Biblia Todo Logo
Baibulo la pa intaneti

- Zotsatsa -




2 Akorintiyu 13:11 - Hapari Zooshapweya

11 Omwiisho, attwiizaku, kinuuvekelani yoori mwiiye ofurahi! Mweekese ozowerela, mwilikhisane woophetanavo, mwiiyane shawuri moote, mwiikhale na heeri. Nluku wa pheta na heeri onttela wiiya vamote na mweeyo.

Onani mutuwo Koperani




2 Akorintiyu 13:11
51 Mawu Ofanana  

Attwiize nawoona yoori oniiya oophetiwa ti papaaya zayita yo, khwaaza wiiphiiriwa ti ye khuhisala awahi onttakhulana saana.


Nawiisha, khuleezana na attwiize yo khulankha khusala alawa, ye khuwooza yoori: “Mwihishowerane ntarikhi.”


“Mwaari onteela wiimittha ampatthe mwaana, anttelaaye wiittheliwa nzina la Emanuweele, enlupaaye yoori ‘Nluku ona fweeyo’.”


Nakataalikha mwiiye atthu khaamili, nkhama etthiipo eeyiyeeyo khaamili Papeenu wa pinkuuni.


Yinsa khweemela khuri: “Mwinkhuwele.” Khukhuweliwa otule woohooni khumuuza yoori: “Ofurahi, olankhe, ye ontta wuukhuwela!”


Mwiinyu pi wooshapweya; ila mwiinyu aya amana olikha onyuunya, onrutiseleya toovi onyuunya waya? Mwiiye mwiinyu mweeyo ena, na mwiikhale na heeri mmote na nzeenu.”


Khupuwa ntthu nkina theenya khumuuza Yinsa yoori: “Kintta wuulotta Mbwana, ila okilikhe khapula kawaaleeze ajamaazaku.”


Miiyo khwa yo na weeyo khwa miiyo. Khwa nanna ethiito osiilana waya onttela wiiya khaamili, yoori atthu a voolumwenku ajuwe yoori weeyo ti okirumiyeeyo, na yoori oniwaapheta nkhama etthiipo onikiphetaazo miiyo.


Mwiwerawere oja nyama za okafwareliwa sanamu; wala taamu yaya, wala mwihije nyama yoohishijiwi, wala mwihisala mwiretta khaapa twayifu. Amana mwiwerawera epo zaya, mwintta woona vitthu zenu eweettettelakani saana. Khwa heeri.


Ila khuwaaleza araka: “Kinlawa karuti amana Nluku atakha.” Khupakhira nkalawa khulaawo nti wa Eefezu.


Wakathi kuuziweevo yoori zawaziwa shawuri za wuuliiwa, tiito kuuperekheziyeeyo weeyo woohirupazi. Theenya khurumisa yoori apale aninlupatthaaye awuuze etthu akosiyeeyo.”


Mwiiyane osiilana na azeenu. Mwihiiye atthu oojikhupali, ila mwiiye oolikana khwa okusanyeya na atthu apale ohoonelewi vahali. Mwihijoone wiiya ajuwi.


Mwirette thenke ya weekesa wiikhala na heeri khwa atthu ooshi.


Tiito, nijilipise weekesa zooshi entanaaye heeri na okhomaazana mmote na nzeetthu.


Nluku wa nroromelo ti aweetaaze furaha yooshi na heeri, mwaasa wa omwaamini ye, yoori nroromelo enu weekezeleye khwa owahi wa Rooho Ttakatthiifu.


Nluku wa heeri eeye vamote na mweeyo mooshi. Amiina.


Woohirupazi Nluku wa heeri onteela omphwantta epiliisi vathi wa moolu enu mweeyo. Rehema ya Mbwana eetthu Yinsa yiiye na mweeyo.


Attwiizaku, khwa nzina la Mbwana eetthu Yinsa Al-Masiihu kinuuvekelani mooshi mweeyo yoori mwikhupalelane mmote na nzeenu khwa etile mwinttakhulaaye, yoori ohiiyevo waawanyeya vakatthi venu; mwiiye wookusanyeya khwa wuupuwela mmote na shawuri moote.


annizurwaaye khwa miswipa zeetthu zooshi, yoori na fweeyo theenya niwahi owaazuru ooshi apale eniwaapatthaaye miswipa, na ozuru otthuupo fweeyo nizurwiweeyo ti Nluku.


Rehema ya Mbwana Yinsa Al-Masiihu, pheta ya Nluku na osiilana wa Rooho Ttakatthiifu wiiye vamote na mooshi mweeyo.


Niniiya woofurahi wakhula wakathi nintteettheyaavo na mweeyo mwiniiya wookhomaala na lompa zeetthu pi za yoori mweeyo mwiiye oohakikhiwa.


awaattalelelaka attakatthiifu khaazi ya Mbwana, yoori mwiili wa Al-Masiihu ojekeye.


Mwijilipise yoori mweekese othokorela okusanyeya wa Rooho Ttakatthiifu khwa ophakanyeya wa heeri.


Heeri yiiye vamote na attwi ooshi, na pheta na amini yoolankha wa Nluku Paapa na wa Yinsa Al-Masiihu.


Ehuujalini etile enttelaaye orettikhana, mweettettise onyunti enu khwa nanna ensuhaaye hapari zooshapweya za Al-Masiihu. Yoori miiyo amana kitaaka owoonani ama hatha nkhama keetta ohiivo, kisiile khwa mweeyo akinoko aya yoori nalelo mwa woolipalipa khwa rooho moote paasi, na matakhelo mamote paasi, nuumanaka fooshi khwa amini ya hapari zooshapweya.


Niikhale paasi khwa epile nipatthiyeeyo.


Etthu kininvekelaaye Evootiya na Sintikhe ti yoori eekhale woosiilana khwa Mbwana.


Mwinfurahele Mbwana wakhula wakathi; kinrutela opheya kilupaka yoori: Mwinfurahele!


Mwilottisele epile mwinozeliweeyo, mwipwekhereliyeeyo, mwisiiliyeeyo na mooniyeeyo khwa miiyo; na Nluku wa heeri ontta wiiya vamote na mweeyo.


Osikhu na nthana ninkhanyarela olompa yoori niwahi owoonani wuuso khwa wuuso nimariselaka etile ensalelaaye khwa amini yenu.


Wiishela waya attwiizetthu, noonozelani nanna ya wiikhala khwa ontuvelisa Nluku, na wekhweele, mweeyo mwineettetta etthiipo. Nasaapi ninuuvekelani na ninuutumerelani mweeyo khwa Mbwana Yinsa yoori mwiwulele etthiipo theenya wakhula swaafu.


Nakataalikha mwitumerelane mmote na nzeenu khwa mattakhuzi apa.


Mwiwaashireheze venkivene na pheta, mwaasa wa khaazi yaya. Mwiikhale khwa heeri mmote na nzeenu.


Wakhula wakathi mwifurahi.


Yoori Nluku mweenyewe heeri oottakatthiseni sawasawa. Yoori rooho yooshi, nafusi na mwiili enu mweeyo ziiye zawiinaneliwa zoohishowereyi mpakha ota wa Mbwana eetthu Yinsa Al-Masiihu.


Yoori Mbwana Yinsa Al-Masiihu mweenyewe, na Nluku papeetthu, aniphetiyeeyo na khuninkha ominyala wa mileele na nroromelo wooshapweya khwa rehema,


Wiishela waya, attwi, mwinilompele yoori nttakhuzi la Mbwana limwazeye nasaapiru na lipwekhere shitaha linsuhaaye, nkhama etthiipo zaarettikhaniyeezo vakatthi venu.


Yoori Mbwana mweenyewe heeri, awinkheni heeri mweeyo khwa wakathi wooshi na wakhula nanna. Mbwana eeye vamote na mooshi mweeyo.


Otthire tuvela za oshaapu weekese olotta shariya, amini, pheta na heeri, vamote na apale ariina rooho yooshapweya aninkhuwelaaye Mbwana.


Mwijilipisane wiikhala khwa heeri na atthu ooshi na yoori mwiiye attakatthiifu; noohiina ottakatthifu, khina anttelaaye omoona Mbwana.


Nluku wa heeri, otule ansisimuliyeeyo Mbwana eetthu Yinsa Nshuki nwulu wa pwittipwitthi, vakatthi wa ananfwa, khwa taamu ya osiilana wa mileele,


Nthiti laya nttho lina la wiiya lookhamilikha, yoori mweeyo mwiiye ookamilikha na oolotteya, ohivonyiwi ti hatha etthu.


Owerawere vitthu zootakhala na orette vitthu zooshapweya; weekese heeri khwa nthiti.


Omwiisho waya, wuupuwela weenu wiiye nanna moote, ohurumiyana, mwithoonyezaka pheta ya ottwi, mwiiye awoonelana tthakaraka na oojipushuwisa.


Nluku wa rehema yooshi, othuuto ookhuweliyeenini yoori mwirette phantte ya siifwa yawe ya mileele khwa Al-Masiihu Yinsa, paata ya ohoowa khwa wakathi vattitthiiru, othuuto onteela wuukaphulani, wuuhakikhini, wuukhomaazani na owinkhani nchina loolipaneya.


Rehema ya Mbwana Yinsa yiiye na mweeyo mooshi. Amiina.


Titsatireni:

Zotsatsa


Zotsatsa