze vitthu zooziti na mwiiye swaafi oohiina hatha paathuli mpakha siikhu antaavo Al-Masiihu.

Afiliipu 3:6

monkoni wa onyenyekheya, kaari namalupattha wa ojama wa Nluku; khwa shariya eriiye nkano kaari ntthu woohishowereyi.

1 Atizaloonika 5:23

Yoori Nluku mweenyewe heeri oottakatthiseni sawasawa. Yoori rooho yooshi, nafusi na mwiili enu mweeyo ziiye zawiinaneliwa zoohishowereyi mpakha ota wa Mbwana eetthu Yinsa Al-Masiihu.

1 Timootiyu 3:10

Yo ahinenkhiwe orumeyela ana yawooniwa khapula mwentto aya, amana ahoonaniwi mwentto wootakhala phi aninkhiwaavo orumeyela.

1 Timootiyu 3:2

Nkhama ntthu onhithajiya wiiya nttunkhulu nwulu wa ojama wa Nluku eeye ntthu woohaakanyereliwi hatha etthu, eeye nlume wa wiiyana muukha mmote, woojiinanela, wojiitthaaza, wooshitahiwa, woomakeleya na ankhitiraaye osomisa.

1 Timootiyu 5:14

Apho, kintumerela yoori anamafweliwa pi amanna zaya apale eeyiye anakhinzi araliwe, eeyane aana alokozele vaje vaya, ahimwinkhe kiphenyo atuwi eetthu ya owaalupeza vitthu zootakhala.

1 Timootiyu 5:20

Wakhula otule anrettaaye twampi onshowere vakatthi wa ojama wa Nluku yoori theenya apale akina aya oove.

1 Timootiyu 5:7

Owaarume oretta etthiipo theenya, yoori vakatthi vaya ehooniwevo paathuli.

Tiitu 1:6

Nttunkhulu aya oto ona ya wiiya ntthu woohiina paathuli, nlume wa muukha mmote paasi na eeyane aana awaamineya oohiretti vitthu zootakhala ama okhijili.

Tiitu 2:10

ama oweeyela ambwana zaya, ila ana yoothoonyeza saaneene wiiya atthu awaamineya, yoori epile anrettaazo, atthu anttela olupeza vitthu zooshapweya masomi a Nluku Namuusuru eetthu.

Tiitu 2:15

Pi vitthu oriina ya osomisa, owaalipiselaka owaashoweraka na ofwalume. Woohitarawiwi ti hatha ntthu.

Meepereewu 7:26

Nanna ya haakhimu nwulu wa tiini naari onhithajiyaaye oniiya nkhama toono: nttakatthifu, woohiina paathuli, watwahara, woophakuwana na anatwampi, woottitthimisiwa zayita pinku.

1 Pheeturu 2:12

Mwiikhale nkhama nthoonyezo vakatthi wa makaafiri, yoori hatha nkhama yo antta wuulokovezani oretta vitthu zootakhala, oone khaazi zenu zooshapweya na anttitthimise Nluku siikhu yoophukiwa.

1 Pheeturu 2:9

Nakataalikha, mweeyo mwa peewu yoothawuliwa, onamalokozela wa tiini wa mfwalume, khapila ttakatthiifu, atthu mwiiyiyeeyo a Nluku, yoori mwilaleye owula wa otule ookhuweliyeenini n'yiiza khuutthaani nnuuru mwawe wooshwapweyamo.

2 Pheeturu 3:14

Khwa ethiito, aphetani aka, mwiwejaka vitthu zaya epo, mwijilipise yoori Nluku oosikaneni mwihina nlepa, mwihina twampi na mwirina heeri.

Othoonyeziwa 2:5

Mwifikhiri vahalini mwikwiiyeevo! Mwithupwiye na mwirette epile mwaari orettakaaye omwanzo. Amana mwihithupwiyi, kintta wuuteelani na kilazevo khantteya yenu vahali eniiyakaavo.

Othoonyeziwa 3:9

Moone etthu kinttelaaye owaarettela apale eeyiyeeyo sinakooka ya epiliisi na anjilupezaaye oyaahuuti ahiiyeeni, ila eeyiyeeyo anamahata. Miiyo kinttela owaakokhorisa nshini wa moolu enu na ajuwe yoori miiyo koophetani mweeyo.