2 Timootiyu 2:19 - Hapari Zooshapweya

¹⁹ Ila nchina ankheyaaye Nluku khalinsakhinyeya liniiya loopharisiwa na mattakhuzi anraaye: “Mbwana oniwaajuwa apale eeyiye awe, wakhula otule anlottelaaye nzina la Al-Masiihu ona ya ophakuwanana vitthu zootakhala.”

2 Timootiyu 2:19 Mawu Ofanana

Zaapuura 1:6

Nnyizinku onlokozela na oniinanela tarikhi ya anashariya, ila tarikhi ya makaafiri ti ethiito enttelaaye owaaphwetecha.

Matewuzhu 24:24

Maana anlawa apuwe Al-Masiihu oojipanka na manapiyu oojipanka anttelaaye oretta alama khulukhulu na vitthu zootikinisa yoori awaahate hatha apale oothawuliwa.

Matewuzhu 28:19

Nakataalikha, mwilawe mwawaarette anakhiyoni khwa khapila zooshi, mwiwoosaka khwa nzina la Paapa, la Mwaana, na Rooho Ttakatthiifu,

Matewuzhu 7:23

Aphano miiyo kiwooze woosileyavo yoori: ‘Akinuujuwani. Mwikisuse, anamaretta zootakhala.’

Matewuzhu 7:25

Khunya vuula, khwiitaaza nyuuttho khuvuma pheevo khusakhinya nyuupa etile, khuhikwi, maana nchina laya laari va mawe.

Maaruku 12:16

Yo khutana nzurukhu opule, ye khuwoozela yoori: “Ratarato eti na waatikha opu pu waani?” Yo khujipu yoori: “Seezari.”

Maaruku 13:22

Maana anlawa apuwe Al-Masiihu oojipanka na manapiyu oojipanka anttelaaye oretta alama na vitthu zootikinisa yoori awaahate apale oothawuliwa.

Luuka 13:27

“Ila ye onlawa ajipu yoori: ‘Akinuujuwani wala ohali mwinlankhaawo akinjuwawo, mwikisuse mweeyo anamaretta zootakhala.’

Luuka 6:48

Onlikanana ntthu anjekaaye nyuupa yawe khuthipa khwiichisa saaneene khuttha vanchina la mawe woozivalavo. Khuta nnyeri khupiya nyuupa etile ila khuhisakhinyeyi mwaasa woozivalisiwa.

Yaahaya 10:14

“Miiyo ki nshuki wokhaamili; kinjuwa pwittipwitthi zaka na yo zinikijuwa,

Yaahaya 13:18

“Akinuulupani mooshi, kiniwaajuwa apale kiwaathawuliyeeyo. Ila epo enttela orettikhana yoori emariseleye epile zilupiyeeyo Zawaatikhiwa Ttakatthiifu, yoori: ‘Othuuto kimeelaniyeeyo phaawu yaka akizinkula.’

Yaahaya 3:33

Otule ankhupalelaaye oshaahiti awe onhakikhi yoori Nluku haakhi.

Khaazi 11:26

Wakathi ansikaniyeevo khunthuula khusala alawa Antiyookiya. Yo aari wiiya okusanyeya na ojama wa Nluku wa Antiyookiya noowaasomisa atthu awaatta khwa mwaakha ntero. Antiyookiya pu ohali anakhiyoni aziiyeewo wiittheliwa nzina la atthu a Al-Masiihu.

Khaazi 15:17

yoori atthu apale akina ansalaaye amweekese Mbwana, mpakha amalapo ooshi ana yoottitthimisa nzina laka, alupiyeeyo ti Mbwana,

Khaazi 9:14

Ye ata okhuno khwa ruhusa ya mahaakhimu a tiini yoori awaakhole ooshi apale ansifwaaye nzina lawo.”

Arooma 11:2

Nluku khawaakatthaleeni atthu awe, apale thanku raku awathawuliyeeyo. Ama khamwinjuwa Zawaatikhiwa Ttakatthiifu alupiyeeyo Aliyaasi khwa nanna aari onkhuwelaazo Nluku monkoni wa Ezirayiilu?

Arooma 12:9

Pheta yenu mweeyo ena ya wiiya ya khweele. Ewiiphireni zootakhala; mwikholelele epile ziiyiyeeyo zooshapweya.

Arooma 15:20

Wakhula siikhu karetta thenke ya otafusiri hapari zooshapweya ohali Al-Masiihu ahaari ojuwiwaawo, yoori kihikhomaaze vatulu wa nchina la akinoko.

Arooma 15:9

yoori amalapo anttitthimise Nluku khwa tthakaraka yawe, nkhama etthiipo yaatikhiweezo yoori: “Tiito miiyo kinuusifu vakatthi wa amalapo; kiniipela siifwa nzina lawo.”

Arooma 8:28

Ninjuwa yoori apale animphetaaye Nluku na awaakhuweliyeeyo khwa shawuri zawe, zooshi ziniweettettela saana.

Arooma 9:11

Yoori matakhelo a Nluku eeye nkhama othawula woohiishi woohiiyi khwa khaazi, ila khwa otule ankhuwaaye; nakataalikha, khapulathi amaphapo ahinavokoliwe ama ahinarette hatha etthu yooshapweya ama yootakhala,

1 Akorintiyu 1:2

khwa ojama wa Nluku oriiye sitati ya Korintiyu, na apale oottakatthisiwa khwa Yinsa Al-Masiihu na akhuweliweeyo yoori eeye attakatthiifu, vamote na ooshi apale ankhuwaaye khwa nzina la Mbwana Yinsa Al-Masiihu, Mbwana aya na weetthu.

1 Akorintiyu 8:3

Ila otule animphetaaye Nluku, oto onjuwiwa ti Nluku.

2 Akorintiyu 7:1

Aphetani aka, wiiya ninaaye ahiti zaya epo, nijitwahareshe khwa vitthu zooshi zinkwakhulisaaye mwiili na rooho, nikamilikhisaka ottakatthifu khwa omoova Nluku.

Akaalata 4:9

Ila Nluku onuujuwani mweeyo ama mweeyo mwinjuwiwa ti Nluku, mwinri toovi theenya mwirutelaka owahi waari olokozelaaye olumwenku, woottettheya na wohiina owahi? Wekhweele mwintakha orutela theenya wiiya aviitthwaana a otthuupo?

Ayeefezu 2:20

Mwajekiwa va nchina la maaswihaapa na la manapiyu, na khwiiyana liwe linkhomaazaaye nyuupa, Yinsa Al-Masiihu.

Ayeefezu 3:15

othuuto ojama wooshi waaza otulu mpakha vathi ampwekheraaye mazina a ojama wooshi.

Ayeefezu 4:30

Mwihiphirise Rooho Ttakatthiifu ya Nluku, ethiito mwimatthaniweeyo enlawaaye mpakha siikhu ya wookhowa weenu.

1 Timootiyu 3:15

ila amana kirupaza, warakha eto entta owuuza nanna yoojeettettisa vakatthi wa ojama wa Nluku. Eti yiiyiyeeyo khuntti ya Nluku khwa ohaayi, nripu na nchina lookhweele.

1 Timootiyu 6:19

Khwa nanna ethiito antta wiiyana okhu ninttaawo akhipa yookhomaala, yoori apatthe ohaayi wa ookhweele.

Meepereewu 11:10

Maana ye aari oweja sitati eriina nchina, namwaatikha na namajeka aya eeyiye Nluku.

2 Pheeturu 3:14

Khwa ethiito, aphetani aka, mwiwejaka vitthu zaya epo, mwijilipise yoori Nluku oosikaneni mwihina nlepa, mwihina twampi na mwirina heeri.

1 Yaahaya 2:19

Yo alaavo vakatthi veetthu, nakataalikha apo aya khaari eetthu; maana eriwaka eettiye wiiya eetthu eetta onipharelela na fweeyo; yo alaavo yoori athoonyeze yoori ooshi khaari eetthu.

Othoonyeziwa 17:8

Nyama yawoopisa eto weeyo wooniyeeyo, yaari, ila apha khahi. Ye entakha osaruwa nkhilintti na enlotta tarikhi ya opwetheya. Apale aniikhalaaye va tuniya, mazina aya ahaatikhiweeni nkithaapu ya ohaayi thanku wumpiwa wa olumwenku anttela wiiya ooshanka amana oona nyama yawoopisa eto, maana eto yaari, ila apha khahi, na enteela ota.

Othoonyeziwa 2:13

Miiyo kinjuwa ohali mwiniikhalaawo, ottuukho eriiwo khukulu ya Epiliisi. Mweeyo mwawaamineya khwa nzina laka na khamwansweeni amini mwiriina khwa miiyo, hatha wakathi wa Antiipa shaahiti aka wa waamineya, ooliiwa ottuukho Perekaamu, ohali aniikhalaawo Epiliisi.

Othoonyeziwa 21:14

Muuri wa sitati ya etile waarina machina khumi na mawiri, khwa machina atthaapo aari awaatikhiwa mazina khumi na mawiri a maaswihaapa a Pwittipwitthi.

Othoonyeziwa 22:4

Yo anteela woona wuuso awe, na nzina lawe linttela wiiya vaajihi vaya.

Othoonyeziwa 3:8

Kinjuwa zooretta zaya. Moone yoori omaasho weenu katthaawo nlako woofukuwa, na khina anwahaaye ofuka. Kinjuwa yoori mweeyo mwinaaye kuvu vattitthiiru, ila mwathokorela nttakhuzi laka na khamwikatthaleeni nzina laka.