2 Timootiyu 4:8 - Hapari Zooshapweya

⁸ Aphano kapweheliwa jarata ya shariya, etile Mbwana namaphuka wa shariya, anttelaaye okinkha siikhu yaya ethiito; khahiye miiyo otthome paasi, ila theenya ooshi apale aneekeselaaye ota wawe.

2 Timootiyu 4:8 Mawu Ofanana

Mwanzo 18:25

Ohiiye weeyo wooretta etthu nkhama eto, yoowuuleela vamote anashariya na makaafiri. Onteela onhukhumu nashariya mwaasa wa vitthu zoorettiwa ti makaafiri. Weeyo o namaphuka woolumwenku wooshi, khunteela ophuka na shariya?”

Matewuzhu 24:36

“Ila monkoni wa siikhu na wakathi khina anjuwaaye, wala malayikha a pinkuuni, wala Mwaana, ila Paapa paasi.

Matewuzhu 7:22

Amana efiya siikhu yaya eto atthu enkeene, anlawa akuuze yoori: ‘Mbwana, Mbwana! Fweeyo nahupiri khwa nzina lawo, neekara masheethwani khwa nzina lawo, na khwa nzina lawo naretta minjuza zawaatta.’

Luuka 10:12

Yinsa khuwooza theenya yoori: “Kiniwuuzani yoori siikhu yaya etile, enteela wiiyavo tthakaraka khwa Sotooma zayita sitati eto.

Arooma 2:5

Ila mwaasa wa ohilikhiseyi na olipa rooho yawo, oneekezela katapu khwa weeyo enttelaaye osaruwa siikhu ya katapu ya Nluku, wakathi onttelaaye ojithoonyeza ophuka wawe wa shariya.

Arooma 8:23

Khahi etthiipo paasi, ila fweeyo niriina mwanzo mishumo za Rooho Ttakatthiifu, theenya ninsisimira nkatthi mweetthu, niwejelaka wooshukulikhavo okaphuliwa weetthu nkhama aana, na otaphuliwa sawasawa wa mwiili eetthu.

1 Akorintiyu 2:9

Nkhama yaatikhiweezo yoori: “Maasho khooneeni, mashiilo khasiileeni wala eeswa moote khiphelelezeeni etile Nluku awatthenkezeliyeeyo apale animphetaaye.”

1 Akorintiyu 3:13

khaazi yawe enttela wooniseliwa, maana Siikhu ya Mbwana entana nuuru yaya; na enttela othoonyeziwa khwa moottho, onttelaaye woona khaazi ya wakhula ntthu.

1 Akorintiyu 9:25

Ooshi apale anchiraanaaye aniiyana wakathi woojitthenkeza wookhomaalavo, yoori apatthe jarata eniishaaye; ila fweeyo ninretta yoori nipatthe jarata yookhomaala khwa mileele.

2 Akorintiyu 5:2

Tiito, ninsisimiraaye, niikhalaka nyuupa eti niriimo, maana yaari onituvela nithamiye nasaapi neetta nyuupa yeetthu pheeya pinkuuni. Nyuupa yaya eto onttela wiiya mwiili eetthu wa pinkuuni,

Afiliipu 3:11

na nroromelo yoori miiyo kiiye woosisimuwa vakatthi wa ananfwa.

Akoloosu 1:5

mwaasa wa nroromelo mwipweheliweeyo pinkuuni. Otthuupo mweeyo mwisiiliyeeyo khwa nttakhuzi la haakhi, hapari zooshapweya

1 Atizaloonika 1:10

na onwejela mwanawe woolankha pinkuuni, othuuto ansisimuliyeeyo muufwa, Yinsa anniwerawerisaaye katapu enttelaaye ota.

1 Atizaloonika 5:4

Ila mweeyo attwiizetthu, khamwiri n'yiiza, yoori siikhu eto yuusutiseni nkhama nantarawu.

2 Atizaloonika 2:8

Aphano onttela othoonyeziwa ntakhali, othuuto Mbwana Yinsa anttelaaye omuula na pheevo ya nkhanyo mwawe na ontapanya khwa ojithoonyeza wa ota wawe.

1 Timootiyu 6:19

Khwa nanna ethiito antta wiiyana okhu ninttaawo akhipa yookhomaala, yoori apatthe ohaayi wa ookhweele.

2 Timootiyu 1:10

Ethiito ethoonyeziweeyo enasaapi eti khwa ojisarulela wa Namuusuru eetthu, Al-Masiihu Yinsa. Ye ashintta owahi wa ofwa na khutiisa nuuru, ohaayi na ohifwi khwa hapari zooshapweya.

2 Timootiyu 1:12

Na mwaasa wa ethiito kinhoowa, ila khinikipatthisa haaya, maana kininjuwa paani kinkhupaliyeeyo na kinhakikhi yoori ona owahi wa opweha etile kimwinkhiyeeyo mpakha siikhu ya ethiito.

2 Timootiyu 1:18

Mbwana ti amwinkhe, siikhu etile opattha tthakaraka ya olankha wa Mbwana! Weeyo onjuwa saaneene khaazi akikholeliyeeyo wakathi opule kaari Eefezu.

2 Timootiyu 2:5

Nkhama etthiipo theenya khaavo namatthira aninkhiwaaye jarata ya oshintta, ahishututeleeni mwentto aya.

2 Timootiyu 4:1

Omaasho wa Nluku na wa Yinsa Al-Masiihu, anteelaaye owaaphuka atthu awoona na ananfwa, khwa ojithoonyeza wawe na ofwalume awe, miiyo kinuutumerela toono:

Tiitu 2:13

naahirishaka nroromelo wooshapweya na othoonyeziwa wa siifwa ya Nluku nwulu na Namuusuru Yinsa Al-Masiihu.

Meepereewu 12:11

Wakhula olikhisiwa khiniiyavo furaha ila huzuni; mwiisho waya, entana furaha na heeri khwa apale enkhiweeyo weettettisa shariya.

Meepereewu 9:28

Etthiipo Al-Masiihu ajinkha swaafu moote khwa mileele yoori alaze twampi za atthu awaatta, na ye onruti swaafu ya phiiri, woohiteeli yoori alaze twampi, ila atane nusura ya apale aninwejelaaye.

Tiyaaku 1:12

Wooparikhiyiwa ntthu otule anvilelaaye nwootootiwa, maana paata ya oshintta ompwekhera jarata ya ohaayi, etile Nluku awaahitiyeeyo apale animphetaaye.

1 Pheeturu 1:4

yoori neeyane erathi ehinaashikhaaye, yoohiina hatha nlepa na ehinthuwaaye fwayita yaya. Erathi etile epwehiweeyo pinkuuni yoori yiiye yenu,

1 Pheeturu 5:4

Amana ata Nshuki Nwulu, mweeyo mwinteela opwekhera jarata ya siifwa ehinishaaye waara waya.

Othoonyeziwa 1:7

Moone! Ye onta mmawiku, maasho ooshi anteela omoona, hatha apale anshomiyeeyo na nkokhi; atthu ooshi a voolumwenku anteela ojiliza mwaasa wa ye. Enttela orettikhana etthiipo! Amiina.

Othoonyeziwa 19:11

Khoona pinku efukuwiye na omaasho waka eriwo khavalo yoolakala, nakhavalo aya aari wiitthiwa Waamineya na Haakhi, ye omphuka na onuumana khwa shariya.

Othoonyeziwa 2:10

Mwihoove etthu enttelaaye wuuhoochani nasaapi eti. Sheethwani oniweeselela akina a mweeyo nkalapooso yoori aweezeni, na mwinteela ohoowa monkoni wa olupatthiwa khwa siikhu khumi. Mwiiye awaamineya mpakha ofwa, na miiyo kintta owinkhani jarata ya ohaayi.

Othoonyeziwa 22:20

Otule anlazaaye oshaahiti wa vitthu zaya epi alupa: “Aaa, kinta woohirupazi!” Amiina! Ote, Mbwana Yinsa!

Othoonyeziwa 4:10

attunkhulu a tiini eshiriini na wane eetta okokhora omaasho wa otule eekhaliyeeyo va khukulu, khumwaaputu otule ariiye haayi khwa mileele. Khweeselela jarata zaya omaasho wa khukulu, eepaka yoori:

Othoonyeziwa 4:4

na nkerekhere wa khukulu zaarimo khukulu kiina eshiriini na nne, na kiwoona eekhaliyevo attunkhulu a tiini eshiriini na wane. Yo awaliye kuwo zoolakala na mmwishwa arina jarata za weero.