2 Akorintiyu 6:10 - Hapari Zooshapweya

¹⁰ ohuzunikhisiwa, ila niri ofurahi wakhula wakathi; asikhini, ila niwaarelisaka atthu awaatta; ohiina etthu, ila zooshi nipatthaka.

2 Akorintiyu 6:10 Mawu Ofanana

Matewuzhu 5:12

Mwifurahi na mwitthape, maana tthuvo yenu pinkuuni khuluyeene, maana khwa nanna etthiipo awaalupatthiye manapiyu aviriyeeyo khapula ya mweeyo.

Matewuzhu 5:4

Ooparikhiyiwa pi apale anlilaaye, maana anteela ozurwiwa.

Luuka 6:21

Ooparikhiyiwa ti mweeyo enuukholaanini jala nasaapi, maana mwinlawa mwarupale. Ooparikhiyiwa ti mweeyo mwinlilaaye, maana mwinteela otheya.

Yaahaya 16:22

Zinrettikhana etthiipo khwa mweeyo: opu wakathi wa huzuni khwa mweeyo. Ila miiyo kinteela owoonani swaafu kiina theenya, na mwinteela ofurahi, na furaha eto khaavo anttelaaye wuulazani.

Khaazi 16:25

Osikhu layili, Paawulu na Siila eetta olompa na omwiipela maliipo asiifwa Nluku, anamafukeliwa akina eettaka owaasiila.

Khaazi 3:6

Pheeturu khulupa yoori: “Akina feeta wala weero, ila kiniwinkha ethiiti kiriina. Khwa nzina la Yinsa Al-Masiihu wa Nazareeti, lankha weettette!”

Khaazi 5:41

Maaswihaapa khusaruwamo nnyuupa khuulu ya Mashawuriiya ari ofurahi mwaasa wa Nluku owoona wiiyana owahi ohoowa wa opattisisiwa haaya mwaasa wa nzina la Yinsa.

Arooma 11:12

Ila, nkhama ovonya waya onthoonyeza maali khwa olumwenku, na otteettheya waya maali khwa amalapo, khitepeeni othoonyeza waatta amana aretta zoolikana!

Arooma 12:15

Mwifurahi na apale anfurahaaye; mwilile na apale anlilaaye.

Arooma 15:13

Nluku wa nroromelo ti aweetaaze furaha yooshi na heeri, mwaasa wa omwaamini ye, yoori nroromelo enu weekezeleye khwa owahi wa Rooho Ttakatthiifu.

Arooma 8:32

Othuuto ahimwiinaneleeni Mwanawe, anvahiyeeyo khwa fooshi fweeyo, khi enttela orettikhana toovi ohininkhi vamote naye vitthu zooshi?

Arooma 9:2

kinaaye huzuni khuluyeene na othunku woohiishi nroho mwaka,

1 Akorintiyu 1:5

Maana khwa etthiipo mweeyo mwareelisiwa khwa zooshi, eto tiiti, khwa nttakhuzi looshi na khwa ojuwa wooshi.

2 Akorintiyu 2:4

Maana miiyo kawaatikhelani na tafwawuthi khuluyeene na huzuni nroho mwaka na mishozi zawaatta, khahiyo ya wuuhuzunikhisani, ila yoori mwijuwe nanna yiiyiyeezo khuluyeene pheta yaka khwa mweeyo.

2 Akorintiyu 4:15

Maana zooshi epo piza yoori mweeyo mwiiye saana, yoori rehema yenkeziweeyo khwa atthu awaatta, yiitaale khaazi ya rehema khwa siifwa ya Nluku.

2 Akorintiyu 4:7

Ila ninaaye njuju nttho khwa yoopo ya mattophe, yoori nithoonyeze owahi opu nwulweene woolankha khwa Nluku, khahiyo khwa fweeyo.

2 Akorintiyu 8:9

Maana mweeyo mwinjuwa rehema ya Mbwana eetthu Yinsa Al-Masiihu, ari thaajiri, ila khujiretta wiiya masikhini mwaasa wa pheta yenu, yoori vakatthi wa osikhini aya, mweeyo mwiretteye wiiya mathaajiri.

Ayeefezu 3:16

Yoori khwa maali za siifwa, awinkheni wiiya ookhomaaziwa nkatthi wa nroho mweenu na owahi wa kuvu wa Rooho Ttakatthiifu.

Ayeefezu 3:8

Keeyaru pure woopushuwa vakatthi wa attakatthiifu ooshi, Nluku akinkha rehema eti ya owaatafusirela amalapo hapari zooshapweya za maali zoohaalakeyi ziriyeeyo wa Al-Masiihu,

Afiliipu 2:17

Khwa zooshi, hatha nkhama keetta oshuluulisiwa nkhama zaakha yoonywiwa monkoni wa twaha ya amini yenu mwinimwinkhaaye Nluku, kiwoofurahi na kintthapa na mooshi mweeyo.

Afiliipu 4:4

Mwinfurahele Mbwana wakhula wakathi; kinrutela opheya kilupaka yoori: Mwinfurahele!

Akoloosu 1:24

Aphano kinfurahi khwa ohoowa waka khwa mweeyo, na kinlikanisela mmwiili mwaka etile ensalaaye khwa ohoowa wa Al-Masiihu, zwaamu ya mwiili awe, wiiyiyeeyo ojama wa Nluku.

Akoloosu 3:16

Hapari za Al-Masiihu ziikhale saaneene nroho mweenu, mwisomisane na mwilakane mmote na nzeenu na akhili zooshi mwiipaka zaapuura, kaswiita na maliipo a siifwa na onshukhurwela Nluku nroho mweenu.

1 Atizaloonika 1:6

Weekhweele mweeyo mwaretteya wiiya atthu mwinneezelaaye fweeyo na khwa Mbwana, maana, mwahoowaru pure, mwapwekherela nttakhuzi na furaha entaaye khwa Rooho Ttakatthiifu.

1 Atizaloonika 5:16

Wakhula wakathi mwifurahi.

1 Timootiyu 4:8

Okhomaaza makhonkolo fwayita yaya vattitthiiru, ila emaani ti eriina fwayita khwa zooshi, maana entana nroromelo woohaayi otthuupu na Ahera.

1 Timootiyu 6:18

Owaahirimize oretta saana na eeye mathaajiri a khaazi zooshapweya, awiiyana rooho yooleva na wiiya atthu anwahaaye omeela epile aniiyanaazo.

Meepereewu 10:34

Mweeyo mwahoowa vamote na apale aari nkalapooso na khukhupalela onyakanyiwa vitthu zenu, mwaari ovilela na furaha khuluyeene, maana mwaajuwiye yoori mwinteela opattha maali zooziti epile na zoohiishi.

Tiyaaku 2:5

Mwisiile, attwiizaku aphetani aka, Nluku awaathawula apale eeyiye asikhini yoori eeye mathaajiri nkatthi wa amini na weetta muufwalume awaahitiyeeyo apale animphetaaye.

1 Pheeturu 4:13

Ila mwifurahi mwaasa wa oretta phantte ya ohoowa wa Al-Masiihu, yoori amana ottitthima wawe othoonyeziwa, mweeyo mwitthape khwa furaha khuluyeene.

Othoonyeziwa 2:9

Kinjuwa tafwawuthi zaya na osikhini aya, ila mweeyo mwaamathaajiri! Kinjuwa okufuru wa apale anjiitthaaye yoori mayaahuuti ila ahiiyeeni, yo sinakooka ya Epiliisi.

Othoonyeziwa 21:7

Otule anshinttaaye onteela orithi zooshi epi, na miiyo kinttela wiiya Nluku awe na ye onttela wiiya mwanaka.