2 Akorintiyu 5:18 - Hapari Zooshapweya

¹⁸ Zooshi epo zinlankha wa Nluku, anisilanisiyeeyo mweenyeweene khwa Al-Masiihu, na aninkha khaazi ya osiilanisa,

2 Akorintiyu 5:18 Mawu Ofanana

Luuka 10:5

“Wakhula nyuupa mwinfiyaaye, mwilupe khapula yoori: ‘Heeri yiiye vamote na mweeyo vaje apha.’

Luuka 24:47

na khwa nzina lawe onlawa walaleyiwe othupwiya yoori ziswaamihiwe twampi, waaza Yeruzaleemu mpakha khapila zooshi za va olumwenku.

Yaahaya 3:16

“Khwa nanna etthiipo Nluku apheta olumwenku afiyelela onleva Mwanawe mmote paasi, yoori wakhula otule aninkhupalaaye ahipwetheye ila eeyane ohaayi wa mileele.

Yaahaya 3:27

Yaahaya khujipu yoori: “Khina ampwekheraaye etthu aheetteeni winkhiwa pinkuuni.

Khaazi 10:36

Mweeyo mwinjuwa nttakhuzi Nluku aaperekhiyeeyo vakatthi wa atthu a Ezirayiilu, alaleyaka monkoni wa hapari zooshapweya za heeri khwa Yinsa Al-Masiihu, Mbwana wa atthu ooshi.

Arooma 11:36

Maana zooshi zata khwa ye, na zooshi zeeyavo khwa ye, na pi zawe. Attitthimisiwe ye khwa mileele! Amiina.

Arooma 5:1

Aphano nihakikhiweevo ti Nluku khwa amini, ninaaye heeri na Nluku khwa Mbwana eetthu Yinsa Al-Masiihu.

1 Akorintiyu 1:30

Tiito, khwa yaazo yawe mweeyo mwiiyiyeeyo khwa Yinsa Al-Masiihu, othuuto ajirettiye wiiya akhili ya Nluku khwa fweeyo, eeyiye shariya, ottakatthifu na nusura,

1 Akorintiyu 11:12

Nakataalikha, nkhama etthiipo muukha apuwiyeeyo khwa nlume na nlume avokoliwa ti muukha. Ila zooshi zinlankha wa Nluku.

1 Akorintiyu 12:6

Ewaapho nanna ya ofwarikhana khwa okhola khaazi, ila Nluku mmote othuuto ti anrettaaye zooshi khwa atthu ooshi.

1 Akorintiyu 3:5

Amajaali, Paawulu paani? Wala Apoolu paani? Yo akarumeya vakatthi wa atthaapo mweeyo mwifiyeleliyeeyo okhupali, khwa khaazi etile Nluku amwinkhiyeeyo wakhula mmote.

1 Akorintiyu 8:6

ila khwa fweeyo, Nluku ori mmote paasi, Paapa, otule ompiyeeyo vitthu zooshi na fweeyo niwaapho khwa ye; na Mbwana mmote Yinsa Al-Masiihu paasi, othuuto vitthu zooshi zumpiweeyo khwa ye, khwa othuuto fweeyo neeyavo.

Akoloosu 1:22

Ila aphano Nluku ajisiilanisana vitthu zooshi, khwa ofwa wa Mwanawe, yoori mwajithoonyeze omaasho wawe mwiri attakatthiifu oohiina hatha paathuli na ootaphuliwa khwa wakhula nanna ya olokoveziwa.

Meepereewu 2:17

Khwa etthiipo yaari ohithajiya ye wiiya woolattanana attwiize khwa zooshi, yoori eeye haakhimu nwulu wa tiini wa tthakaraka na wa waamineya khwa khaazi ya Nluku, yoori aswamiheliwe twampi za atthu.

Tiyaaku 1:17

Vitthu zooshi zooshwapweya na tthuvo khaamili zooshi zinlankha pinkuuni, mmakhono wa Paapa wa nuuru, ahinzukuluwaaye nkhama mwiivuuli onzukuluwaazo.

1 Yaahaya 2:2

Ye swamiima wa twampi zeetthu, khahiyo zeetthu paasi, ila theenya khwa twampi za olumwenku wooshi.

1 Yaahaya 4:10

Pheta ya eto tiiti: khahiyo fweeyo nimphetiyeeyo Nluku, ila ye ti aniphetiyeeyo na khumperekha Mwanawe yoori mwaasa wa ye nipatthe swamiima ya twampi zeetthu.