Afiliipu 1:15 - Hapari Zooshapweya

¹⁵ Weekhweele atthu akina aninlaleya Al-Masiihu khwa nrima na ohitakhani, ila akina aninlaleya khwa niiya yooshapweya.

Afiliipu 1:15 Mawu Ofanana

Matewuzhu 23:5

Zooshi anrettaazo antakha yoori ooniwe pi anaatamu. Yo anjifukela hirizi mmwishwa mwaya, na olepisa mashaka a ajapi zaya.

Khaazi 10:36

Mweeyo mwinjuwa nttakhuzi Nluku aaperekhiyeeyo vakatthi wa atthu a Ezirayiilu, alaleyaka monkoni wa hapari zooshapweya za heeri khwa Yinsa Al-Masiihu, Mbwana wa atthu ooshi.

Khaazi 11:20

Akinoko apale aari a Shiipere na sitati ya Sireene, khulawa Antiyookiya khusala awooza akereeku hapari monkoni wa Mbwana Yinsa.

Khaazi 5:42

Khuhilikhi osomisa na olaleya hapari zooshapweya Nnyupa Woosifwiwamo na nyuupa khwa nyuupa siikhu zooshi, alupaka yoori Yinsa ti Al-Masiihu.

Khaazi 8:35

Elottelanaka Filiipe khwaaza omweeleza mwiitiyoopiya otule, khwa mattakhuzi atthaapale ari osomaaye a nkithaapu ya Ezaaya, khusala amuuza hapari zooshapweya monkoni wa Yinsa.

Khaazi 8:5

Filiipe eettiye sitati ya nti wa Samariiya, noofiya khusala alaleya monkoni wa Al-Masiihu.

Khaazi 9:20

Wakathi otthuupule khwaaza olaleya mmasinakooka araka Yinsa Mwaana wa Nluku.

Arooma 2:8

Ila eniiyavo katapu na hukhumu khwa apale ojikhupali, ankatthalaaye haakhi na khusala alottela vitthu zohiiyi za shariya.

1 Akorintiyu 1:23

ila fweeyo nininlaleya Al-Masiihu namakhomeliwa, othuuto wekhweele, eeyiyeeyo etthu yootakhala khwa mayaahuuti, na ololo khwa amalapo;

1 Akorintiyu 13:3

Hatha nkhama miiyo keetta owenkha asikhini zooshi kiriinaazo na khwinkha mwiili aka yoori olukuziwe, amana kihina pheta, epo zaya khiniiya hatha etthu.

2 Akorintiyu 1:19

Maana mwaana wa Nluku, Yinsa Al-Masiihu atafusiriweeyo vakatthi venu ti miiyo, na Siila mpakha Timootiyu khayaari “aaa” na “wala”, ila khwa ye wakhula wakathi yaari “aaa”!

2 Akorintiyu 11:13

Maana atthu aya apo maaswihaapa oojipanka, akarumeya oottettekha, ajinkha wiiya maaswihaapa a Al-Masiihu.

2 Akorintiyu 12:20

Kinoova yoori amana kita wuuthotolani, kuusikanani nanna kahaari waakhipwelaaye, na mweeyo ohikisikani khwa nanna mwahaari waakhipwelaaye. Kinoova yoori owaapho onyakulisana, nrima, nthoonyezo wa wiiphiiriwa, waawanyeya, otarawana, wuumani, ojikhupali na ohisiilani.

2 Akorintiyu 4:5

Maana khaninjitafusiri fweeyo, ila ninintafusiri Yinsa Al-Masiihu Mbwana; fweeyo na akarumeya enu, mwaasa wa Yinsa.

Akaalata 2:4

Ila akina aajikusanyiye nkhuntti mweetthu, khujiretta wiiya attwiizetthu nkatthi wa amini, khusala atakha onkhiriyisa. Apo aya aateeliye othurumela otaphuliwa niriinaaye khwa Yinsa Al-Masiihu yoori anirutisele nkatthi wa oviitthwaana.

Afiliipu 2:3

Mwihirette etthu khwa otakha weenu ama ojikhupali, ila woojipushuwisavo owoona akina aya wiiya awuuzitini mweeyo.

1 Timootiyu 3:16

Khayiivo shaakha yoori etile Nluku athoonyeziyeeyo khuluyeene monkoni wa Yinsa Al-Masiihu ti yootikinisa: Ye aajithoonyeziye nkhama pinaatamu, khuhakikhiwa ti Rooho Ttakatthiifu, khooniwa pi malayikha, khulaleyiwa tuniya zooshi, khukhupaliwa voolumwenku, khuweziwa pinkuuni nkatthi wa nuuru.