2 Pheeturu 2:18 - Hapari Zooshapweya

¹⁸ Maana yo, khwa mattakhuzi ohiina fwayita oojitayiti na atothaka tuvela zoohifwayi za onaatamu, aniwaattettekha atthu antakhaaye owaatthira apale aniikhalaaye khwa vitthu zoovonyeya.

2 Pheeturu 2:18 Mawu Ofanana

Khaazi 2:40

Khwa mattakhuzi menkeene Pheeturu khusala alaza oshaahiti eekesaka yoori awaashintte araka: “Mwijuusuru vakatthi wa atthu apa ootakhala rooho.”

Khaazi 8:9

Aarivo mwinyi mmote aari wiitthiwaaye Simawu, aari wiikhalaaye sitati ethiitile, raku aari orettakaaye majintta, na owaazinkula asamariiya ooshi, ajoonaka ye wiiya munumunu.

Arooma 13:13

Nijilikanise weekhweelevo nkhama atthu aneettettaaye nnuuru ya nthana, khahiyo khaapa twayifu na ohapaliwa, wala oraruwa na zowera, wala onyakulisana na nrima.

Ayeefezu 4:17

Na kiniwuuzani khwa nzina la Mbwana yoori: mwihiiye nkhama amalapo, maana wuupuwela waya khuna fwayita.

2 Atizaloonika 2:4

Oto onuumanana na onjittottopa wiiya vatulu wa vitthu zooshi epile zinaaputwiwaaye ziniitthiwaaye yoori Nluku, afiyelelaka mpakha wiikhala omwimpari wa Nluku, ajilaleyaka yoori ye Nluku mweenyeweene.

Tiyaaku 5:5

Voolumwenku apha meekhazi enu pi oozuri, mwinretta etile mwintakhaaye na mwinneneva nkhama mompe enttelaaye oshijiwa.

2 Pheeturu 1:4

Khwa nanna ethiito, ye aninkha ahiti yawe khuluyeene na yootafikhana yoori khwa etthiipo mweeyo mwipatthe oretta phantte ya ephattu ya Nluku, mwiweraweraka vitthu zootakhala ziriiye voolumwenku, mwaasa wa omaashokopho.

2 Pheeturu 2:14

Mmaasho mwaya weetaalamo oraruwa, khanlikha theenya oretta twampi, aniwaattettekha apale oottettheya, anaaye rooho ya weettettisa omaashokopho. Atthu oolanikha!

2 Pheeturu 2:2

Atthu enkeene anteela olottela tarikhi zoopatthisa haaya za atthu atthaapo, na mwaasa wa atthaapo enttela otaraweya tarikhi ya haakhi.

2 Pheeturu 2:20

Nkhama awahi owerawera vitthu zootakhala za olumwenku khwa ojuwa wa Mbwana eetthu na Namuusuru Yinsa Al-Masiihu, ila khulawa khukholiwa na khushinttiwa opheya pi epo zaya, meekhazi aya aniiya ootepa zayita eettaka waazaru.

2 Pheeturu 2:7

ila khunlikha Loothi, ntthu wa shariya aari oshukulikhaaye mwaasa wa mwentto wootakhala wa atthu aya apale.

2 Pheeturu 3:17

Nakataalikha, aphetani aka mwahirimiziwa, yoori mwiiyane phoole! Mwihijilikhelele mwikwaka puuro mwiriiye yookhomaala, mwitthempiwaka pi ottettekha wa atthu aya apo ootakhala rooho.

Yuuda 1:13

Yo anuupuwa nkhama mawipi oowali a mpahari, asarulelaka oje maphovu a khaazi zaya zoopatthisa haaya, anuupuwa nkhama matthottowa oohiina tarikhi, apo aya athokoreliwa mileele yoori eeye puuro ya wiicha n'yiiza.

Othoonyeziwa 13:11

Aphano khoona nyama yawoopisa kiina elankhaka va tuniya, yaarina manyaka mawiri nkhama pwittipwitthi, ila yaari ottakhula nkhama jahanamu.