2 Akorintiyu 7:1 - Hapari Zooshapweya

¹ Aphetani aka, wiiya ninaaye ahiti zaya epo, nijitwahareshe khwa vitthu zooshi zinkwakhulisaaye mwiili na rooho, nikamilikhisaka ottakatthifu khwa omoova Nluku.

2 Akorintiyu 7:1 Mawu Ofanana

Matewuzhu 12:33

“Muutthi wooshapweya oniima mishumo zooshapweya, muutthi wootakhala oniima mishumo zootakhala, maana wakhula muutthi onjuwiwa khwa mishumo zaya.

Matewuzhu 5:48

Nakataalikha mwiiye atthu khaamili, nkhama etthiipo eeyiyeeyo khaamili Papeenu wa pinkuuni.

Matewuzhu 5:8

Ooparikhiyiwa pi apale ariina rooho yoopakusiwa, maana yo anteela omoona Nluku.

Khaazi 9:31

Siikhu zaya epo ojama wa Nluku waari wa heeri nti wooshi wa Yudeya, Kalileya na Samariiya, waari wookhomaala na wiikhala woomoova Mbwana alipiseliwaka ti Rooho Ttakatthiifu, atthu khusala eekezeleya.

Arooma 5:20

Kano zaateeliye weekezela ovonya. Ila, vahali eniitaalaavo twampi, rehema ya Nluku eniittikhela attaapho.

1 Akorintiyu 6:20

Mweeyo moozanyiwa khwa hisapu khuluyeene; apho mwinttitthimise Nluku na mwiili enu.

2 Akorintiyu 1:20

Maana ahiti ziriivo zooshi za Nluku, ziri khwa Yinsa pi za “aaa”. Tiito khwa vakatthi vawe ye, ninlupa yoori “Amiina”, khwa siifwa ya Nluku.

Ayeefezu 2:3

Raku fooshi fweeyo naari wiikhala nkhama atthaapo, nirettaka niiya za onaatamu etthu, nilottelaka tuvela zaya na wuupuwela waya. Nkhama akinoko aya, naari atthu yaari onisuhaaye katapu ya Nluku.

1 Atizaloonika 3:13

Yoori ye akhomaaze rooho zenu na mwiiye oohishowereyi khwa ottakatthifu omaasho wa Nluku eetthu Paapa, na khwa ota wa Mbwana eetthu Yinsa na attakatthiifu awe ooshi.

1 Atizaloonika 4:7

Maana Nluku khanikhuweleeni yoori niiye oohifwayi, ila yoori niiye attakatthiifu.

1 Atizaloonika 5:23

Yoori Nluku mweenyewe heeri oottakatthiseni sawasawa. Yoori rooho yooshi, nafusi na mwiili enu mweeyo ziiye zawiinaneliwa zoohishowereyi mpakha ota wa Mbwana eetthu Yinsa Al-Masiihu.

Meepereewu 12:23

va nthukumano wa apale amwanzo, mazina aya aatikhiweeyo pinkuuni. Mweeyo mwafiya wa Nluku, namaphuka wa atthu ooshi. Mweeyo mwafiyela rooho za anashariya okhamilikha.

Meepereewu 12:28

Nakataalikha, zaama nimpwekheraaye ofwalume woohisakinyeyi, nina ya wiiya ooshukhuru na etthiipo nimwaaputu Nluku, khwa shitaha na woova wa ottakatthifu,

Meepereewu 4:1

Nakataalikha, ahiti ya ofiya puuro ya ovumula ya Nluku nalikheliwa. Ahiiyevo mmote wa mweeyo anuupuwelaaye yoori avonya.

Meepereewu 6:9

Aphetani aka, hatha nkhama neetta ottakhula toowo, ninroromela vitthu khuluzeene vakatthi venu, vitthu khaamili za nusura.

Tiyaaku 4:8

Mwimwaattame Nluku na ye ontta owaattamani! Moose makhono enu, anatwampi! Mweeyo mwiriina shawuri zawaawanyeya, mwitwahareshe rooho zenu!

1 Pheeturu 1:15

Ila nkhama etthiipo eeyiyeezo ttakatthiifu otule ookhuweliyeenini, theenya mweeyo mwiiye attakatthiifu khwa zooretta zenu zooshi,

1 Pheeturu 1:17

Amana mwilompaka mwininkhuwela Paapa, otule amphukaaye sawasawa khaazi ya wakhula ntthu, mwinshitahi ye khwa ohaayi enu va olumwenku apha.

1 Pheeturu 1:22

Aphano mweeyo mwitwahareshiyeeyo ohaayi enu, khwa oshututela haakhi, mwithoonyezaka pheta ya ottwi na ya ookhweele, mwiphetane saaneene mmote na nzeenu na rooho yenu yooshi.

1 Pheeturu 2:11

Aphetani aka, kinuutumerelani nkhama aletto na anamasaafiri a va olumwenku, mweeyo mwina ya wanswi tuvela za onaatamu etthiipo zinuumananaaye nafusi.

1 Pheeturu 5:10

Nluku wa rehema yooshi, othuuto ookhuweliyeenini yoori mwirette phantte ya siifwa yawe ya mileele khwa Al-Masiihu Yinsa, paata ya ohoowa khwa wakathi vattitthiiru, othuuto onteela wuukaphulani, wuuhakikhini, wuukhomaazani na owinkhani nchina loolipaneya.

1 Yaahaya 1:7

Ila amana neettetta nnuuru, nkhama ye ariiye nnuuru, phi ninthokorelaavo osiilana mmote na nzeetthu, na taamu ya Mwanawe Yinsa entta oniswafi twampi zeetthu zooshi.

1 Yaahaya 1:9

ila amana nitukhuru twampi zeetthu, Nluku tu wawaamineya na wa shariya, ontta oniswaamihi twampi zeetthu na aswafi zooshi zohiiyi za shariya.

1 Yaahaya 3:3

Wakhula otule ariina nroromelo opu ajittakatthise nkhama etthiipi naye eeyiyeeyo woottakattha.