2 Akorintiyu 4:10 - Hapari Zooshapweya

¹⁰ Wakhula swaafu va mwiili nintana ofwa wa Yinsa, yoori theenya ohaayi wa Yinsa othoonyezeye va mwiili veetthu.

2 Akorintiyu 4:10 Mawu Ofanana

Yaahaya 14:19

Khwa wakathi vattitthiiru atthu a voolumwenku khanteela okoona theenya, ila mweeyo mwinlawa mwakoone. Mwaasa wa miiyo wiiya haayi, na mweeyo mwinlawa mweeyane ohaayi.

Arooma 6:5

Nkhama nanna ethiito nikusanyeyaniyeeyo ye khwa ojilattisana ofwa wawe, na theenya ninteela wiiya oolattanana ye, osisimuwa wawe.

Arooma 6:8

Nkhama nafwa na Al-Masiihu, ninkhupalela yoori theenya ninteela wiiya haayi vamote na ye.

Arooma 8:36

Nkhama yaatikhiweezo yoori: “Mwaasa wa wuupheta weeyo, wakhula siikhu nineekesela ofwa, narettiwa nkhama pwittipwitthi enttelaaye oshijiwa.”

2 Akorintiyu 1:5

Maana, nkhama etthiipo ninrettaaye phantte ya ohoowa wa Al-Masiihu, theenya ozurwiwa weetthu onta khwa vakatthi wa Al-Masiihu.

2 Akorintiyu 1:9

Weekhweele, fweeyo naari ojoona nkhama nitthomeliweeyo ofwa, ila epo zaarettikhaniye yoori eninozele ohijiroromeli nennyewe, ila Nluku otule aniwaasisimulaaye ananfwa.

2 Akorintiyu 13:4

Maana wekhweele, aakhomeliwe khwa otteettheya, ila ori haayi khwa owahi wa Nluku. Khwa nanna etthiipo, na woottettheya khwa ye, ila khwa owahi wa Nluku ninteela wiikhalana ye yoori nuurumeyeleni mweeyo.

2 Akorintiyu 4:11

Khwa etthiipo fweeyo niriiye haayi, wakhula wakathi nineekesela ofwa mwaasa wa Yinsa, yoori ohaayi awe othoonyezeye khwa mwiili etthu onfwaaye.

Akaalata 6:17

Woohiivo etthu kiina, ahiiyevo antakhaaye okiwuti, maana kintana mmwiili mwaka alama za Yinsa.

Akoloosu 1:24

Aphano kinfurahi khwa ohoowa waka khwa mweeyo, na kinlikanisela mmwiili mwaka etile ensalaaye khwa ohoowa wa Al-Masiihu, zwaamu ya mwiili awe, wiiyiyeeyo ojama wa Nluku.

2 Timootiyu 2:11

Nttakhuzi ntthi linsuhi waaminiwa: Nkhama nafwa khwa ye, ninteela wiiyana ohaayi khwa ye;

1 Pheeturu 4:13

Ila mwifurahi mwaasa wa oretta phantte ya ohoowa wa Al-Masiihu, yoori amana ottitthima wawe othoonyeziwa, mweeyo mwitthape khwa furaha khuluyeene.

1 Pheeturu 4:14

Nkhama mwintta ottukhaniwa mwaasa wa nzina la Al-Masiihu, mwa wooparikhiyiwa, maana Rooho ya ottitthima yiiyiye Rooho ya Nluku entthuluza khwa mweeyo.

Othoonyeziwa 1:17

Wakathi kimooniyeevo, keetta okwela nshini wa moolu awe nkhama ntthu woofwa. Aphano ye khukittheela nkhono nlume awe na khulupa yoori: “Ohoove. Miiyo ki wa Waaza na wa Wiishela.