2 Timootiyu 2:4 - Hapari Zooshapweya

⁴ Khaavo najanka mmote anjilikhelelaaye othuuliwa pi zanshara za meekhazi ootakhala, maana ye ontakha ontuvelisa namalokozela otule anthawuliyeeyo olawa ovittha.

2 Timootiyu 2:4 Mawu Ofanana

Luuka 8:14

Peewu epi zaakweliiye va miiwa, zinlikanisaniwa atthu apale ansiilaaye, ila mwaasa wooshukulikhela opattha tuvela na haali za meekhazi, yo waamini waya vattiitthi-vattiitthi onzima, ahifiyelelaka wiima mishumo.

2 Akorintiyu 5:9

Tiito, ninaaye niiya ya otakha ontuvelisa, hatha nkhama na mwiili opu, hatha nkhama neetta olikha.

Akaalata 5:1

Al-Masiihu anitaphula yoori niiye wootaphuwa. Nakataalikha mwiiye ookhomaala, mwihijirutisele opheya nkatthi wa mapwattha oovitthwaana.

1 Atizaloonika 2:4

olikha toowo, nkhama atthu ookhupaliwa ti Nluku, mpakha khuninkha olaleya hapari zooshapweya, khaninttakhula yoori niwaatuvelise atthu, ila Nluku, aninzaanaaye rooho zeetthu.

2 Timootiyu 4:10

Ila Teema akanswi eetta Tizaloonika mwaasa wa opheta olumwenku. Kereseti eetta Kalaasiya, Tiitu eetta Talamaasiya.

2 Pheeturu 2:20

Nkhama awahi owerawera vitthu zootakhala za olumwenku khwa ojuwa wa Mbwana eetthu na Namuusuru Yinsa Al-Masiihu, ila khulawa khukholiwa na khushinttiwa opheya pi epo zaya, meekhazi aya aniiya ootepa zayita eettaka waazaru.