2 Akorintiyu 8:21 - Hapari Zooshapweya

²¹ Maana ninaaye phoole ya oretta etile yiiyiyeeyo yoolotteya, khahiyo omaasho wa Mbwana paasi, ila theenya omaasho wa anaatamu.

2 Akorintiyu 8:21 Mawu Ofanana

Matewuzhu 23:5

Zooshi anrettaazo antakha yoori ooniwe pi anaatamu. Yo anjifukela hirizi mmwishwa mwaya, na olepisa mashaka a ajapi zaya.

Matewuzhu 5:16

Khwa nanna ethiito nuuru yenu mweeyo yaare vakatthi wa atthu, yoori oone khaazi zenu na ansifu Papeenu, ariiye pinkuuni.

Matewuzhu 6:1

“Mwiiyane phoole ya oretta khaazi zenu za shariya vahali aniiyaavo atthu akina yoori mwisifwiwe pa yo. Amana mwiretta toowo, khamwiniiyana hatha phakari ya Papeenu wa pinkuuni.

Matewuzhu 6:4

khwa nanna etthiipo zimola yawo ena ya wiiya ya siiri. Toowo, Papaawo otule anoonaaye epile enrettiwaaye sirini, ontta wuutthuva.

Arooma 12:17

Mwihinriphe ntthu yootakhala khwa yootakhala. Mweekese oretta vitthu zoolotteya vakatthi wa atthu ooshi.

Arooma 14:18

Otule aninrumeyelaaye etthiipo Al-Masiihu, Nluku ti wontuvela na oniiya woohakikhiwa pi anaatamu.

2 Akorintiyu 2:17

Maana fweeyo khaniri nkhama atthu awaatta anlaleyaaye nttakhuzi la Nluku nkhama zanshara. Ila Nluku ti anirumiyeeyo, tiito ninlaleyaaye hapari zawe na khweele enakatthi yawe, nkhama akarumeya a Al-Masiihu.

2 Akorintiyu 8:20

Nintakha owerawera yoori ahiiyevo ntthu woonizukulisela mattakhuzi, nanna ninttelaaye ovira neettettisaka tthuvo eti khuluyeene ya zaakha.

2 Akorintiyu 8:22

Olikha toowo, nininperekha vamote na yo ttwiiyetthu, otule khwa swaafu zawaatta na khwa nanna zawaatta anithoonyeziyeeyo yoori ti woojinkha channu. Na nasaapi eti theenya onvira athoonyezaka ojinkha saaneene mwaasa wa nroromelo arina khwa mweeyo.

Afiliipu 4:8

Wiishela waya attwiizaku, yooshi yiiyiyeeyo ya ookhweele, yooshi yiiyiyeeyo ya shitaha, yooshi yiiyiyeeyo yoolotteya, yooshi yiiyiyeeyo swaafi, yooshi yiiyiyeeyo yoophetiwa, yooshi yiiyiyeeyo yootuvela, amana yiiyavo etthu yootepa oshapweya ama ensuhaaye ottitthimisiwa, mwifikhiri vitthu zaya epo.

1 Atizaloonika 5:22

Mwiphakuwanane vitthu zooshi zootakhala.

1 Timootiyu 3:7

Apho, namalokozela wa ojama wa Nluku eeye ntthu wooshitahiwa pi atthu apale ohiiyi a ojama wa Nluku, yoori ahikwele mmiraakho za sheethwani eeya wootaraweya.

1 Timootiyu 5:14

Apho, kintumerela yoori anamafweliwa pi amanna zaya apale eeyiye anakhinzi araliwe, eeyane aana alokozele vaje vaya, ahimwinkhe kiphenyo atuwi eetthu ya owaalupeza vitthu zootakhala.

1 Pheeturu 2:12

Mwiikhale nkhama nthoonyezo vakatthi wa makaafiri, yoori hatha nkhama yo antta wuulokovezani oretta vitthu zootakhala, oone khaazi zenu zooshapweya na anttitthimise Nluku siikhu yoophukiwa.