2 Akorintiyu 5:9 - Hapari Zooshapweya

⁹ Tiito, ninaaye niiya ya otakha ontuvelisa, hatha nkhama na mwiili opu, hatha nkhama neetta olikha.

2 Akorintiyu 5:9 Mawu Ofanana

Mwanzo 4:7

Amana weeyo oretta saana, khunkhupaleliwa? Ila amana weeyo ohiretti saana, ojuwe yoori twampi eri vanlako, entta wuuwejela yoori ewiirukhele yuushintte. Weeyo enuuhithajiya oshintta twampi yaya eto.”

Yaahaya 6:27

Mwihikhole khaazi khwa etthu yoojiwa enharipweyaaye, ila khwa etthu yoojiwa eninkhaaye ohaayi wa mileele, ethiito Mwaana wa Pinaatamu aniwinkhaanini. Maana, Nluku Paapa, anttheliyeeyo alama yawe ya onhakikhi.”

Khaazi 10:35

khwa wakhula khapila ye oniwaakhupalela atthu apale animoovaaye na anrettaaye epile ziiyiyeeyo za shariya.

Arooma 14:18

Otule aninrumeyelaaye etthiipo Al-Masiihu, Nluku ti wontuvela na oniiya woohakikhiwa pi anaatamu.

Arooma 14:8

Nkhama niri haayi, niri haayi khwa Mbwana, nkhama nanfwa, nanfwa khwa Mbwana. Etthiipo, hatha nkhama neetta ofwa, na atthu a Mbwana.

Arooma 15:20

Wakhula siikhu karetta thenke ya otafusiri hapari zooshapweya ohali Al-Masiihu ahaari ojuwiwaawo, yoori kihikhomaaze vatulu wa nchina la akinoko.

1 Akorintiyu 15:58

Nakataalikha, attwiizaku aphetani aka, mwiiye wookhomaala, ehiiyevo hatha etthu enttelaaye wuusakhinyani. Mwiiye woojilipisana mileele khaazi ya Mbwana, maana mweeyo mwinjuwa yoori, khwa Mbwana, khaazi yenu khinteela wiiya ya mahala.

2 Akorintiyu 5:6

Nakataalikha, ninaaye nroromelo mileele na ninjuwa yoori, nalelo amana niiya khwa mwiili, niniiya peetiwene na Mbwana.

2 Akorintiyu 5:8

Maana ninaaye nroromelo na ninhithari olikha wiikhala khwa mwiili opu khulawa khwiikhala khwa Mbwana.

Ayeefezu 1:6

Khwa siifwa ya nuuru ya rehema yawe etile aninkhiyeeyo mahala khwa Mphetani awe.

Akoloosu 1:10

Na etthiipo, mwiwahi wiikhala nanna ensuhaaye khwa Mbwana na mwirettaka etile enintuvelaaye, mwiimaka mishumo zooshi zooshapweya na mwiwulaka khwa ojuwa wa Nluku.

Akoloosu 1:29

Tiito miiyo kinjilipisa, kuumanaka khwa kuvu zawe, enkholaaye khaazi woowahivo khwa miiyo.

1 Atizaloonika 4:1

Wiishela waya attwiizetthu, noonozelani nanna ya wiikhala khwa ontuvelisa Nluku, na wekhweele, mweeyo mwineettetta etthiipo. Nasaapi ninuuvekelani na ninuutumerelani mweeyo khwa Mbwana Yinsa yoori mwiwulele etthiipo theenya wakhula swaafu.

1 Atizaloonika 4:11

Mwijilipise yoori mwiiyane ohaayi wawiitthaala, mwiinanele zanshara zenu na mwikhole khaazi na makhono enu, nkhama etthiipo fweeyo nuunozeliyeenini,

1 Timootiyu 4:10

Tiito ninjuumanisaaye na okhola khaazi mwaasa yoori nroromelo eetthu nattha wa Nluku wa ohaayi. Ye Namuusuru wa anaatamu ooshi, haaswahaaswa khwa apale animwaaminaaye.

Meepereewu 12:28

Nakataalikha, zaama nimpwekheraaye ofwalume woohisakinyeyi, nina ya wiiya ooshukhuru na etthiipo nimwaaputu Nluku, khwa shitaha na woova wa ottakatthifu,

Meepereewu 4:11

Nakataalikha, nijilipise nifiye muuvumula wa Nluku yoori ahiiyevo ntthu mmote anttelaaye okwa alottelaka nthoonyezo wookhijili.

2 Pheeturu 3:14

Khwa ethiito, aphetani aka, mwiwejaka vitthu zaya epo, mwijilipise yoori Nluku oosikaneni mwihina nlepa, mwihina twampi na mwirina heeri.