2 Akorintiyu 6:8 - Hapari Zooshapweya

⁸ khwa oshitahiwa na ohishitahiwi, otarawiwa na ottakhuliwa saana. Nilupeziwaka onamahata, khupe niri anahaakhi;

2 Akorintiyu 6:8 Mawu Ofanana

Matewuzhu 10:25

Nakhiyoni ona yoofurahi amana anfiyela mwaaliimu awe, na karumeya amana anfiyela Mbwana awe. Moone, amana mweenyewe nyuupa attukhaniwa na khutthajiwa nzina la Belezibuuli, khi ajamaaze khatepeeni!

Matewuzhu 22:16

Khuwaaruma anakhiyoni aya na atthu akina a khuntti ya Herooti khusala amuuza Yinsa yoori: “Mwaaliimu, fweeyo najuwa yoori weeyo onlupa khweele na onsomisa na khweele tarikhi ya Nluku, khunjilikha othowelelisiwa ti ntthu, wala khuniwaaphuka atthu khwa nanna ariizo.

Matewuzhu 27:63

Yo khumuuza yoori: “Mbwana, ninfikhiri yoori wakathi aariiye haayi, namattettekha otule aalupiye yoori siikhu ya ttaatthu ontta osisimuwa.

Maaruku 12:14

Wakathi afiyeevo aphale aariivo Yinsa khulupa yoori: “Mwaaliimu, ninjuwa yoori o weekhweele na khunjilikha oshawurisiwa ti ntthu. Maana khuniwaaphuka atthu khwa nanna ariizo, ila onsomisa wa waamineyavo tarikhi ya Nluku. Nkanuuze, halaali onripha lumpuru Seezari ama wala?”

Yaahaya 7:12

Vakatthi wa atthu apale waarivo waapa monkoni wa ye, akina aari olupa toono: “Mwinyi wooshapweya rooho.” Akina araka: “Wala, oniwaattettekha atthu.”

Khaazi 10:22

Yo khujipu yoori: “Fweeyo neetta orumiwa ti namalokozela wa anajanka aniitthiwaaye Koroneele. Ye ntthu wa shariya na woomoova Nluku na ntthu wooshitahiwa pi atthu ooshi a Yudeya. Nlayikha limote ttakatthiifu ti limuuziyeeyo yoori onkhuwele olawe owawe asiile mattakhuzi onlalelaaye.”

Khaazi 16:39

Khuta oteela owaavekela nswammaha, khuwaasarulamo nkalapooso mphule, khuwooza yoori aleemo nsitati mphule.

Khaazi 22:12

“Aariwo Mwinyi mmote wa ntiini aari wiitthiwaaye Ananiiya, wooshututela kano za Munsa na wooshitahiwa pi mayaahuuti.

Khaazi 24:5

Mwinyi otu, fweeyo ninimoona nkhama namakarewela antanaaye nzuuzu vakatthi wa mayaahuuti na mmuti wooshimo. Ye ti eeyiye namalokozela wa zoovonyeya za anazare.

Khaazi 28:22

Khwa attaapho naari otakha osiila khwa phantte yawo shawuri oriinaazo, maana najuwa yoori wakhula vahali enttakhuliwa vitthu zootakhala monkoni wa khuntti eti.”

Khaazi 4:21

Khuwaatuturusha theenya khuwaalikha, maana khaari woona etthu yoowaahukhumwela na atthu ooshi aari onsifu Nluku mwaasa wa minjuza epile zaarettikhaniyeeyo.

Khaazi 5:13

Khaarivo hatha mmote woohiiyi muumini aarina ominyala wa okusanyeya na yo, ila atthu akina apale ohiiyi a nkhuntti yaya aari owaalupeza mattakhuzi ooshapweya.

Khaazi 6:3

Attwiizetthu, mwiwaathawule vakatthi venu alume sapa ooshitahiwa, anaakhili, awiitaala Rooho Ttakatthiifu, yoori niwenkhe khaazi eto,

Arooma 3:8

Aphano nihilupaka yoori: “Nirette yootakhala yoori ete yooshapweya?” Akina anikilokoveza olupa etthiipo. Apo aya anlawa aphukiwe na ahukhumwiwe.

2 Akorintiyu 1:18

Wiiya Nluku ti waamineya, hapari zeetthu khwa mweeyo khahiyo “aaa” na “wala”.

2 Akorintiyu 11:21

Khwa haaya yaka, kinkhupalela yoori naari oottettheya channu khwa vitthu zaya epo! Khwa epile akinoko aya ooshi anlottelaaye khwa ojishashawula, miiyo theenya kinlottela. Nalelo kinttakhula nkhama nlolo.

2 Akorintiyu 12:16

Khwa wakhula nanna miiyo akeeyiye woolemela khwa mweeyo. Wiiya kinlavilavi, koofukani khwa olavilavi!

2 Akorintiyu 4:2

Ninkatthala vitthu zooshi za haaya enrettiwaaye sirini, khaninrumeyela ohata, wala otapanya nttakhuzi la Nluku. Olikha toowo fweeyo ninthoonyeza haakhi, nintumerelana khwa akhili za atthu ooshi enakatthi ya Nluku.

1 Atizaloonika 2:3

Maana otumerela weetthu khunlankha nkatthi wa ovonya wala kiswaswi yoohifwayi, wala otakha ottettekha;

1 Timootiyu 3:7

Apho, namalokozela wa ojama wa Nluku eeye ntthu wooshitahiwa pi atthu apale ohiiyi a ojama wa Nluku, yoori ahikwele mmiraakho za sheethwani eeya wootaraweya.

1 Timootiyu 4:10

Tiito ninjuumanisaaye na okhola khaazi mwaasa yoori nroromelo eetthu nattha wa Nluku wa ohaayi. Ye Namuusuru wa anaatamu ooshi, haaswahaaswa khwa apale animwaaminaaye.

Meepereewu 13:13

Nakataalikha, nisaruwe nimweettele ye oje wa aphale waamakiweevo, nivilelaka otarawiwa nkhama etthiipo avileliyeeyo.

1 Pheeturu 4:14

Nkhama mwintta ottukhaniwa mwaasa wa nzina la Al-Masiihu, mwa wooparikhiyiwa, maana Rooho ya ottitthima yiiyiye Rooho ya Nluku entthuluza khwa mweeyo.

3 Yaahaya 1:12

Ooshi aninlupeza mwentto wooshapweya Temeetiriyu; hatha haakhi ethiito enlawela oshaahiti khwa zwaamu yawe. Na fweeyo ninlawela oshaahiti, na weeyo onjuwa yoori oshaahiti eetthu pu weekhweele.

Othoonyeziwa 3:9

Moone etthu kinttelaaye owaarettela apale eeyiyeeyo sinakooka ya epiliisi na anjilupezaaye oyaahuuti ahiiyeeni, ila eeyiyeeyo anamahata. Miiyo kinttela owaakokhorisa nshini wa moolu enu na ajuwe yoori miiyo koophetani mweeyo.