2 Akorintiyu 13:9 - Hapari Zooshapweya

⁹ Niniiya woofurahi wakhula wakathi nintteettheyaavo na mweeyo mwiniiya wookhomaala na lompa zeetthu pi za yoori mweeyo mwiiye oohakikhiwa.

2 Akorintiyu 13:9 Mawu Ofanana

Arooma 15:2

Wakhula mmote wa fweeyo ona ya ontuvelisa nzaawe khwa saana yawe, yoori ankhomaaze.

1 Akorintiyu 1:10

Attwiizaku, khwa nzina la Mbwana eetthu Yinsa Al-Masiihu kinuuvekelani mooshi mweeyo yoori mwikhupalelane mmote na nzeenu khwa etile mwinttakhulaaye, yoori ohiiyevo waawanyeya vakatthi venu; mwiiye wookusanyeya khwa wuupuwela mmote na shawuri moote.

1 Akorintiyu 2:3

Wakathi opule kaatiyeeyo wuuthotolani kaari woottettheya na othukumela khwa woova.

1 Akorintiyu 4:10

Fweeyo na alolo mwaasa wa Al-Masiihu, ila mweeyo mwa akumi khwa Al-Masiihu! Fweeyo na woottettheya, ila mweeyo mwa wookhomaala! Mweeyo mwa wooshitahiwa, ila fweeyo na wootaraweya!

2 Akorintiyu 11:30

Nkhama ewaapho swapwapu ya miiyo ojishashawula, aphano kinttela ojishashawula khwa vitthu zinthoonyezaaye otteettheya waka.

2 Akorintiyu 13:11

Omwiisho, attwiizaku, kinuuvekelani yoori mwiiye ofurahi! Mweekese ozowerela, mwilikhisane woophetanavo, mwiiyane shawuri moote, mwiikhale na heeri. Nluku wa pheta na heeri onttela wiiya vamote na mweeyo.

2 Akorintiyu 13:4

Maana wekhweele, aakhomeliwe khwa otteettheya, ila ori haayi khwa owahi wa Nluku. Khwa nanna etthiipo, na woottettheya khwa ye, ila khwa owahi wa Nluku ninteela wiikhalana ye yoori nuurumeyeleni mweeyo.

2 Akorintiyu 4:12

Khwa nanna ofwa onrettaazo khwa fweeyo, na ohaayi onretta etthiipo khwa mweeyo.

2 Akorintiyu 7:1

Aphetani aka, wiiya ninaaye ahiti zaya epo, nijitwahareshe khwa vitthu zooshi zinkwakhulisaaye mwiili na rooho, nikamilikhisaka ottakatthifu khwa omoova Nluku.

Akoloosu 1:28

Khwa etthiipo fweeyo nininlaleya, nitumerelaka na ninsomisaka wakhula ntthu na akhili zooshi, yoori nawaathonyeze atthu ooshi ari ookamilikha khwa Al-Masiihu.

Akoloosu 4:12

Epaafara, eeyiyeeyo mmote wa mweeyo na karumeya wa Al-Masiihu Yinsa, omperekha salamu. Ye onvira oomanaka nkatthi wa lompa khwa mweeyo, yoori nkhama etthiipo mwiiyiyeeyo atthu ookhomaala na ookhupali saaneene, mwivire mwikhomaalaka khwa matakhelo ooshi a Nluku.

1 Atizaloonika 3:10

Osikhu na nthana ninkhanyarela olompa yoori niwahi owoonani wuuso khwa wuuso nimariselaka etile ensalelaaye khwa amini yenu.

2 Timootiyu 3:17

yoori ntthu wa Nluku eeye khaamili na woolikana khwa khaazi zooshi zooshapweya.

Meepereewu 12:23

va nthukumano wa apale amwanzo, mazina aya aatikhiweeyo pinkuuni. Mweeyo mwafiya wa Nluku, namaphuka wa atthu ooshi. Mweeyo mwafiyela rooho za anashariya okhamilikha.

Meepereewu 13:21

okhamilikhiseni khwa zooshi zooshapweya yoori mwirette matakhelo awe, na erettikhane khwa fweeyo etile enintuvelaaye khwa Yinsa Al-Masiihu, othuuto siifwa ziiyiye khwa ye mileele. Amiina.

Meepereewu 6:1

Nakataalikha, nilikhe masomi apale amwanzo monkoni wa Al-Masiihu na neettele okhomaala, woohiruteli opheya nchina la othupwiya khwa khaazi ennilokozaaye muufwa, na theenya niiya ya omwaamini Nluku.

1 Pheeturu 5:10

Nluku wa rehema yooshi, othuuto ookhuweliyeenini yoori mwirette phantte ya siifwa yawe ya mileele khwa Al-Masiihu Yinsa, paata ya ohoowa khwa wakathi vattitthiiru, othuuto onteela wuukaphulani, wuuhakikhini, wuukhomaazani na owinkhani nchina loolipaneya.