2 Akorintiyu 9:13 - Hapari Zooshapweya

¹³ Khwa wooneya wa khaazi eto mwinkholaaye, akina anlawa ansifu Nluku khwa oshututi onlokozaaye otukhuru yoori mweeyo mwinretta hapari za Al-Masiihu khwa winkha woohilikheleli weenu wa omeelana vitthu na yo na khwa akinoko aya ooshi.

2 Akorintiyu 9:13 Mawu Ofanana

Matewuzhu 5:16

Khwa nanna ethiito nuuru yenu mweeyo yaare vakatthi wa atthu, yoori oone khaazi zenu na ansifu Papeenu, ariiye pinkuuni.

Matewuzhu 9:8

Paata ya atthu woona vitthu epile khuwaapattha woova, khunsifu Nluku, awenkhiyeeyo anaatamu ofwalume nkhama opo.

Luuka 6:46

“Mwinkikhuwelelani yoori ‘Mbwana, Mbwana’ mwihirettaka epile kiniwuuzaanini?

Yaahaya 15:8

Paapa onsifwiwa mwaasa wa mweeyo wiima mishumo zawaatta, etthiipo enthoonyeza yoori mweeyo mwa anakhiyoni aka.

Khaazi 11:18

Noosiila mattakhuzi apale, khuhiruteli olupa mattakhuzi makina, khunsifu Nluku araka: “Khweele, mpakha amalapo Nluku awenkha othupwiya yoori apatthe ohaayi.”

Khaazi 4:21

Khuwaatuturusha theenya khuwaalikha, maana khaari woona etthu yoowaahukhumwela na atthu ooshi aari onsifu Nluku mwaasa wa minjuza epile zaarettikhaniyeeyo.

Arooma 10:16

Nakataalikha, wala khahi meezirayiilu ooshi aakhupaliyeeyo hapari zooshapweya, maana Ezaaya alupa yoori: “Mbwana, paani akhupaleliyeeyo tafusiiri zeetthu?”

Arooma 12:8

nkhama ti ya owaalipisela azaawo, owaalipisele. Nkhama ti ya winkha, winkhe wahurumavo; nkhama ti ya olokozela, olokozele na phoole; nkhama ti ya othoonyeza tthakaraka, othoonyeze na furaha.

Arooma 15:31

Mwilompe yoori akiwerawere atthu a Yudeya apale ahininkhupalaaye Yinsa na yoori khaazi yaka Yeruzaleemu ekhupaleliwe saaneene pi attakatthiifu,

Arooma 16:26

ila nasaapi eti zathoonyeziwa na enkhiwa ojuwa khwa zawaatikhiwa za manapiyu, khwa oruma wa Nluku wa mileele, yoori khapila zooshi zinkhupali ye na enshututele;

2 Akorintiyu 10:5

Nintapanya shawuri na ojinkhelela wooshi onuumananaaye ojuwa wa Nluku, na nafukela wuupuwela wooshi yoori oretteye wiiya wonshututela Al-Masiihu.

2 Akorintiyu 2:12

Wakathi kifiyeevo Torowaati yoori kitafusiri hapari zooshapweya za Al-Masiihu, khoona yoori Mbwana akifukulela milako,

2 Akorintiyu 8:4

Anivekelaka wookhanyarelavo ruhusa ya oretta phantte ya owaawuni attakatthiifu.

2 Akorintiyu 9:14

Na lompa anrettaaye khwa mweeyo, yo anttela wiitaala pheta khwa mweeyo, mwaasa wa rehema khuluyeene ya Nluku awinkhiyeenini mweeyo.

Akaalata 1:24

Na yo khumwinkha siifwa Nluku mwaasa wa miiyo.

1 Timootiyu 6:12

Wuumane viittha yooshapweya ya epaata, okholelele ohaayi wa mileele. Okhuweleliweeyo noolaza oshaahiti wooshapweya wa tukhuru yawo omaasho wa atthu a waatta.

1 Timootiyu 6:13

Aphano, mmakhono wa Nluku otule aninkhaaye ohaayi zumpe zooshi, na mmakhono wa Yinsa Al-Masiihu, otule alaziyeeyo oshaahiti wooshapweya wa tukhuru omaasho wa Ponsiyu Pilaatu, miiyo kinuuruma weeyo,

Meepereewu 10:23

Nikholelele saaneene nroromelo nintukhurwaaye, maana otule anaahitiyeeyo tu wa waamineya.

Meepereewu 13:16

Mwihilikhelele oretta zooshapweya na owaameela azeenu khwa etile mwiriinaaye, maana twaha zinintuvelaaye Nluku pi etthiipo.

Meepereewu 3:1

Nakataalikha, attakatthiifu attwiizaku, mwiriiye nkatthi wa okhuweliwa ti Nluku wa pinkuuni, wuupuwela weenu mwitthe wa Yinsa, aswihaapa na haakhimu nwulu wa tiini ninintukhurwaaye.

Meepereewu 4:14

Nakataalikha ninaaye haakhimu nwulu wa tiini, Yinsa Mwaana wa Nluku, othuuto aweliyeeyo pinkuuni nikholelele woolipanavo amini nintukhurwaaye.

Meepereewu 5:9

Paata ya okhamilikhisiwa khwinkhiwa wiiya naattuuttu wa nusura ya mileele ya apale ooshi aninshututelaaye,

1 Pheeturu 2:9

Nakataalikha, mweeyo mwa peewu yoothawuliwa, onamalokozela wa tiini wa mfwalume, khapila ttakatthiifu, atthu mwiiyiyeeyo a Nluku, yoori mwilaleye owula wa otule ookhuweliyeenini n'yiiza khuutthaani nnuuru mwawe wooshwapweyamo.

1 Pheeturu 4:11

Otule anttakhulaaye, attakhule nkhama antafusiraaye nttakhuzi la Nluku; otule anrumeyaaye ti arumeye khwa kuvu enkhiweeyo ti Nluku, yoori khwa vitthu zooshi Nluku asifwiwe khwa Yinsa Al-Masiihu, otule eeyiye ottitthima na owahi khwa mileele. Amiina.