Afiliipu 1:5 - Hapari Zooshapweya

⁵ mwaasa wa oretta phantte ya khaazi ya hapari zooshapweya, thanku siikhu ya mwanzo mpakha nasaapi.

Afiliipu 1:5 Mawu Ofanana

Khaazi 2:42

Yo aari ooshututela masomi a maaswihaapa na osiilana, na oretta njampo la mwiili na taamu, na lompa.

Arooma 11:17

Amana virapi kiina zishijiwa, aphano weeyo, wiiyiye muutthi wooliveera wa ntthuttu, waluttaniwa khwa oluveera mikinoko na ori vamote na oronkovu ontaaye khwa ntathaari wa oluveera woozaliwa.

Arooma 12:13

Mwisala mwiwaameela attakatthiifu apale othowiwa epile mwiniiyanaaye, na owaapokherela aletto vaje venu.

Arooma 15:26

Maana ojama wa Nluku wa Masetooniya na wa Akaaya aarina furaha ya oshokholeza khwa asikhini ariiye vakatthi wa attakatthiifu a Yeruzaleemu.

1 Akorintiyu 1:9

Nluku ti wa waamineya, othuuto ookhuweliyeenini khwa osiilana na Mwanawe Yinsa Al-Masiihu Mbwana eetthu.

2 Akorintiyu 8:1

Aphano attwiizaku, nintakha yoori mweeyo mwiiyane ojuwa wa rehema ya Nluku enkhiyeeyo ojama wa Nluku wa Masetooniya.

Ayeefezu 3:6

Eto enlupa yoori khwa hapari zooshapweya amalapo anrithi vamote parakha na meezirayiilu, maana atthu a mwiili mmote na anaaye phantte khwa etile Yinsa Al-Masiihu ahitiyeeyo nkatthi wa hapari zooshapweya.

Afiliipu 1:12

Kintakha mwijuwe attwiizaku yoori epile zikirettikhaneliyeezo, wekhweele, enretta phantte ya omwazeya hapari zooshapweya.

Afiliipu 1:16

Apo anretta epo zaya khwa pheta, ajuwaka yoori Nluku akinkha khaazi ya wiiwulela hapari zooshapweya.

Afiliipu 1:27

Ehuujalini etile enttelaaye orettikhana, mweettettise onyunti enu khwa nanna ensuhaaye hapari zooshapweya za Al-Masiihu. Yoori miiyo amana kitaaka owoonani ama hatha nkhama keetta ohiivo, kisiile khwa mweeyo akinoko aya yoori nalelo mwa woolipalipa khwa rooho moote paasi, na matakhelo mamote paasi, nuumanaka fooshi khwa amini ya hapari zooshapweya.

Afiliipu 1:7

Ti ya shariya miiyo ojoona toowo monkoni wa mweeyo, nkhama etthiipo mwiriiye varoho vaka, hatha nkhama kiri mmakwinjili akifukiyeeyo, hatha kaakiselaka na kihakikhaka hapari zooshapweya, mooshi mweeyo mwinretta phantte na miiyo nrehema ya Nluku.

Afiliipu 2:12

Aphetani aka, nkhama etthiipo mwikishututeliyeeyo siikhu zooshi, khahiyo amana kiiyavo paasi, ila theenya amana kihiivo, mwikhole khaazi ya nusura yenu khwa woova na othukumela.

Afiliipu 2:22

Ila mweeyo mwinjuwa nanna Timootiyu athoonyeziyeeyo fwayita yawe, maana ye arumeya na miiyo khwa olaleya hapari zooshapweya nkhama mwaana ari mpavu wa papaawe.

Afiliipu 4:3

Na weeyo nshirikha aka wa waamineya nkatthi wa khaazi, kinuuvekela yoori owaawuni alupu apa. Maana yo na Kelementi na ashirikha aka akinoko, akhola khaazi phantte yaka ya omwaza hapari zooshapweya. Mazina aya ari nkithaapu ya ohaayi.

Filimooni 1:17

Etthiipo, onikijalaazo weeyo nkhama nshirikha nkatthi wa amini, ompwekherele nkhama okipwekherelaka miiyo.

Meepereewu 3:14

Maana fweeyo naretteya wiiya ashirikha a Al-Masiihu, amana ninkholelela mpakha mwiisho na nroromelo naariinaaye thanku omwanzo.

2 Pheeturu 1:1

Miiyo Simawu Pheeturu, karumeya na aswihaapa wa Yinsa Al-Masiihu, kiniwaatikhela warakha eti apale khwa shariya ya Nluku eetthu Namuusuru Yinsa Al-Masiihu, apwekheriye amini moote yootafikhana nkhama yeetthu.

1 Yaahaya 1:3

Fweeyo nawuuzani epile nooniyeezo na nisiiliyeezo, yoori na mweeyo mwiiyane osiilana na fweeyo, na osiilana weetthu ori khwa Paapa na Mwanawe Yinsa Al-Masiihu.

1 Yaahaya 1:7

Ila amana neettetta nnuuru, nkhama ye ariiye nnuuru, phi ninthokorelaavo osiilana mmote na nzeetthu, na taamu ya Mwanawe Yinsa entta oniswafi twampi zeetthu zooshi.