Afiliipu 1:27 - Hapari Zooshapweya

²⁷ Ehuujalini etile enttelaaye orettikhana, mweettettise onyunti enu khwa nanna ensuhaaye hapari zooshapweya za Al-Masiihu. Yoori miiyo amana kitaaka owoonani ama hatha nkhama keetta ohiivo, kisiile khwa mweeyo akinoko aya yoori nalelo mwa woolipalipa khwa rooho moote paasi, na matakhelo mamote paasi, nuumanaka fooshi khwa amini ya hapari zooshapweya.

Afiliipu 1:27 Mawu Ofanana

Zaapuura 133:1

Moone nanna enshapweyaazo na otuva amana attwi eekhalaka vamote na osiilana!

Matewuzhu 12:25

Aphano Yinsa noojuwa etthu aari wuupuwelaaye yo, khuwooza yoori: “Wakhula ofwalume wa waawanyeya khusala wuumana otthuuporu oniiya wootapanyeya, na wakhula sitati ama ojama wa waawanyeya otthuuporu khiniiyavo.

Khaazi 2:46

Yo aazowereliye okusanyeya wakhula siikhu Nnyupa Woosifwiwamo, na oretta njampo la mwiili na taamu vamote nyuupa khwa nyuupa, oja zoojiwa zaya na furaha khuluyeene na rooho ya ekhweele,

Khaazi 24:24

Ziviriyeevo siikhu vattitthiiru, Feelishi khuta na Turusiila, muukha awe, aari yaahuuti. Khurumisa okhuweliwa Paawulu khunsiila attakhulaka amini khwa Yinsa Al-Masiihu.

Khaazi 4:32

Ooshi aakhupaliyeeyo rooho zaya zaari moote, akhili zaya zaari sawasawa. Khaarivo hatha mmote aari woonaaye etthu yawe wiiya yawe. Eetta waawanya na azaaya zooshi aari wiiyanaazo.

Arooma 1:16

Khinkipatthisa haaya olaleya hapari zooshapweya, maana owahi wa Nluku oniwoosurwaaye ooshi apale ankhupalaaye, amwanzo mayaahuuti mpakha amalapo.

Arooma 1:5

khwa ye na mwaasa wa nzina lawe, napwekhera rehema na owaaswihaapa, yoori nikhuwele khapila zooshi wiiya atthu oshututi ontaaye khwa amini,

Arooma 1:9

Nluku, kininrumeyelaaye na rooho yaka yooshi kitafusiraka hapari monkoni wa Mwanawe, shaahiti aka yoori wakhula wakathi kinuufikhirini mweeyo,

Arooma 10:8

Ila niini alupiyeeyo? “Nttakhuzi liri kharipu na weeyo, liri nkhanyo mwawo na nroho mwawo.” Nttho, nttakhuzi la amini nintafusiraaye.

Arooma 15:16

ya wiiya karumeya wa Al-Masiihu Yinsa khwa amalapo, nkhama khaazi ya ohaakhimu ya olaleya hapari za Nluku, yoori amalapo aretteye wiiya zaakha yookhupaliwa ti Nluku, oottakatthisiwa ti Rooho Ttakatthiifu.

Arooma 15:29

Kajuwa yoori, amana kita wuuthotolani, kinlawa kiri woolikana na parakha zawaatta za Al-Masiihu.

1 Akorintiyu 1:10

Attwiizaku, khwa nzina la Mbwana eetthu Yinsa Al-Masiihu kinuuvekelani mooshi mweeyo yoori mwikhupalelane mmote na nzeenu khwa etile mwinttakhulaaye, yoori ohiiyevo waawanyeya vakatthi venu; mwiiye wookusanyeya khwa wuupuwela mmote na shawuri moote.

1 Akorintiyu 15:58

Nakataalikha, attwiizaku aphetani aka, mwiiye wookhomaala, ehiiyevo hatha etthu enttelaaye wuusakhinyani. Mwiiye woojilipisana mileele khaazi ya Mbwana, maana mweeyo mwinjuwa yoori, khwa Mbwana, khaazi yenu khinteela wiiya ya mahala.

2 Akorintiyu 13:11

Omwiisho, attwiizaku, kinuuvekelani yoori mwiiye ofurahi! Mweekese ozowerela, mwilikhisane woophetanavo, mwiiyane shawuri moote, mwiikhale na heeri. Nluku wa pheta na heeri onttela wiiya vamote na mweeyo.

2 Akorintiyu 4:4

Yo khankhupali maana nluku wa vathi apha oomisa weeleyiwa waya yoori ahoone nuuru yootafikhana ya hapari zooshapweya za siifwa ya Al-Masiihu, othuuto eeyiyeeyo ratarato ya Nluku.

2 Akorintiyu 9:13

Khwa wooneya wa khaazi eto mwinkholaaye, akina anlawa ansifu Nluku khwa oshututi onlokozaaye otukhuru yoori mweeyo mwinretta hapari za Al-Masiihu khwa winkha woohilikheleli weenu wa omeelana vitthu na yo na khwa akinoko aya ooshi.

Akaalata 1:7

Khaziivo hapari zooshapweya kiina. Ila awaapho atthu ootakha wuutapanyani na otapwatela hapari zooshapweya za Al-Masiihu.

Ayeefezu 1:13

Wakathi mweeyo mwisiiliyeeyo na khukhupalela nttakhuzi la haakhi, hapari zooshapweya ziwuusuriyeenini, mweeyo mwamatthaniwa khwa Al-Masiihu Rooho Ttakatthiifu etile ye ahitiyeeyo.

Ayeefezu 1:15

Tiito miiyo kiriyeeyo noosiila amini mwiriinaaye khwa Mbwana Yinsa na pheta mwiniwaathonyezaaye attakatthiifu ooshi,

Ayeefezu 4:1

Tiito kinuuvekelanini, miiyo kiiyiye napherezu khwa Mbwana, yoori mwiikhale khwa mwentto woosuhi khwa okhuweliwa otthuupo mwipwekhereliyeeyo.

Afiliipu 1:5

mwaasa wa oretta phantte ya khaazi ya hapari zooshapweya, thanku siikhu ya mwanzo mpakha nasaapi.

Afiliipu 2:12

Aphetani aka, nkhama etthiipo mwikishututeliyeeyo siikhu zooshi, khahiyo amana kiiyavo paasi, ila theenya amana kihiivo, mwikhole khaazi ya nusura yenu khwa woova na othukumela.

Afiliipu 2:24

kinroromelaka Mbwana yoori woohirupazi kiwahi ota owoonani.

Afiliipu 3:18

Maana, nkhama etthiipo kilupiyeezo swaafu za waatta, na apha kinrutela na mishozi, yoori awaapho awaatta aniikhalaaye nkhama maatuwi a nsalapa wa Al-Masiihu.

Afiliipu 3:20

Ila onyunti eetthu ori pinkuuni, ottuukho nininwejaawo woohivarankeyi Namuusuru, Mbwana Yinsa Al-Masiihu.

Afiliipu 4:1

Nakataalikha, attwiizaku mweeyo kinuuphetaanini, mwikinukheliyeeyo. Mweeyo mwiiyiyeeyo furaha yaka, na jarata yaka! Mwiiye woolipalipa etthiipo khwa Mbwana, oo aphetani aka!

Akoloosu 1:10

Na etthiipo, mwiwahi wiikhala nanna ensuhaaye khwa Mbwana na mwirettaka etile enintuvelaaye, mwiimaka mishumo zooshi zooshapweya na mwiwulaka khwa ojuwa wa Nluku.

Akoloosu 1:4

Maana ninsiila elupiwaka amini mwiriinaaye khwa Yinsa Al-Masiihu na pheta mwiriinaaye khwa attakatthiifu ooshi,

1 Atizaloonika 3:6

Nakataalikha, nasaapi eti, Timootiyu ontta ofiyaru olankha ottuukho anitiisela mattakhuzi ooshapweya monkoni wa amini na pheta mwiriinaaye. Ye anuuza yoori wakhula swaafu mwinthokorela wuupuwela wooshapweya khwa fweeyo, mwitakhaka onoona, nkhama etthiipo fweeyo nintakhaazo owoonani.

1 Atizaloonika 4:1

Wiishela waya attwiizetthu, noonozelani nanna ya wiikhala khwa ontuvelisa Nluku, na wekhweele, mweeyo mwineettetta etthiipo. Nasaapi ninuuvekelani na ninuutumerelani mweeyo khwa Mbwana Yinsa yoori mwiwulele etthiipo theenya wakhula swaafu.

1 Timootiyu 1:11

Mwentto opo ori nhapari zooshapweya zinlankhaaye nkatthi wa nuuru ya Nluku wa parakha, kinkhiweeyo miiyo olaleya.

1 Timootiyu 1:19

ojilipisanaka amini na ojuwa othawula yooshapweya vakatthi wa yootakhala. Mwaasa woohitakhi othawula yooshapweya, atthu akina amini yaya apwetecha.

2 Timootiyu 4:7

Koomana viittha yooshapweya, kamarisa otthira waka, kathokorela amini.

Tiitu 2:10

ama oweeyela ambwana zaya, ila ana yoothoonyeza saaneene wiiya atthu awaamineya, yoori epile anrettaazo, atthu anttela olupeza vitthu zooshapweya masomi a Nluku Namuusuru eetthu.

Filimooni 1:5

maana kinsiila elupiwaka amini yawo khwa Mbwana Yinsa na pheta yawo khwa attakatthiifu ooshi.

Tiyaaku 3:18

Nshumo wa shariya onzalaniwa heeri khwa apale ariina heeri.

2 Pheeturu 3:11

Maana vitthu zooshi zinteela wiiya etthiipo zootapanyiwa, mweeyo mwinhithajiya wiiya atthu a nanna ni? Mwina ya wiikhala khwa nanna ttakatthiifu na ya emaani,

2 Pheeturu 3:14

Khwa ethiito, aphetani aka, mwiwejaka vitthu zaya epo, mwijilipise yoori Nluku oosikaneni mwihina nlepa, mwihina twampi na mwirina heeri.

Yuuda 1:3

Aphetani aka, keeyaru pure wooshukulikhela owaatikhelani monkoni wa nusura niphakanyiyeeyo, koona yoori yaari ohithajiya owaatikhelani khwa wuutumerelani yoori muumane nkatthi wa amini swaafu moote khwa zooshi apweheliweeyo attakatthiifu.