2 Akorintiyu 2:17 - Hapari Zooshapweya

¹⁷ Maana fweeyo khaniri nkhama atthu awaatta anlaleyaaye nttakhuzi la Nluku nkhama zanshara. Ila Nluku ti anirumiyeeyo, tiito ninlaleyaaye hapari zawe na khweele enakatthi yawe, nkhama akarumeya a Al-Masiihu.

2 Akorintiyu 2:17 Mawu Ofanana

Matewuzhu 24:24

Maana anlawa apuwe Al-Masiihu oojipanka na manapiyu oojipanka anttelaaye oretta alama khulukhulu na vitthu zootikinisa yoori awaahate hatha apale oothawuliwa.

Khaazi 20:20

Mweeyo mwinjuwa yoori akaalikhiye wuutafusirelani zooshi epile ziiyiye za fwayita, na osomisa vamwanttiwa mpakha nyuupa khwa nyuupa.

Khaazi 20:27

Maana miiyo akilikheleleeni oweelezani niiya ya Nluku yooshi.

1 Akorintiyu 5:8

Tiito nitthapele njampo, woohiivo fwaramento ya raku wala ya etthu yootakhala na twayifu, ila na phaawu yoohiina fwaramento, phaawu swaafi na khweele.

2 Akorintiyu 1:12

Opo ojishashawula weetthu: akhili zeetthu enlaza oshaahiti yoori khanilokoziweeni ti olumwenku, ila osiilana weetthu na mweeyo khwa ottakatthifu na ookhweele onlankhaaye wa Nluku, woohiiyi khwa ojuwa wa enaatamu, ila khwa rehema ya Nluku.

2 Akorintiyu 1:18

Wiiya Nluku ti waamineya, hapari zeetthu khwa mweeyo khahiyo “aaa” na “wala”.

2 Akorintiyu 11:11

Mwaasa wa niini? Mwaasa wa ohuuphetini? Nluku onjuwa yoori kinuuphetani!

2 Akorintiyu 12:19

Mweeyo mwinoona yoori khwa wakathi opu wooshi nintta ojaakisa khwa mweeyo? Ninttakhula omaasho wa Nluku nkhama atthu niri khwa Al-Masiihu, na zooshi ninrettaaye aphetani, ti yoori nuukhomaazeni.

2 Akorintiyu 4:2

Ninkatthala vitthu zooshi za haaya enrettiwaaye sirini, khaninrumeyela ohata, wala otapanya nttakhuzi la Nluku. Olikha toowo fweeyo ninthoonyeza haakhi, nintumerelana khwa akhili za atthu ooshi enakatthi ya Nluku.

2 Akorintiyu 6:7

khwa nttakhuzi la haakhi, na owahi wa Nluku; na zaana za shariya, zawuumanana na zoojaakisana;

Akaalata 1:6

Kashanka mwaasa wa owoonani nasaapiru omwanswi otule ookhuweliyeenini khwa rehema ya Al-Masiihu, khweettela mwentto wa hapari kiina.

1 Atizaloonika 2:4

olikha toowo, nkhama atthu ookhupaliwa ti Nluku, mpakha khuninkha olaleya hapari zooshapweya, khaninttakhula yoori niwaatuvelise atthu, ila Nluku, aninzaanaaye rooho zeetthu.

Tiitu 1:11

Enihithajiya owaanyamaza, maana antta owaatapanya ajama ooshi, asomisaka vitthu zoovonyeya, yoori asala apatthela nzurukhu wakhula nanna.

Meepereewu 11:27

Khwa amini ethiito ye khulaawo Misuri woohoovi katapu ya mfwalume; ye khwiiya wookhomaala, nkhama aari omoonaaye Nluku woohooneyi.

1 Pheeturu 4:11

Otule anttakhulaaye, attakhule nkhama antafusiraaye nttakhuzi la Nluku; otule anrumeyaaye ti arumeye khwa kuvu enkhiweeyo ti Nluku, yoori khwa vitthu zooshi Nluku asifwiwe khwa Yinsa Al-Masiihu, otule eeyiye ottitthima na owahi khwa mileele. Amiina.

1 Yaahaya 4:1

Aphetani aka, mwihiwaakhupali ooshi anraaye anaaye rooho ya Nluku, ila mwisala mwinzaani khoona nkhama enlankha wa Nluku, maana manapiyu awaatta oojipanka amwazeyela voolumwenku.

Yuuda 1:4

Nakataalikha atthu akina, ahinimoovaaye Nluku ata vakatthi venu woohisopheliwi. Yo anzukulisa rehema ya Nluku khwa vitthu zoovonyeya. Na aninkatthala Yinsa Al-Masiihu, Mfwalume eetthu na Mbwana eetthu otthwe. Raku zeene Zawaatikhiwa Ttakatthiifu zalupa hukhumu yo apwekheriyeeyo.

Othoonyeziwa 12:9

Jahanamu khuluyeene khweeseleliwa oje. Ye ti nyookha ya raku eniitthiwaaye Epiliisi ama Sheethwani, namahata wa olumwenku wooshi, khweeseleliwa va tuniya na malayikha awe.

Othoonyeziwa 19:20

Ila nyama yawoopisa khufukiwa vamote na napiyu woojipanka aarettiyeeyo alama za minjuza khwa nzina laya. Atthaapo awaahatiyeeyo apale apwekhereliyeeyo alama ya nyama yawoopisa na khwaaputu ratarato yaya. Oowiiri khweeseleliwa ari awoona va ntthatta la moottho onkholelanaaye oka.

Othoonyeziwa 2:20

Ila, kinaaye etthu khwa mweeyo: mweeyo mwininlikhelela Jezapeele, muukha otule anjilupezaaye onapiyu, na masomi awe, ye oniwaattettekha akarumeya aka, yoori asala aretta khaapa twayifu na oja vitthu za otwaheliwa sanamu.