2 Timootiyu 3:14 - Hapari Zooshapweya

¹⁴ Ila weeyo, wuumelele vitthu etthiipo onozeliweeyo na okhupaleliyeeyo, weeyo oninjuwa paani oonozeliyeeyo.

2 Timootiyu 3:14 Mawu Ofanana

Khaazi 17:31

Ye atthoma siikhu anttelaaye ophuka olumwenku na shariya, khwa ntthu mmote anthawuliyeeyo na athoonyeza vakatthi wa atthu khwa onsisimula muufwa.”

Arooma 14:5

Awaapho atthu anhalalishaaye siikhu zayita siikhu kiina yaya; na awaapho anoonaaye siikhu zooshi wiiya sawasawa. Wakhula ntthu akholelele etile ariina mmwishwa mwawe.

Akoloosu 2:2

Kinjilipisa yoori yo eeye ookhomaaziwa nroho mwaya, akusanyeye khwa pheta na apatthe maali zooshi za weeleyiwa wookhamilikha, yoori ajuwe saaneene siiri ya Nluku, yoori ti Al-Masiihu.

1 Atizaloonika 1:5

maana hapari zooshapweya zeetthu khazuufiyeleenini khwa mattakhuzi paasi, ila theenya khwa owahi wa Rooho Ttakatthiifu, na hakiikha yookhomaala. Mweeyo mwinjuwa nanna nijettettisiyeezo vakatthi venu, khwa zwaamu yenu.

1 Atizaloonika 2:13

Theenya ninshukhurwele Nluku woohilikheleli, mwaasa yoori wakathi mwipwekhereliyeeyo khwa phantte yeetthu nttakhuzi la Nluku, mweeyo mwakhupalela, khahiyo nkhama nttakhuzi la anaatamu, ila khwa nanna weekhweele liiyiyeezo nttakhuzi la Nluku, linkholaaye khaazi wookhomaalavo khwa mweeyo mwikhupaliyeeyo.

1 Timootiyu 4:16

Ojiinanele weeyo na wiiyane phoole na mwentto opu onsomisaaye, vitthu epo ojilipise oretta. Amana okhanyarela oretta etthiipo, ontta ojuusuru weeyo na apale anuusiilaaye.

2 Timootiyu 1:13

Othokorele khwa amini na pheta ya Yinsa Al-Masiihu, menttezi a masomi apa okisiiliyeeyo.

2 Timootiyu 2:2

Mattakhuzi okisiiliyeeyo vakatthi wa oshaahiti mwinkeene, owenkhe atthu awaamineya, anwahaaye owaasomisa atthu akina.

2 Timootiyu 3:15

Maana weeyo thanku osimaana awo onjuwa Zawaatikhiwa Ttakatthiifu, ziriina owahi woowinkha ojuwa onuufisaaye nnusura monkoni wa amini khwa Yinsa Al-Masiihu.

Tiitu 1:9

na ona ya okholelela wookhomaalavo nttakhuzi la waamineya, khwa nanna asomisiweeyo, yoori eeyane makhaamu a owaalipisela azuwakhe khwa mwentto wooshapweya na owaakheeti apale anshinttananaaye.

Meepereewu 10:22

apho nlaweni nimwaattame Nluku na rooho yookhweele na amini khaamili, na rooho zootwahareshiwa khwa akhili za paathuli na wiiyana mwiili wawoosiwa ti maati oohalalishiwa.

Meepereewu 6:11

Apho ennituvela yoori wakhula mmote wa mweeyo ajithoonyeze wiiya woolikana mpakha mwiisho, yoori mwiiyane nroromelo khaamili,