2 Akorintiyu 4:2 - Hapari Zooshapweya

² Ninkatthala vitthu zooshi za haaya enrettiwaaye sirini, khaninrumeyela ohata, wala otapanya nttakhuzi la Nluku. Olikha toowo fweeyo ninthoonyeza haakhi, nintumerelana khwa akhili za atthu ooshi enakatthi ya Nluku.

2 Akorintiyu 4:2 Mawu Ofanana

Arooma 1:16

Khinkipatthisa haaya olaleya hapari zooshapweya, maana owahi wa Nluku oniwoosurwaaye ooshi apale ankhupalaaye, amwanzo mayaahuuti mpakha amalapo.

Arooma 6:21

Mishumo ni muuruliyeeyo khwa vitthu zaya epo mweeyo enuupatthisaanini haaya? Mwiisho aya ofwa.

1 Akorintiyu 4:5

Nakataalikha, mwihiphuke hatha etthu ohinafiye wakathi khwaamili; mwiwejele mpakha Mbwana ate. Ye onsarulela nnuuru epile zoovithiwa n'yiiza na onthoonyeza shawuri za nroho. Wakathi opo, wakhula ntthu onlawa apwekherele okhupaliwa wawe wa Nluku.

2 Akorintiyu 1:12

Opo ojishashawula weetthu: akhili zeetthu enlaza oshaahiti yoori khanilokoziweeni ti olumwenku, ila osiilana weetthu na mweeyo khwa ottakatthifu na ookhweele onlankhaaye wa Nluku, woohiiyi khwa ojuwa wa enaatamu, ila khwa rehema ya Nluku.

2 Akorintiyu 11:3

Etthu kinweraweraaye, na kinoovaaye ti yoori nkhama etthiipo nyookha na olavilavi aya yanttettekhiyeeyo Haawa, akhili zenu mweeyo wiiya zootapanyiwa khulikha ookhweele na aputu swaafi ya Al-Masiihu.

2 Akorintiyu 11:6

Miiyo hatha nkhama keetta ohiiyi namattakhula saana; ila aki masikhini khwa ojuwa. Weekhweele, nathoonyeza epo zaya khwa mweeyo wakhula nanna ya vitthu zoorettikhana.

2 Akorintiyu 2:17

Maana fweeyo khaniri nkhama atthu awaatta anlaleyaaye nttakhuzi la Nluku nkhama zanshara. Ila Nluku ti anirumiyeeyo, tiito ninlaleyaaye hapari zawe na khweele enakatthi yawe, nkhama akarumeya a Al-Masiihu.

2 Akorintiyu 5:11

Nkhama etthiipo nijuwiyeezo omoova Mbwana, nineekesa owaatumerela atthu. Etile fweeyo niiyiyeeyo yathoonyezeya omaasho wa Nluku, na kinwejela theenya yoori ethoonyezeye nkatthi wa akhili zenu.

2 Akorintiyu 6:8

khwa oshitahiwa na ohishitahiwi, otarawiwa na ottakhuliwa saana. Nilupeziwaka onamahata, khupe niri anahaakhi;

2 Akorintiyu 7:14

Miiyo kaamuuziye Tiitu yoori kaari woojishashawula mwaasa wa mweeyo, na khamwaakipatthisiye haaya. Khwa nanna etthiipo zeeyiyeezo haakhi zooshi epile niwuuziyenini, ojishashawula niriina na mweeyo khwa Tiitu wajithoonyeza wiiya etthu ya khweele.

Ayeefezu 4:14

Aphano nihiiye theenya nkhama asimaana oothuuliwa ti mawipi, wala weeseleliwa okhuno na okhule ti pheevo ya wakhula mwentto, ohata na olavilavi wa atthu oovonyisana.

Ayeefezu 5:12

Maana vitthu anrettaazo amana eetthaala, hatha empatthisa haaya olupa.