2 Akorintiyu 3:5 - Hapari Zooshapweya

⁵ Khahiyo yoori neetta wiiyana makhaamu a wuupuwela etthu nkhama yeetthu nennyewe, ila makhaamu eetthu anlankha wa Nluku.

2 Akorintiyu 3:5 Mawu Ofanana

Mwanzo 41:16

Ye khunjipu Firawuuna araka: “Miiyo akina owahi, ila Nluku onwahi wuutaphulelani wooshapweyavo.”

Luuka 21:15

Maana miiyo kinlawa kawinkheni mattakhuzi na akhili khwa nanna ya owaajipu maatuwi enu, ahinttelaaye owahi ozukulisa wala okheeti.

Luuka 24:49

Miiyo kinlawa kooperekhezeni etile Paapa ahitiyeeyo. Ila mweeye Yeruzaleemu ottuukho mpakha mwiitaazaniwe owahi wa pinkuuni.”

Yaahaya 15:5

“Miiyo ki nrayi, mweeyo mwa virapi. Otule anjilipisanaaye miiyo, na miiyo khwa ye, oto aya oniima mishumo zawaatta; maana mweeyo woohiiyani miiyo, khina etthu mwinwahaaye oretta.

Arooma 15:18

Akinjilokozelisa ottakhula etthu woohiiyi etile Al-Masiihu arettiyeeyo khwa miiyo khwa nttakhuzi na vitthu zawooneya yoori kiwaathuule amalapo onshututela Nluku,

1 Akorintiyu 15:10

Ila khwa rehema ya Nluku, karetteya nanna eti kiriizo, na rehema yawe khwa miiyo khahiyo etthu yoohiina fwayita; khapulathi, kakhola khaazi channu zayita yo ooshi; khwa zooshi, khahiyo miiyo, ila rehema ya Nluku khwa miiyo.

1 Akorintiyu 3:10

Khwa khiima ya rehema ya Nluku kinkhiweeyo, miiyo nkhama namajeka nwulu wa akhili kakheya nchina, akina antta ojeka. Ila wakhula mmote ona ya woona saana khwa nanna anjekaazo.

1 Akorintiyu 3:6

Miiyo keetta ozala, Apoolu khukhuwari, ila Nluku ti anwulisaaye.

2 Akorintiyu 12:9

Ila ye khukuuza yoori: “Rehema yaka entosheleza khwa weeyo, maana owahi waka onkamilikha muutteettheya.” Nakataalikha, miiyo kinjishashawula saaneene wa wafurahavo khwa otteettheya waka, yoori owahi wa Al-Masiihu ovumule khwa miiyo.

2 Akorintiyu 2:16

Khwa apale oopwetheya arufu ya ofwa; ila khwa apale awuusurukha, arufu yooshapweya eninkhaaye ohaayi. Aphano paani anwahaaye okhola khaazi nkhama eto?

2 Akorintiyu 4:7

Ila ninaaye njuju nttho khwa yoopo ya mattophe, yoori nithoonyeze owahi opu nwulweene woolankha khwa Nluku, khahiyo khwa fweeyo.

Afiliipu 2:13

Maana Nluku ti ankholaaye khaazi nkatthi mweenu yoori mwishututele niiya yawe waaza nwuupuwela mpakha muuretta.

Afiliipu 4:13

Kinwahi oretta zooshi khwa otule anikikhomaazaaye.

2 Timootiyu 2:2

Mattakhuzi okisiiliyeeyo vakatthi wa oshaahiti mwinkeene, owenkhe atthu awaamineya, anwahaaye owaasomisa atthu akina.

Tiyaaku 1:17

Vitthu zooshi zooshwapweya na tthuvo khaamili zooshi zinlankha pinkuuni, mmakhono wa Paapa wa nuuru, ahinzukuluwaaye nkhama mwiivuuli onzukuluwaazo.