2 Akorintiyu 5:21 - Hapari Zooshapweya

²¹ Otule ahina twampi ajiretta onatwampi mwaasa wa fweeyo, yoori khwa ye niretteye wiiya shariya ya Nluku.

2 Akorintiyu 5:21 Mawu Ofanana

Luuka 1:35

Nlayikha khujipu liraka: “Rooho Ttakatthiifu entta owiishukhela, owahi wa Nwulu wa Pinkuuni onttela wuufinikha na yiivuuli yawe. Tiito mwaana onttelaaye ompattha, onteela wiitthiwa Ttakatthiifu, Mwaana wa Nluku.

Khaazi 3:14

Mweeyo mwankatthaliye Nttakatthifu, Nashariya, khuveka yoori afukuliwe namahusuti.

Arooma 1:17

Maana khwa hapari zooshapweya ti enjithoonyezaaye shariya ya Nluku khwa amini, nkhama yaatikhiweezo yoori: “Nashariya oniikhala khwa amini.”

Arooma 4:25

Ye enkheleliwa ofwela twampi zeetthu na khusisimuwa yoori anihakikhi.

Arooma 5:19

Nkhama etthiipo, khwa okhijili wa ntthu mmote paasi atthu awaatta khuretteya wiiya anatwampi, na khwa etthiipo theenya, mwaasa wa oshututi wa ntthu mmote paasi, atthu awaatta aretteye wiiya anashariya.

1 Akorintiyu 1:30

Tiito, khwa yaazo yawe mweeyo mwiiyiyeeyo khwa Yinsa Al-Masiihu, othuuto ajirettiye wiiya akhili ya Nluku khwa fweeyo, eeyiye shariya, ottakatthifu na nusura,

2 Akorintiyu 5:17

Nakataalikha, amana ntthu eeya khwa Al-Masiihu, oniiya ntthu mpheya. Vitthu epile zaraku zavira; zooshi zaretteya opheeya!

Akaalata 3:13

Yaatikhiwa yoori: “Woolanikha ti otule wooshi athomeyiweeyo vansalapa.” Tiito Al-Masiihu khujiretta wiiya namalaanikha khwa zwaamu yeetthu fweeyo, na arettiyeevo toowo Ye anilaza nkatthi wa laana za kano.

Ayeefezu 5:2

na mwiikhale khwa pheta nkhama etthiipo Al-Masiihu aniphetiyeezo na khuleva ohaayi awe mwaasa wa fweeyo, khujiretta wiiya zaakha na twaha ya arufu ya ontuvela Nluku.

Afiliipu 3:9

na kisikananiwe ye. Woohiiyi shariya yaka enlankhaaye nkano, ila entaaye nkatthi wa amini khwa Al-Masiihu, shariya enlankhaaye wa Nluku nkatthi wa amini.

Meepereewu 4:15

Tiito khanina haakhimu nwulu wa tiini ahinwahaaye omweeleya otteettheya weetthu, ila apho ninaaye haakhimu nwulu wa tiini wa wiiya nkhama fweeyo, azayiniweeyo nanna zene nkhama fweeyo, ila ye khakoseeni.

Meepereewu 7:26

Nanna ya haakhimu nwulu wa tiini naari onhithajiyaaye oniiya nkhama toono: nttakatthifu, woohiina paathuli, watwahara, woophakuwana na anatwampi, woottitthimisiwa zayita pinku.

1 Pheeturu 3:18

Maana Al-Masiihu ahoowa swaafu moote mwaasa wa twampi zenu, nashariya khwa apale oohiina shariya, yoori oofiyiseni wa Nluku. Khuuliiwa mwiili awe, ila khwiiya haayi khwa Rooho.

1 Yaahaya 3:5

Na mweeyo mwinjuwacha yoori Yinsa aateeliye opakusa twampi zeetthu, na khwa ye khiniiyavo twampi.