2 Akorintiyu 13:5 - Hapari Zooshapweya

⁵ Mwijinzaane yoori mwijoone nkhama mwiri nkatthi wa amini. Mwijoone mwamwenyewe! Ena ya oweeleyani yoori Yinsa ori khwa mweeyo! Ehiriwaka mweetta okatthaliwa!

2 Akorintiyu 13:5 Mawu Ofanana

Yaahaya 14:23

Yinsa khujipu yoori: “Nkhama ntthu onikipheta, onshututela mattakhuzi aka na Paapa ontta ompheta. Paapa na miiyo nintta wiikhala na ye.

Yaahaya 15:4

Mwijilipisane miiyo, na miiyo kintta ojilipisana mweeyo. Nkhama etthiipo erapi ehiniimaaye ottho ehijilipisaneeni nrayi, na mweeyo pi etthiipo khamwiniima mishumo woohijilipisani miiyo.

Yaahaya 17:23

Miiyo khwa yo na weeyo khwa miiyo. Khwa nanna ethiito osiilana waya onttela wiiya khaamili, yoori atthu a voolumwenku ajuwe yoori weeyo ti okirumiyeeyo, na yoori oniwaapheta nkhama etthiipo onikiphetaazo miiyo.

Yaahaya 17:26

Miiyo kawaajuwisa nzina lawo, na nalelo kinvira kiwaajuwisaka, yoori pheta etile okiphetaniyeeyo yiiye vamote na yo, na miiyo kiiye vamote na yo.”

Yaahaya 6:56

Otule anrafunaaye mwiili aka na khunywa taamu yaka oto oniikhala khwa miiyo na miiyo khwa ye.

Yaahaya 6:6

Aamuzeliye yoori amweeze, maana ye aajuwiye etthu aari weettelaaye oretta.

Arooma 1:28

Olikha toowo, moone yoori atarawu ojuwa wa Nluku, ye awaalikhela akhili zaya zoovonyeya, yoori arette vitthu zihinrettiwaazo.

Arooma 8:10

Ila, nkhama Al-Masiihu ori vamote na-mweeyo, mwiili wafwa mwaasa wa twampi, Rooho eri haayi mwaasa wa shariya.

1 Akorintiyu 11:28

Wakhula ntthu, ajinzaani mweenyewe, aphano arafune phaawu na anywele jiikira.

1 Akorintiyu 11:31

Ila eriwaka fweeyo naarina phoole ya ojinzaani nennyeweru, khanaari oteela ophukiwa.

1 Akorintiyu 3:16

Mweeyo mwinjuwa yoori mwa Nyuupa ya Nluku na Rooho ya Nluku eniikhala khwa mweeyo.

1 Akorintiyu 6:15

Mweeyo khamwinjuwa yoori mwiili enu phantte ya Al-Masiihu? Miiyo kinthuula mwiili wa Al-Masiihu khukusanyana amalempe? Khinretteya!

1 Akorintiyu 6:19

Olikha toowo, mweeyo khamwinjuwa yoori mwiili enu nyuupa ya Rooho Ttakatthiifu eniikhalaaye khwa mweeyo, mwinkhiweeyo ti Nluku? Mweeyo khahiyo a mweeyena.

1 Akorintiyu 6:2

Mweeyo mwijuwe yoori attakatthiifu anteela ophuka olumwenku. Nkhama mweeyo mwinteela ophuka olumwenku, mwinwahi ophuka vitthu epo ttiitthittiitthi.

1 Akorintiyu 9:24

Mweeyo mwinjuwa yoori anchiraanaaye mmote ti ampatthaaye tthuvo. Otthire khwa nanna ontakhaaye opattha tthuvo.

1 Akorintiyu 9:27

Ila miiyo kinuumanana mwiili aka yoori kishintte, na ehikirettikhanele amana kiwaatafusirelaka akinoko aya kihiiye wookatthaliwa ti Nluku.

2 Akorintiyu 6:16

Okusanyeyani oriivo Nyuupa Yoosifwiwamo Nluku na sanamu? Maana fweeyo na a Nyuupa ya Nluku woohaayi. Nkhama etthiipo alupiyeezo Nluku yoori: “Kiniikhalana yo na keettette vakatthi vaya, kinttela wiiya Nluku aya na yo anttela wiiya atthu aka.”

Akaalata 2:20

Kakhomeliwa vamote na Al-Masiihu. Ohaayi opu kiriina nasaapi eti khayi waka, ila Al-Masiihu ti aniikhalaaye khwa miiyo; na ohaayi onikiikhazaaye nasaapi eti khwa mwiili aka kiniikhala khwa amini ya Mwaana wa Nluku, othuuto akiphetiyeeyo khujinkha mweenyeweene khwa zwaamu yaka miiyo.

Akaalata 4:19

Aanaaka, kinoona olwaaza ovokola opheya mwaasa wa mweeyo, mpakha Al-Masiihu okhomaala khwa mweeyo.

Akaalata 6:4

Wakhula ntthu oone mwentto awe, aphano awahi ojikhupali mweenyewe, woohijilattanisani hatha ntthu,

Ayeefezu 3:17

Theenya kinlompa yoori Al-Masiihu apatthe wiikhala nroho mweenu khwa amini, na yoori pheta yiiye mitathaari zenu na nchina lenu.

Akoloosu 1:23

Ila enihithajiya wiiya nchina lookhomaala na olipalipa khwa amini, woohiphakuwanani nroromelo wa hapari zooshapweya, epile mwisiiliyeezo na zilaleyeliweeyo atthu ooshi ari vathi. Pi hapari zooshapweya etthiipo miiyo Paawulu kiretteyiyeeyo okarumeya.

Akoloosu 1:27

Shawuri ya Nluku ti yoori amalapo ajuwe maali ya siifwa ya siiri eto, eeyiyeeyo Al-Masiihu khwa mweeyo, nroromelo wa siifwa.

Akoloosu 2:19

Ntthu nkhama toowo attuwanana Al-Masiihu otule eeyiyeeyo eeshwa, khwa ethiito mwiili wooshi, onleliwaaye na onkusanyiwaaye khwa phantte zoofwarikhana, entana owula Nluku aninkhaaye.

Akoloosu 2:7

wookheyiwa na woojekiwa khwa ye, ookhomaala khwa amini nkhama mwisomisiweezo, mwenkezaka onshukhurwela Nluku.

1 Timootiyu 2:15

Apho, aakha hatha nkhama awaapattha aana, anuusurukha eeyaru nkatthi wa epaata na pheta, na ottakatthifu na hishima.

2 Timootiyu 3:8

Nkhama Jaane na Jampere ankhijileliyeeyo Munsa, apo nayo ankheeti haakhi ya Nluku. Akhili zaya zatapanyeya, amini yaya kinkhupaleliwa.

Tiitu 1:13

Oshaahiti aya opo pi wa ookhweele. Nakataalikha owaashowere na kuvu, yoori eeye ookhomaala nkatthi wa amini,

Tiitu 1:16

Yo antukhuru yoori aninjuwa Nluku, ila mwaasa wa thwapiya zaya aninkatthala, tiito eeyiyeeyo oohifwayi, anamakhijili na oohisuhi khwa khaazi yooshi yooshapweya.

Tiitu 2:2

Owaasomise alume awuuluvala yoori eeye atthu oojiitthaaza, ooshitaheya, aakhili, na okhomaala nkatthi wa amini, mpheta na oovilela.

Meepereewu 12:15

Mwiiyane phoole yoori ahiiyevo hatha mmote wa mweeyo anttelaaye ojilazamo nrehema ya Nluku, wala ahiiyevo anjirettaaye wiiya nkhama ntathaari woowaawa onttelaaye woottha owantipuni, na owaakwakhulisa atthu awaatta.

Meepereewu 4:1

Nakataalikha, ahiti ya ofiya puuro ya ovumula ya Nluku nalikheliwa. Ahiiyevo mmote wa mweeyo anuupuwelaaye yoori avonya.

Meepereewu 6:8

Ila nti opule onootthaaye miiwa na vikhuuwa khuna fwayita na onsaleela olaaniwa. Mwiisho aya olukuziwa.

Tiyaaku 4:4

Atthu oohaamineyi, khamwinjuwa yoori oshirikha na olumwenku oniiya wuumani khwa Nluku? Otule antakhaaye wiiya swaahipu na olumwenku onjiretta wiiya atuwi wa Nluku.

1 Pheeturu 5:9

Muumanane na mwilipalipe nkatthi wa amini, mwijuwaka yoori attwi enkeene mwiriina olumwenku wooshi na yo anhoowa etthiipo.

Othoonyeziwa 2:5

Mwifikhiri vahalini mwikwiiyeevo! Mwithupwiye na mwirette epile mwaari orettakaaye omwanzo. Amana mwihithupwiyi, kintta wuuteelani na kilazevo khantteya yenu vahali eniiyakaavo.