2 Timootiyu 1:4 - Hapari Zooshapweya

⁴ Kinfikhiri mishozi zenu, kintakha venkivene oteela owoonani yoori furaha yaka ekamilikhe.

2 Timootiyu 1:4 Mawu Ofanana

Yaahaya 16:22

Zinrettikhana etthiipo khwa mweeyo: opu wakathi wa huzuni khwa mweeyo. Ila miiyo kinteela owoonani swaafu kiina theenya, na mwinteela ofurahi, na furaha eto khaavo anttelaaye wuulazani.

Yaahaya 16:24

Mpakha nasaapi eti khamwinaveke hatha etthu khwa nzina laka. Mwiveke, mwintta winkhiwa, yoori furaha yenu ekamilikhe.

Khaazi 20:19

Kanrumeyela Mbwana na ojipushuwisa na mishozi zaka mwaasa wa nanna kaari olupatthiwaazo ti khuntti ya mayaahuuti.

Khaazi 20:31

Apho, mwijeekesele, mwifikhirele yoori khwa nyaakha mittatthu miiyo akilikheleleeni wuulipiselani wakhula mmote wa mweeyo, osikhu na nthana, na mishozi zeettaka okikwa.

Arooma 1:11

Kintakha owoonani mweeyo, kuufiselakani tthuvo kiina za nroho yoori kuukhomaazeni.

Afiliipu 1:8

Shaahiti aka Nluku khwa nanna mwikinukheliyeezo, khwa pheta khuluyeene ya Al-Masiihu Yinsa.

Afiliipu 2:26

Ye anukheliwa ti mooshi mweeyo na ona othunku maana mweeyo mwasiiliye yoori aari nlwele.

1 Atizaloonika 2:17

Nakataalikha fweeyo attwiizetthu, naphakuwana wakathi vattitthiiru khwa mwiili, ila woohiiyi khwa rooho, ninjilipisa venkivene yoori niwooneni wuuso khwa wuuso, khwa nanna ninukheliweezo ti mweeyo.

2 Timootiyu 4:21

Orette thenke ote ohinafiye mwiita. Epulu, Puteti, Liino, Kalaawutiyu na attwi ooshi ooperekheza salamu.

2 Timootiyu 4:9

Weekese ota okutthanana miiyo woohirupazi.

1 Yaahaya 1:4

Nawaatikhelani vitthu epi yoori fweeyo niiyane furaha khaamili.

Othoonyeziwa 21:4

Ye onlawa awaakukutthe mishozi za mmaasho mwaya zooshi. Khunteela wiiyavo theenya ofwa, wala huzuni, wala olila, wala olwaaza, maana vitthu epile za raku zavira.”

Othoonyeziwa 7:17

maana Pwittipwitthi eriye vakatthi wa khukulu enttela wiiya nshuki wa apo aya, ye enttela owaalokoza va anaattuuttu a maati a ohaayi. Na Nluku onttela opakusa mishozi za mmaasho mwaya.”