2 Timootiyu 2:16 - Hapari Zooshapweya

¹⁶ Owerawere nyaasa zoohiina fwayita na zohankawaani, maana apale anrettaaye epo zaya anjeettana tarikhi ya okaafiri.

2 Timootiyu 2:16 Mawu Ofanana

1 Akorintiyu 15:33

Mwihijilikhelele ottettekhiwa: “Ashirikha oohisuhi antapwatela mwentto wooshapweya.”

1 Akorintiyu 5:6

Ojikhupali weenu opo khahiyo wooshapweya. Mweeyo khamwinjuwa yoori fwaramento vattitthiiru enjakhula ofu wooshi?

1 Timootiyu 1:9

Nijuwaka etthiipo yoori kano khazaawaateeliye atthu apale aneettettelaaye shariya, ila zaawaateeliye apale ohiiyi a shariya na anamakhijili, zaawaateeliye makaafiri na anatwampi, zaawaateeliye anamatakhala rooho na anamakufuru, zaawaateeliye apale aniwoolaaye apapazaya na amamazaya, zaawaateeliye apale aniwoolaaye azaaya,

1 Timootiyu 4:7

Masomi oovonyeya na hantisi zoololo ojiwerawerisane. Ojikhomaaze na emaani.

1 Timootiyu 6:20

Weeyo Timootiyu! Etile olikheliweeyo otthe nroho. Owerawere mattakhuzi oololo aninveyisaaye Nluku na akhili zoovonyeya zinooniwaaye nkhama ojuwa ila zihiiyeeni.

2 Timootiyu 2:14

Mattakhuzi apa owaafikhirise atthu ooshi, owoozaka saaneene omaasho wa Nluku yoori ahijitupweeze muunyakulisana monkoni wa mattakhuzi. Opo aya khuna fwayita, oniwaatapanya apale ansiilaaye.

2 Timootiyu 2:21

Amana ntthu ajitwaharesha khwa vitthu zaya epo, oniiya yoopo ya shitaha yoottakasiwa, ya maana khwa Mbwana na yootthenkeziwa khwa khaazi zooshi zooshapweya.

2 Timootiyu 3:13

Olikha toowo, atthu ootakhala rooho na oojinkhelela eniweettettela zootakhala wootepavo, attettekhaka nayo attettekhiwaka.

Tiitu 1:11

Enihithajiya owaanyamaza, maana antta owaatapanya ajama ooshi, asomisaka vitthu zoovonyeya, yoori asala apatthela nzurukhu wakhula nanna.

Tiitu 1:14

na ohisiileze hantisi za mayaahuuti wala oruma wa anaatamu apale ankhijilelaaye haakhi.

Tiitu 3:9

Ila weeyo ojiwerawerisane onyakulisana wa ololo na warakha ya mazina a amarehemu, okheetisana na nyaasa monkoni wa kano za mayaahuuti. Vitthu zaya epo khinfwayi na khina fwayita.

Meepereewu 12:15

Mwiiyane phoole yoori ahiiyevo hatha mmote wa mweeyo anttelaaye ojilazamo nrehema ya Nluku, wala ahiiyevo anjirettaaye wiiya nkhama ntathaari woowaawa onttelaaye woottha owantipuni, na owaakwakhulisa atthu awaatta.

2 Pheeturu 2:18

Maana yo, khwa mattakhuzi ohiina fwayita oojitayiti na atothaka tuvela zoohifwayi za onaatamu, aniwaattettekha atthu antakhaaye owaatthira apale aniikhalaaye khwa vitthu zoovonyeya.

2 Pheeturu 2:2

Atthu enkeene anteela olottela tarikhi zoopatthisa haaya za atthu atthaapo, na mwaasa wa atthaapo enttela otaraweya tarikhi ya haakhi.

Othoonyeziwa 13:14

Mwaasa wa alama enkhiweeyo ruhusa ya oretta khwa nzina la nyama yawoopisa etile ya mwanzo, ye awaahata apale aniikhalaaye va tuniya. Khuwaaruma yoori aattale ratarato khwa hishima ya nyama yawoopisa etile yaavulalisiweeyo na phanka na khwiiya haayi.

Othoonyeziwa 13:3

Eeshwa moote ya nyama yawoopisa etile yaari olattanana wiiyana likhwatta lawuula, ila likhwatta laya laavonisiwe. Atthu ooshi voolumwenku khwiiya ooshanka na khusala alotta nyama yawoopisa etile.