2 Akorintiyu 3:3 - Hapari Zooshapweya

³ Mweeyo mwathoonyeza yoori mwa warakha ya Al-Masiihu, fwayita ya khaazi yeetthu yoohaatikhaniwi wiino, ila khwa Rooho ya Nluku haayi; yoohaatikhiwi va lipawu la liwe, ila va lipawu la rooho za anaatamu.

2 Akorintiyu 3:3 Mawu Ofanana

Matewuzhu 16:16

Simawu Pheeturu khujipu yoori: “Weeyo o Al-Masiihu, Mwaana wa Nluku wa ohaayi.”

1 Akorintiyu 3:5

Amajaali, Paawulu paani? Wala Apoolu paani? Yo akarumeya vakatthi wa atthaapo mweeyo mwifiyeleliyeeyo okhupali, khwa khaazi etile Nluku amwinkhiyeeyo wakhula mmote.

2 Akorintiyu 3:6

Ye aninkha makhaamu a wiiya awaziri a osiilana mpheya, ohiiyi a kano, ila a rooho; maana kano enuula, ila Rooho ya Nluku eninkha ohaayi.

2 Akorintiyu 3:7

Khaazi etaniyeeyo ofwa yapharisaniwa kano va mawe; ila khaazi yaya eto yata khwa siifwa, khwa nanna meezirayiilu ahaari owahaaye weekesa wuuso wa Munsa, mwaasa wa waara wa wuuso awe, weettiye wiiya woohirupazi.

2 Akorintiyu 6:16

Okusanyeyani oriivo Nyuupa Yoosifwiwamo Nluku na sanamu? Maana fweeyo na a Nyuupa ya Nluku woohaayi. Nkhama etthiipo alupiyeezo Nluku yoori: “Kiniikhalana yo na keettette vakatthi vaya, kinttela wiiya Nluku aya na yo anttela wiiya atthu aka.”

1 Atizaloonika 1:9

Maana atthaapo anthatela nanna mweeyo mwinipwekhereliyeezo, na nanna mwiruteliyeezo mmakhono wa Nluku, khulikha sanamu yoori mwinrumeyele Nluku wa ohaayi na weekhweele,

Meepereewu 10:16

“Opu osiilana kinttelaaye oretta miiyo na yo, amana zifiya siikhu zaya epo,” Mbwana alupa. “Kinteela ottha kano zaka varoho vaya na kaatikhe mwaakhili mwaya.”

Meepereewu 8:10

“Osiilana kinttelaaye oretta na atthu a Ezirayiilu, paata ya siikhu zaya epo pi opu,” Mbwana alupa, “Mwaakhili mwaya kinttela otthaamo kano zaka na kaatikhe nroho mwaya. Miiyo kintta wiiya Nluku aya na yo anttela wiiya atthu aka.

Meepereewu 9:14

Nkhama epi pi toono, mwipheleleze aphano yoori yootepa owula theenya ti owahi wa taamu ya Al-Masiihu, khwa vakatthi wa Rooho ya mileele ye ajinkha mweenyeweene khwa Nluku nkhama twaha yoohiina hatha jaraha, ye atwaharesha akhili zeetthu mwaasa wa khaazi ennilokozaaye muufwa yoori ninrumeyele Nluku wa ohaayi.

Othoonyeziwa 2:1

“Khwa ojama wa Nluku wa Eefezu waatikhe yoori: Apa mattakhuzi a otule ariina matthottowa sapa nkhono nlume awe aneettettaaye vakatthi wa khantteya sapa za weero.

Othoonyeziwa 2:12

“Khwa ojama wa Nluku wa Perekaamu waatikhe yoori: Apa mattakhuzi a otule ariina phanka yoonoliwa ya orere miwiri.

Othoonyeziwa 2:18

“Khwa ojama wa Nluku wa Tiyatiira waatikhe yoori: Apa mattakhuzi a mwaana wa Nluku, otule ariina maasho nkhama eviriviri ya moottho na moolu oolattanana poronzi ya woochiwa.

Othoonyeziwa 2:8

“Khwa ojama wa Nluku wa Eshimiirina waatikhe yoori: Apa mattakhuzi a otule eeyiye wa Waaza na wa Wiishela, afwiiyeeyo na khusisimuwa.

Othoonyeziwa 3:1

“Khwa ojama wa Nluku wa Saariti waatikhe yoori: Apa mattakhuzi a otule ariina rooho sapa zininrumeyelaaye Nluku na matthottowa sapa. Kinjuwa zooretta zaya. Mweeyo mwinjuwaniwa wiiya haayi, ila mwafwa.

Othoonyeziwa 3:14

“Khwa ojama wa Nluku wa Lawotiseeya waatikhe yoori: Apa mattakhuzi a Amiina, oshaahiti wa waamineya na wakhweele, mfwalume nwulu wa wumpa wa Nluku.

Othoonyeziwa 3:22

Otule ariina mashiilo ti asiile etile Rooho Ttakatthiifu elupiyeeyo khwa ojama wa Nluku.”

Othoonyeziwa 3:7

“Khwa ojama wa Nluku wa Filateelifiya waatikhe yoori: Apa mattakhuzi a otule eeyiye nttakatthifu na nkhweele, ariina efukulo ya Daawuuda. Etile ye anfukulaaye khina anwahaaye ofuka, na etile ye anfukaaye khina anwahaaye ofukula.