Afiliipu 2:12 - Hapari Zooshapweya

¹² Aphetani aka, nkhama etthiipo mwikishututeliyeeyo siikhu zooshi, khahiyo amana kiiyavo paasi, ila theenya amana kihiivo, mwikhole khaazi ya nusura yenu khwa woova na othukumela.

Afiliipu 2:12 Mawu Ofanana

Matewuzhu 11:12

Waaza siikhu za Yaahaya Namoosa mpakha leelo, ofwalume wa pinkuuni ontta woojopholiwa, apo aya anjopholaaye anthuula.

Matewuzhu 11:29

Mwithuule tthentte yaka na mwikeezele, maana miiyo kiwoonyamala na woojipushuwisa nroho, mweeyo mwintta opattha ovumula wa nafusi zenu.

Khaazi 16:29

Namweekesela otule khuveka emwasikhelo, khuvira nkalapooso mphule eettaka otthira ari woozinkuwa khulawa khukokhora omaasho wa Paawulu na Siila eettaka othukumela.

Khaazi 9:6

Olankhe olawe ositati, ottuukho onttela wuuziwa etthu yooretta.”

Arooma 2:7

Ye oniwenkha ohaayi wa mileele apale aari okhanyarelaaye oretta zooshapweya, eekesaka siifwa, hishima na ohifwi.

1 Akorintiyu 15:58

Nakataalikha, attwiizaku aphetani aka, mwiiye wookhomaala, ehiiyevo hatha etthu enttelaaye wuusakhinyani. Mwiiye woojilipisana mileele khaazi ya Mbwana, maana mweeyo mwinjuwa yoori, khwa Mbwana, khaazi yenu khinteela wiiya ya mahala.

1 Akorintiyu 2:3

Wakathi opule kaatiyeeyo wuuthotolani kaari woottettheya na othukumela khwa woova.

1 Akorintiyu 4:14

Akineekesa wuupatthisani haaya amana kaatikhaka vitthu epi; ila kineekesa wuuhirimizani, nkhama aanaaka awuuphetani.

2 Akorintiyu 7:15

Na pheta yawe khwa mweeyo entepa weekezeleya amana awuupuwelakani yoori mweeyo mwaari atthu oshututi, na mwaari oolikana ompwekherela khwa ojipushuwisa na shitaha.

Ayeefezu 6:5

Amwiitthwaana, mwiwaasiileze ambwana zenu vathi apha na shitaha na owoova, na rooho ya ookhweele, nkhama mwininrumeyelaaye Al-Masiihu.

Afiliipu 1:27

Ehuujalini etile enttelaaye orettikhana, mweettettise onyunti enu khwa nanna ensuhaaye hapari zooshapweya za Al-Masiihu. Yoori miiyo amana kitaaka owoonani ama hatha nkhama keetta ohiivo, kisiile khwa mweeyo akinoko aya yoori nalelo mwa woolipalipa khwa rooho moote paasi, na matakhelo mamote paasi, nuumanaka fooshi khwa amini ya hapari zooshapweya.

Afiliipu 1:29

Mweeyo mwenkhiwa ruhusa khahiyo paasi ya onkhupali Al-Masiihu ila theenya ohoowa mwaasa wa ye.

Afiliipu 1:5

mwaasa wa oretta phantte ya khaazi ya hapari zooshapweya, thanku siikhu ya mwanzo mpakha nasaapi.

Afiliipu 1:6

Kinkhupalela yoori otule aaziyeeyo khaazi yooshapweya khwa mweeyo onteela omarisela mpakha siikhu antaavo Al-Masiihu Yinsa.

Afiliipu 2:19

Kinweja wa Mbwana Yinsa wuuperekhezani Timootiyu woohirupazi yoori na miiyo kipatthe wiiyana furaha amana kipokhera hapari zenu.

Afiliipu 4:1

Nakataalikha, attwiizaku mweeyo kinuuphetaanini, mwikinukheliyeeyo. Mweeyo mwiiyiyeeyo furaha yaka, na jarata yaka! Mwiiye woolipalipa etthiipo khwa Mbwana, oo aphetani aka!

Afiliipu 4:15

Nkhama etthiipo mweeyo afiliipu mwinjuwaazo, yoori khwa siikhu za waaza wa olaleyiwa hapari zooshapweya, wakathi kiliyeewo Masetooniya, khawiivo ojama wa Nluku mmote waajikusanyaniyeeyo miiyo monkoni wa winkha na winkhiwa, woohiiyi mweeyo paasi.

1 Atizaloonika 1:3

Ninfikhiri woohilikheleli omaasho wa Nluku eetthu Paapa, maana mweeyo mwinthoonyeza amini entanaaye khaazi, ojilipisa onlankhaaye khwa pheta na nthiti lintaaye khwa onroromela Mbwana eetthu Yinsa Al-Masiihu.

2 Timootiyu 2:10

Nakataalikha, kinvilela khwa zooshi mwaasa wa pheta ya ananthawuliwa, yoori na yo apatthe nusura eri wa Al-Masiihu Yinsa, na siifwa za mileele.

Meepereewu 12:1

Moone yoori na fweeyo nazukuleliwa ti mashaahiti awaatta nkhama liwiku liwululene, khwa etthiipo nilikhe nyuma zooshi epile ennizinkiraaye, na twampi enizukuleliyeeyo, nitthire woohilikheleli niikarisaka etile nitthomeliweeyo.

Meepereewu 4:1

Nakataalikha, ahiti ya ofiya puuro ya ovumula ya Nluku nalikheliwa. Ahiiyevo mmote wa mweeyo anuupuwelaaye yoori avonya.

Meepereewu 4:11

Nakataalikha, nijilipise nifiye muuvumula wa Nluku yoori ahiiyevo ntthu mmote anttelaaye okwa alottelaka nthoonyezo wookhijili.

Meepereewu 5:9

Paata ya okhamilikhisiwa khwinkhiwa wiiya naattuuttu wa nusura ya mileele ya apale ooshi aninshututelaaye,

1 Pheeturu 2:11

Aphetani aka, kinuutumerelani nkhama aletto na anamasaafiri a va olumwenku, mweeyo mwina ya wanswi tuvela za onaatamu etthiipo zinuumananaaye nafusi.

2 Pheeturu 3:18

Ila mwiwule nkatthi wa rehema na muujuwa wa Mbwana eetthu Namuusuru Yinsa Al-Masiihu. Othuuto ti enkhiwe siifwa, waaza nasaapi mpakha mileele! Amiina.