2 Akorintiyu 6:9 - Hapari Zooshapweya

⁹ nkhama oohijuwiwi, ila nijuwiwaka saaneene; nkhama niri ofwa, ila niri haayi; nkhama oovulalisiwa, ila khuhifwi;

2 Akorintiyu 6:9 Mawu Ofanana

Khaazi 17:18

Asomi akina ashikola yaari wiitthiwaaye Epikure na kiina yaari wiitthiwaaye Eshitoyiku khusala akheetisanana na Paawulu. Akina khusala alupa yoori: “Otu woothaala nkhanyo onri niini apha?” Akina khusala alupa yoori: “Talili oniwaalupa a miluku oohijuweyi,” maana Paawulu aari otafusiri hapari zooshapweya monkoni wa Yinsa na monkoni wa osisimuwa.

Khaazi 19:26

Ila mwinoona na mwinsiila khahiyo Eefezu eti paasi, ila Aaziya yooshi Paawulu otu onlaza mattakhuzi oovonyeya awaashittanaka atthu yoori awaathowelelise awoozaka yoori miluku zawaattaliwa pi makhono a enaatamu khina fwayita.

Khaazi 25:19

Olikha epo, aari onlupeza monkoni wa tiini yaya na ntthu woofwa aari wiitthiwaaye Yinsa, othuuto Paawulu aari olupaaye yoori ori haayi.

Khaazi 25:26

Khwa etthiipo, monkoni wa mwinyi otu akina hatha etthu yoomwatikhela mfwalume, tiito kintisiyeeyo vakatthi venu, haaswahaaswa vakatthi wa mfwalume Akiriipa yoori mwimuuzele kipatthevo etthu ya waatikha.

Arooma 15:19

khwa owahi wa alama na mitikiniso na khwa owahi wa Rooho ya Nluku. Etthiipo waaza Yeruzaleemu na nkerekhere mwaya mpakha Eliiriku kalaleya saaneene hapari zooshapweya za Al-Masiihu.

Arooma 8:36

Nkhama yaatikhiweezo yoori: “Mwaasa wa wuupheta weeyo, wakhula siikhu nineekesela ofwa, narettiwa nkhama pwittipwitthi enttelaaye oshijiwa.”

1 Akorintiyu 11:32

Amana, niiya woophukiwa ti Mbwana, niniiya wooshoweriwa yoori nihiiye woophukiwa vamote na olumwenku.

1 Akorintiyu 15:31

Attwiizaku, wakhula siikhu kinuumanana ofwa, epo kinlupa khwa ojikhutupula kiriina khwa mweeyo khwa Al-Masiihu Yinsa, Mbwana eetthu.

1 Akorintiyu 4:9

Maana miiyo kinoona yoori Nluku anittha fweeyo, maaswihaapa, puuro ya wiishela, nkhama atthu ohukhumweliwa ofwa. Naretteya wiiya anamooniwa a voolumwenku, waaza malayikha mpakha anaatamu.

2 Akorintiyu 11:6

Miiyo hatha nkhama keetta ohiiyi namattakhula saana; ila aki masikhini khwa ojuwa. Weekhweele, nathoonyeza epo zaya khwa mweeyo wakhula nanna ya vitthu zoorettikhana.

2 Akorintiyu 4:2

Ninkatthala vitthu zooshi za haaya enrettiwaaye sirini, khaninrumeyela ohata, wala otapanya nttakhuzi la Nluku. Olikha toowo fweeyo ninthoonyeza haakhi, nintumerelana khwa akhili za atthu ooshi enakatthi ya Nluku.

2 Akorintiyu 5:11

Nkhama etthiipo nijuwiyeezo omoova Mbwana, nineekesa owaatumerela atthu. Etile fweeyo niiyiyeeyo yathoonyezeya omaasho wa Nluku, na kinwejela theenya yoori ethoonyezeye nkatthi wa akhili zenu.