2 Timootiyu 2:7 - Hapari Zooshapweya

⁷ Opheleleze zooshi kinlupaazo, maana Mbwana onteela owinkha weeleyiwa khwa vitthu zooshi.

2 Timootiyu 2:7 Mawu Ofanana

Luuka 21:15

Maana miiyo kinlawa kawinkheni mattakhuzi na akhili khwa nanna ya owaajipu maatuwi enu, ahinttelaaye owahi ozukulisa wala okheeti.

Luuka 24:45

Aphano Yinsa khuwaapatthisa fwahamu yoori ziweeleye Zawaatikhiwa Ttakatthiifu za nkithaapu.

Luuka 9:44

“Mwisiileze saana mattakhuzi apa kiniwuuzaanini: Mwaana wa Pinaatamu onttela winkheleliwa mmakhono wa anaatamu.”

Yaahaya 14:26

Ila Namalipisela, Rooho Ttakatthiifu, eto Paapa anttelaaye omperekha khwa nzina laka, onteela wuusomisani mweeyo vitthu zooshi na wuukupuselani zooshi epile kiwuuziyeenini.

Yaahaya 16:13

Ila amana Rooho ya haakhi eta, ye enttela wuusomisani khweele yooshi mweeyo. Ye kinteela ojilupa, ila enttela olupa zooshi esiiliyeeyo na owuuzani mweeyo vitthu zinttelaaye orettikhana.

Khaazi 7:10

Khuntaphula tafwawuti zawe zooshi khumwiishushela rehema na akhili omaasho wa Firawuuna, mfwalume wa Misuri. Othuuto aamwinkhiye Yuusufu owaziri wa Misuri na khumwinkha ottunkhulu wa atthu ooshi a vaje vawe.

1 Akorintiyu 12:8

Khwa Rooho mmote, oninkhiwa mattakhuzi aakhili; khwa Rooho ethiito, mattakhuzi oojuwa;

Afiliipu 4:8

Wiishela waya attwiizaku, yooshi yiiyiyeeyo ya ookhweele, yooshi yiiyiyeeyo ya shitaha, yooshi yiiyiyeeyo yoolotteya, yooshi yiiyiyeeyo swaafi, yooshi yiiyiyeeyo yoophetiwa, yooshi yiiyiyeeyo yootuvela, amana yiiyavo etthu yootepa oshapweya ama ensuhaaye ottitthimisiwa, mwifikhiri vitthu zaya epo.

Akoloosu 1:9

Khwa ethiito, thanku siikhu nisiiliyeeyo, khanilikheleleeni wulompelani mweeyo na oveka yoori mwiiye awiitaala ojuwa wooshi wa niiya ya Nluku, na akhili zooshi na weeleyiwa wa nroho.

1 Timootiyu 4:15

Vitthu epi weettettise saana na ajilipisane etthiipi yoori okhomaala wawo nkatthi wa amini wiiye wa wooniwa pi atthu ooshi.

2 Timootiyu 2:6

Namalima ankholaaye khaazi woohiviliwi ona ya wiiya mwanzo wa opuhela peewu za wuurula.

2 Timootiyu 2:8

Onfikhiri Yinsa Al-Masiihu, jaama wa Daawuuda asisimuliweeyo muufwa, nkhama enlupaazo hapari kinlaleyaaye.

Meepereewu 12:3

Mwimuupuwele saaneene otule avileliyeeyo wiiniwa pi anatwampi, khwa ethiito mwihishokhere na wala mwihitteettheye.

Meepereewu 13:7

Mwiwuupuwele atthu apale oolokozeliyeenini, aari wuutafusirelaanini nttakhuzi la Nluku. Mwipheleleze saaneene mishumo za ohaayi aya, mweezele amini ethiito aariinaaye.

Meepereewu 3:1

Nakataalikha, attakatthiifu attwiizaku, mwiriiye nkatthi wa okhuweliwa ti Nluku wa pinkuuni, wuupuwela weenu mwitthe wa Yinsa, aswihaapa na haakhimu nwulu wa tiini ninintukhurwaaye.

Meepereewu 7:4

Mwishitahi ottunkhulu awe, hatha papeetthu Eburahiima aamwinkhiye ye lifunku la khuumi khwa vitthu aapatthiyeezo nvittha.

Tiyaaku 1:5

Nkhama owaapho mmote wa mweeyo athowiweeyo ti akhili, anvekele Nluku aninkhaaye wahurumavo, othuuto aniwenkhaaye atthu ooshi khwa okemaani na ontta owinkha.

Tiyaaku 3:15

Akhili za nanna eto khinlankha pinkuuni, ila pi za vathi attaapha, za onaatamu na za sheethwani.

Tiyaaku 3:17

Ila akhili enlankhaaye pinkuuni, omwanzweene swaafi, elottelanaka pi za wiitthaala, zookemaani, zootthantta, zawiitaala huruma na mishumo zooshapweya, zoohitarawu na zoohisanki.

1 Yaahaya 5:20

Ninjuwa yoori Mwaana wa Nluku ata, khuninkha weeleyiwa yoori ninjuwe otule eeyiyeeyo wa khweele, na fweeyo niri wookusanyeya na Nluku wa khweele khwa Mwanawe Yinsa Al-Masiihu. Ye ti Nluku weekhweele, na ti ohaayi wa mileele.