2 Akorintiyu 4:7 - Hapari Zooshapweya

⁷ Ila ninaaye njuju nttho khwa yoopo ya mattophe, yoori nithoonyeze owahi opu nwulweene woolankha khwa Nluku, khahiyo khwa fweeyo.

2 Akorintiyu 4:7 Mawu Ofanana

Matewuzhu 13:44

“Ofwalume wa pinkuuni ori nkhama njuju loovithiwa mmashapa. Ntthu mmote, khulawa khusikana, na ye khuvitha opheya. Mwaasa woofurahi khulawa khuuzanyisa vitthu zawe zooshi aarinaazo khuuzanya nshapa ntthile.

Matewuzhu 13:52

Ye khuwooza yoori: “Tiito wakhula namanozela a kano anozeliweeyo monkoni wa ofwalume wa pinkuuni onlattanana mweenyewe nyuupa anlazaavo va njuju vawe vitthu pheeya na vitthu zaraku.”

Yaahaya 16:33

“Miiyo kawuuzani vitthu epi yoori mwiiyane heeri khwa miiyo. Voolumwenku apha mwinteela wiiyana tafwawuthi; ila mwivilele! Miiyo kashintta olumwenku.”

1 Akorintiyu 1:28

Ye athawula etile va olumwenku yoohiina maana, yootarawiwa na yohiiyi etthu, yoori evukule etile yiiyiyeeyo etthu,

2 Akorintiyu 10:10

Maana atthu akina anlupa yoori: “Warakha zawe pi za okhomaala na olipa, ila mweenyewe ti woopepheya, na mattakhuzi awe pi ootaraweya.”

2 Akorintiyu 13:4

Maana wekhweele, aakhomeliwe khwa otteettheya, ila ori haayi khwa owahi wa Nluku. Khwa nanna etthiipo, na woottettheya khwa ye, ila khwa owahi wa Nluku ninteela wiikhalana ye yoori nuurumeyeleni mweeyo.

2 Akorintiyu 4:1

Nakataalikha, nihitteettheye maana ninaaye khaazi eti ninkhiweeyo khwa tthakaraka.

2 Akorintiyu 5:1

Ninjuwa yoori amana epwechiwa heema yeetthu eti niniikhalaamo, wiiyiye mwiili eetthu wa vathi apha, Nluku onninkha nyuupa ya wiikhalamo pinkuuni. Nyuupa yoohijekiwi pi makhono eenaatamu, Nluku ti ajekiyeeyo, na ti ya mileele.

2 Akorintiyu 6:10

ohuzunikhisiwa, ila niri ofurahi wakhula wakathi; asikhini, ila niwaarelisaka atthu awaatta; ohiina etthu, ila zooshi nipatthaka.

Ayeefezu 2:5

khuninkha ohaayi khwa Al-Masiihu, niri woofwa mwaasa wa koosa zeetthu. Khwa rehema ya Nluku moosurukha vamote na Al-Masiihu.

Ayeefezu 3:8

Keeyaru pure woopushuwa vakatthi wa attakatthiifu ooshi, Nluku akinkha rehema eti ya owaatafusirela amalapo hapari zooshapweya za maali zoohaalakeyi ziriyeeyo wa Al-Masiihu,

Akoloosu 1:27

Shawuri ya Nluku ti yoori amalapo ajuwe maali ya siifwa ya siiri eto, eeyiyeeyo Al-Masiihu khwa mweeyo, nroromelo wa siifwa.

Akoloosu 2:12

Epo zarettikhana paata ya mweeyo ozikhaniwa Al-Masiihu khwa njampo la woosa, na mwasisimuliwa na ye khwa amini ya owahi wa Nluku opule onsisimuliyeeyo muufwa.

Akoloosu 2:3

Majuju ooshi, a akhili na a ojuwa avitheya khwa ye.

1 Atizaloonika 1:5

maana hapari zooshapweya zeetthu khazuufiyeleenini khwa mattakhuzi paasi, ila theenya khwa owahi wa Rooho Ttakatthiifu, na hakiikha yookhomaala. Mweeyo mwinjuwa nanna nijettettisiyeezo vakatthi venu, khwa zwaamu yenu.

1 Atizaloonika 4:4

Wakhula ntthu ajuwe weettettisa saana mwiili awe, khwa nanna woottakatthifuvo na wahishimavo.

2 Timootiyu 2:20

Nyuupa khuluyeene eniiyamo zoopo, ila khahiyo paasi za weero na feeta, ila theenya za thaapwa na za mattophe; kiina za shitaha kiina zohiiyi za shitaha.