Afiliipu 1:20 - Hapari Zooshapweya

²⁰ Kineekesela wa phoolevo kiwejelaka yoori khinteela okipattha haaya khwa hatha etthu. Olikha toowo khwa ominyala waka wooshi, nasaapi mpakha mileele, Al-Masiihu onteela ottitthimisiwa khwa mwiili aka, hatha khwa ohaayi, hatha khwa ofwa.

Afiliipu 1:20 Mawu Ofanana

Yaahaya 21:19

Yinsa aalupiye toowo yoori athoonyeze nanna ya ofwa Pheeturu aari weettelaaye onsifwana Nluku. Nawiisha, khumuuza yoori: “Okilotte!”

Khaazi 20:24

Khwa miiyo ohaayi aka khuna fwayita, ila eriina fwayita okhola khaazi eti kithawuleliweeyo ti Mbwana Yinsa, mpakha wiishisa, khaazi ya olaleya hapari zooshapweya za rehema ya Nluku.

Khaazi 21:13

Aphano Paawulu khuri: “Mwinlilani mwikipatthisaka huzuni? Miiyo kiri thwayaari khahiyo ofukiwaru paasi, ila na theenya ofwa Yeruzaleemu ottuukho mwaasa wa nzina la Mbwana eetthu Yinsa.”

Khaazi 4:31

Paata ya maaswihaapa apale wiisha olompa, puuro etile akusanyeyiyeevo khusala esakhinyeya, ooshi khuwiitaala Rooho Ttakatthiifu, khusala alaleya nttakhuzi la Nluku woohoovi hatha etthu.

Arooma 12:1

Nakataalikha, attwiizaku, kinuuvekelani khwa tthakaraka ya Nluku yoori mwinkhe mwiili enu nkhama twaha haayi, ttakatthiifu na yontuvela Nluku; eto ti aputu yenu mweeyo yoolikana.

Arooma 5:5

Na nroromelo aya opo khunnitarawu, maana Nluku eetthela pheta yawe nroho mweetthu khwa Rooho Ttakatthiifu, ethiito aninkhiyeeyo.

Arooma 6:13

Mwihinkhe phantte za mwiili enu ntwampi, nkhama zaana zohiiyi za shariya. Ila mwimwinkhe Nluku nkhama atthu mwirutiyeeyo muufwa khweetta muuhaayi; na mwimwinkhe mwiili enu nkhama zaana za shariya.

Arooma 6:19

Kinttakhula nkhama pinaatamu mwaasa wa otteettheya weenu wa onaatamu. Nkhama etthiipo mwenkheleliyeeyo phantte za mwiili enu sawasawa mmakhono wa zoohifwayi na zootakhala zintanaaye zootakhala. Apho enasaapi eti mwinkhelele phantte za mwiili enu mwijirette wiiya aviitthwaana a shariya onuuttakatthisaanini.

Arooma 8:19

Zumpe zooshi enwejela, na nroromelo nwulweene, yoori aana a Nluku eeye othoonyeziwa.

Arooma 9:33

Nkhama etthiipo yaatikhiweezo yoori: “Moone yoori kinttha khwa Siyoni liwe limote lookwakwanttula na liwe limote linkwisaaye, na otule ankhupalaaye khinteela ompattha haaya theenya.”

1 Akorintiyu 15:31

Attwiizaku, wakhula siikhu kinuumanana ofwa, epo kinlupa khwa ojikhutupula kiriina khwa mweeyo khwa Al-Masiihu Yinsa, Mbwana eetthu.

1 Akorintiyu 6:20

Mweeyo moozanyiwa khwa hisapu khuluyeene; apho mwinttitthimise Nluku na mwiili enu.

1 Akorintiyu 7:34

Khwa nanna ethiito, aneettetta ari a waawanyeya. Waaza muukha woohiraliwi mpakha mwaari anjifwazana vitthu za Mbwana, yoori eeye attakatthiifu mmwiili na nroho. Ila wooraliwa onjifwazana vitthu za voolumwenku apha, khwa nanna ya ontuvelisa mannawe.

2 Akorintiyu 10:8

Maana hatha nkhama keetta ojikhupali nakuvu khwa ofwalume Mbwana aninkhiyeeyo, khinkipatthisa haaya epoza, maana ofwalume aya opo pi wa ojeka, khahiyo wa otapanya.

2 Akorintiyu 3:12

Nakataalikha, wiiya ninaaye owejela opo, nithoonyeze nroromelo wa waatta.

2 Akorintiyu 4:10

Wakhula swaafu va mwiili nintana ofwa wa Yinsa, yoori theenya ohaayi wa Yinsa othoonyezeye va mwiili veetthu.

2 Akorintiyu 5:15

Ye awaafwela atthu ooshi yoori apale ariiye haayi ahiikhale theenya khwa yo eenyewe paasi, ila khwa otule awaafweliyeeyo na khusisimuwa.

2 Akorintiyu 7:14

Miiyo kaamuuziye Tiitu yoori kaari woojishashawula mwaasa wa mweeyo, na khamwaakipatthisiye haaya. Khwa nanna etthiipo zeeyiyeezo haakhi zooshi epile niwuuziyenini, ojishashawula niriina na mweeyo khwa Tiitu wajithoonyeza wiiya etthu ya khweele.

2 Akorintiyu 7:4

Kinaaye nroromelo nwulweene khwa mweeyo, na kinjishashawula saaneene khwa mweeyo; kiwoolipiseleya venkivene; furaha yaka eniittikha khwa miswipa zooshi.

Afiliipu 1:14

Attwi enkeene, nawoona yoori kiri nkalapooso, yo apattha olipiseleya nwulweene khwa Mbwana. Etthiipo anvira alaleyaka woojilakelelavo na woohoovi nttakhuzi la Nluku.

Afiliipu 2:17

Khwa zooshi, hatha nkhama keetta oshuluulisiwa nkhama zaakha yoonywiwa monkoni wa twaha ya amini yenu mwinimwinkhaaye Nluku, kiwoofurahi na kintthapa na mooshi mweeyo.

Akoloosu 1:24

Aphano kinfurahi khwa ohoowa waka khwa mweeyo, na kinlikanisela mmwiili mwaka etile ensalaaye khwa ohoowa wa Al-Masiihu, zwaamu ya mwiili awe, wiiyiyeeyo ojama wa Nluku.

1 Atizaloonika 5:23

Yoori Nluku mweenyewe heeri oottakatthiseni sawasawa. Yoori rooho yooshi, nafusi na mwiili enu mweeyo ziiye zawiinaneliwa zoohishowereyi mpakha ota wa Mbwana eetthu Yinsa Al-Masiihu.

1 Pheeturu 4:16

Khwa zooshi, nkhama onhoowa mwaasa wa wiiya namalottela wa Al-Masiihu, ehimpatthe haaya, ila ansifu Nluku mwaasa wiiyana nzina la onamalottela wa Al-Masiihu.

1 Yaahaya 2:28

Aphano aanaaka, mwilipane ye, yoori amana ofiya wakathi awe woota nipatthe ororomela, na nihiiye woopatthiwa ti haaya siikhu antaavo.