2 Akorintiyu 6:16 - Hapari Zooshapweya

¹⁶ Okusanyeyani oriivo Nyuupa Yoosifwiwamo Nluku na sanamu? Maana fweeyo na a Nyuupa ya Nluku woohaayi. Nkhama etthiipo alupiyeezo Nluku yoori: “Kiniikhalana yo na keettette vakatthi vaya, kinttela wiiya Nluku aya na yo anttela wiiya atthu aka.”

2 Akorintiyu 6:16 Mawu Ofanana

Olaawo 20:3

Ohiiyane miluku mikina kulukhwa miiyo.

Matewuzhu 16:16

Simawu Pheeturu khujipu yoori: “Weeyo o Al-Masiihu, Mwaana wa Nluku wa ohaayi.”

Matewuzhu 6:24

“Khaavo ntthu anwahaaye owaarumeyela a Mbwana awiri, mwaasa yoori ontta omwiiphiirisa mmote, antuvelise otu nkinaaya; ama oniiya wa waamineya khwa otu mmote na ontarawu otu nkinaaya. Mweeyo khamwina ya onrumeyela Nluku na nzurukhu.

Luuka 5:36

Elottelanaka Yinsa khulupa nlikaniso mmote araka: “Khaavo anshijaaye yaapa ya kuwo pheeya yoori atthe yaapa ya kuwo yoovutta, nooretta toowo etile pheeya entta oharipweya, mwaasa wa yaapa etile ya kuwo pheeya etthiiwevo oheezani na etile yoovutta.

Yaahaya 14:23

Yinsa khujipu yoori: “Nkhama ntthu onikipheta, onshututela mattakhuzi aka na Paapa ontta ompheta. Paapa na miiyo nintta wiikhala na ye.

Yaahaya 6:56

Otule anrafunaaye mwiili aka na khunywa taamu yaka oto oniikhala khwa miiyo na miiyo khwa ye.

Arooma 8:11

Nkhama Rooho ya otule ansisimuliyeeyo Yinsa eri vamote na mweeyo, othuuto ansisimuliyeeyo Al-Masiihu nkhapuri theenya onteela osisimula mwiili enu woofwa, khwa Rooho yawe eniikhalaaye khwa mweeyo.

Arooma 8:9

Nakataalikha, mweeyo khamwishinttiweeni pi onaatamu, ila khwa Rooho, nkhama khweele rooho ya Nluku eniikhala khwa mweeyo. Na nkhama ntthu khana Rooho ya Al-Masiihu, khahi wa Al-Masiihu.

Arooma 9:26

“zinteela onrettikhana yoori puuro ethiito muuziweeyo yoori: ‘Mweeyo khahi atthu aka’, yo anteela wiitthiwa yoori ‘aana a Nluku wa ohaayi.’ ”

1 Akorintiyu 10:21

Khinretteya mweeyo onywela jiikira ya Mbwana na onywela jiikira ya majini; mwihirette phantte ya meeza a Mbwana na meeza a majini.

1 Akorintiyu 6:19

Olikha toowo, mweeyo khamwinjuwa yoori mwiili enu nyuupa ya Rooho Ttakatthiifu eniikhalaaye khwa mweeyo, mwinkhiweeyo ti Nluku? Mweeyo khahiyo a mweeyena.

Ayeefezu 2:20

Mwajekiwa va nchina la maaswihaapa na la manapiyu, na khwiiyana liwe linkhomaazaaye nyuupa, Yinsa Al-Masiihu.

Ayeefezu 2:22

Khwa ye theenya mweeyo mweeya woojekiwa yoori asala eekhalamo Nluku khwa Rooho Ttakatthiifu.

Ayeefezu 3:17

Theenya kinlompa yoori Al-Masiihu apatthe wiikhala nroho mweenu khwa amini, na yoori pheta yiiye mitathaari zenu na nchina lenu.

1 Timootiyu 3:15

ila amana kirupaza, warakha eto entta owuuza nanna yoojeettettisa vakatthi wa ojama wa Nluku. Eti yiiyiyeeyo khuntti ya Nluku khwa ohaayi, nripu na nchina lookhweele.

2 Timootiyu 1:14

Etile winkhiweeyo, othokorele khwa Rooho Ttakatthiifu eniikhalaaye khwa fweeyo.

Meepereewu 3:6

Ila Al-Masiihu tu wa waamineya nkhama mwaana monkoni wa nyuupa ya Nluku. Nyuupa ya eto ti fweeyo, amana nikholelela woolipaneyavo nroromelo na owejela khwa etile ninjikhupalanaaye.

Meepereewu 8:10

“Osiilana kinttelaaye oretta na atthu a Ezirayiilu, paata ya siikhu zaya epo pi opu,” Mbwana alupa, “Mwaakhili mwaya kinttela otthaamo kano zaka na kaatikhe nroho mwaya. Miiyo kintta wiiya Nluku aya na yo anttela wiiya atthu aka.

Tiyaaku 4:5

Ama mweeyo mwinoona yoori zawaatikhiwa zeetta oshika olupa yoori Rooho etile atthiiyeeyo mmwiili mweetthu ena wiivu nwulweene?

1 Pheeturu 2:5

mweeyo theenya mwinrumeyeliwa nkhama mawe haayi khwa ojekaniwa nyuupa ttakatthiifu, yoori mwipatthe onamalokozela wa tiini ttakatthiifu, mwinkhaka twaha ttakatthiifu yookhupaleliwa ti Nluku vakatthi wa Yinsa Al-Masiihu.

1 Yaahaya 4:12

Khaavo amooniyeeyo Nluku. Nkhama nimphetana mmote na nzeetthu, Nluku oniikhala khwa fweeyo, na toowo, opheta wawe oniiya wookhamilikha khwa fweeyo.

1 Yaahaya 4:15

Wakhula otule antukhurwaaye yoori Yinsa Mwaana wa Nluku, Nluku onlipa khwa ntthu aya oto, na oto onlipa khwa Nluku.

Othoonyeziwa 2:1

“Khwa ojama wa Nluku wa Eefezu waatikhe yoori: Apa mattakhuzi a otule ariina matthottowa sapa nkhono nlume awe aneettettaaye vakatthi wa khantteya sapa za weero.

Othoonyeziwa 21:3

Khusiila huula yookhomaala yaari olankhaaye va khukulu eraka: “Nasaapi heema ttakatthiifu ya Nluku ena anaatamu, ethiito Nluku anttelaaye wiikhalaamo na yo. Anttela wiiya atthu awe, na Nluku mweenyeweene onttela wiiya vamote na yo na onttela wiiya Nluku aya.

Othoonyeziwa 21:7

Otule anshinttaaye onteela orithi zooshi epi, na miiyo kinttela wiiya Nluku awe na ye onttela wiiya mwanaka.