2 Akorintiyu 3:14 - Hapari Zooshapweya

¹⁴ Weekhweele akhili zaya zaari zoofukeya, mpakha leelo nshukwi laya nttho lapharelela amana osomiwaka osiilana wa raku. Khalaalaziwevo, maana khwa Al-Masiihu paasi ti linlazeyaavo.

2 Akorintiyu 3:14 Mawu Ofanana

Matewuzhu 13:11

Ye khuwaajipu: “Mweeyo mwenkhiwa ojuwa siiri za ofwalume wa pinkuuni, ila yo wala.

Matewuzhu 16:17

Yinsa khujipu yoori: “Wooshapweyiwa ti weeyo, Simawu mwaana wa Yoona! Maana vitthu zaya epi khuthoonyeziweeni ti pinaatamu, ila ti Paapa ariiye pinkuuni.

Matewuzhu 6:23

Ila amana maasho awo eeya oohishapweyi, mwiili awo wooshi oniiya n'yiiza. Nakataalikha, amana nuuru oriinaaye ezukuluwa yiiya yiiza, yiiza yaya eto eniiya khuluyeene!

Yaahaya 12:40

“Oola maasho aya na oomisa rooho zaya, yoori ahoone na maasho aya, na ehiweeleye nroho mwaya, wala ahikhupali, na miiyo kiwaavonise.”

Yaahaya 12:46

Miiyo kata voolumwenku nkhama nuuru, yoori wakhula otule anikikhupalaaye miiyo, ahijileme n'yiiza.

Yaahaya 8:12

Yinsa khurutela owooza theenya yoori: “Miiyo ki nuuru ya olumwenku; otule anikilottaye khaneettetta n'yiiza, ila oniiyana nuuru ya ohaayi.”

Khaazi 13:15

Nawiisha osomiwa kithaapu ya thawurethi na kithaapu za manapiyu attunkhulu a nsinakooka khulupa yoori: “Attwiizetthu, nkhama mwinaaye mattakhuzi owaalipisela atthu, mwilupe.”

Khaazi 15:21

Waaza raku kano za Munsa zaari otafusiriwa wakhula sitati na zaari osomiwa mmasinakooka wakhula saapatu.”

Khaazi 16:14

Muukha mmote aari wiitthiwaaye Liitiya aari woonisiileza saana. Aari wuuzanyisaaye kuwo zawooneela wa sitati ya nti wa Tiyatiira. Liitiya aari woomoova Nluku, Mbwana khunfukula rooho yawe yoori apwekherele etile Paawulu aari olupaaye.

Khaazi 26:18

Yoori owaafunule maasho na owaalazemo n'yiiza owaatane nnuuru na owaalaze muuwahi wa epiliisi owaatane mmakhono wa Nluku, yoori apwekherele nswammaha wa twampi zaya, arithi na apale attakatthisiweeyo ti amini khwa miiyo.’

Arooma 11:25

Attwiizaku, akintakha yoori mwihijali siiri epi zootikinisa, mwihijoone nkhama ajuwi. Meezirayiilu eezelela wuumisa rooho zaya, mpakha ofiyela olikana wa amalapo.

2 Akorintiyu 3:15

Weekhweele mpakha leelo, amana esomiwaka kithaapu ya Munsa, nshukwi linfinikha rooho zaya.

2 Akorintiyu 3:6

Ye aninkha makhaamu a wiiya awaziri a osiilana mpheya, ohiiyi a kano, ila a rooho; maana kano enuula, ila Rooho ya Nluku eninkha ohaayi.

2 Akorintiyu 4:6

Ila Nluku ti alupiyeeyo yoori: “N'yiiza emwasikhelemo nuuru”, na ti othuuto amwasikheliyeeyo nroho mweetthu, khwa ojuwa wa siifwa za Nluku omaasho wa Yinsa Al-Masiihu.

Ayeefezu 4:18

Weeleyiwa waya wattiyeleleya na ophakuwanana ohaayi wa Nluku mwaasa wookhijili ariinaayo khwa ozivala wa rooho zaya.