2 Akorintiyu 6:1 - Hapari Zooshapweya

¹ Nkhama ashirikha a Nluku nkatthi wa khaazi, ninuutumerelani yoori mwihipwekhere rehema ya Nluku mahaleene.

2 Akorintiyu 6:1 Mawu Ofanana

Matewuzhu 23:37

“Yeruzaleemu, Yeruzaleemu, weeyo oniwoola manapiyu na owaavonya apale aperekhiweeyo! Swaafu kavi miiyo kitakhaka owaakusanya aanaawo nkhama mwanakhu aniwaakusanyaazo aanaawe mmapaphelo mwawe, ila weeyo khuhitakhi.

Khaazi 11:23

Noofiya khoona rehema ya Nluku, khwiiya woofurahi na khuwaalipisela yoori eeye ookhomaala mmakhono wa Mbwana na rooho yaya yooshi.

Khaazi 14:3

Mwaasa wa ethiito Paawulu na Baranabe eeshiye siikhu zawaatta ari Ekooniyu ottuukhule, attakhulaka monkoni wa Mbwana woohiina hatha hoofu. Mbwana aari olipisela nttakhuzi la rehema arettaka alama na minjuza khwa khaazi etile aari okholaaye yo.

Arooma 12:1

Nakataalikha, attwiizaku, kinuuvekelani khwa tthakaraka ya Nluku yoori mwinkhe mwiili enu nkhama twaha haayi, ttakatthiifu na yontuvela Nluku; eto ti aputu yenu mweeyo yoolikana.

1 Akorintiyu 3:9

Maana fweeyo na ashirikha a khaazi khwa onrumeyela Nluku, mweeyo mwa mashapa awe na mwa nyuupa yawe.

2 Akorintiyu 10:1

Miiyo Paawulu, khwa wiitthaala na okemaani wa Al-Masiihu, kinuuhirimizani mweeyo. Miiyo kiniiya “woojipushuwisa” amana kiiya wuuso khwa wuuso na mweeyo, ila kiniiya njawuri amana kiiya peetiwene!

Akaalata 2:21

Akinfuja rehema ya Nluku; maana nkhama shariya enta khwa kano, ofwa wa Al-Masiihu khuna fwayita!

Akaalata 3:4

Ohoowa opule mwihoowiyeeyo khwa vitthu zawaatta pi wa mahala? Wala khinretteya!

1 Atizaloonika 3:5

Mwaasa wa ethiito, khuhivileli theenya, khunruma Timootiyu yoori alawe ajuwe monkoni wa amini mwiriinaaye. Maana miiyo kaari woova yoori namazayini ahuuzayinini, mpakha khaazi yeetthu yooshi eretteya ohiina fwayita.

Tiitu 2:11

Maana rehema ya Nluku yajithoonyeza wuusuru khwa anaatamu ooshi.

Meepereewu 12:15

Mwiiyane phoole yoori ahiiyevo hatha mmote wa mweeyo anttelaaye ojilazamo nrehema ya Nluku, wala ahiiyevo anjirettaaye wiiya nkhama ntathaari woowaawa onttelaaye woottha owantipuni, na owaakwakhulisa atthu awaatta.

Meepereewu 12:25

Phoole mwihikatthale onsiileza otule anttakhulaaye. Maana nkhama khavukheeni apale akatthaliyeeyo onsiila otule aari owoozaaye vathi apha, khanitepeeni fweeyo amana nimwanswi otule aninhirimizaaye wa pinkuuni.

Meepereewu 4:1

Nakataalikha, ahiti ya ofiya puuro ya ovumula ya Nluku nalikheliwa. Ahiiyevo mmote wa mweeyo anuupuwelaaye yoori avonya.

1 Pheeturu 4:10

Mwirumeyelane mmote na nzeenu, wakhula ntthu khwa tthuvo enkhiweeyo, mwirumeyelaka wa wawamineyavo rehema ya Nluku etile mwipwekheriyeeyo khwa nanna nannazene.