2 Akorintiyu 11:6 - Hapari Zooshapweya

⁶ Miiyo hatha nkhama keetta ohiiyi namattakhula saana; ila aki masikhini khwa ojuwa. Weekhweele, nathoonyeza epo zaya khwa mweeyo wakhula nanna ya vitthu zoorettikhana.

2 Akorintiyu 11:6 Mawu Ofanana

1 Akorintiyu 1:17

Maana Al-Masiihu khakirumeeni yoori koose, ila yoori kitafusiri hapari zooshapweya, woohiiyi khwa mattakhuzi a akhili za onaatamu, yoori owahi wa nsalapa wa Al-Masiihu ohiiye wooveya.

1 Akorintiyu 1:21

Maana, nkatthi wa shawuri za Nluku, anaatamu khajuweeni khwa akhili za onaatamu, Nluku yantuvela owoosuru apale ankhupalaaye khwa ololo wa tafusiiri.

1 Akorintiyu 12:8

Khwa Rooho mmote, oninkhiwa mattakhuzi aakhili; khwa Rooho ethiito, mattakhuzi oojuwa;

1 Akorintiyu 2:13

Epo zaya naye ninttakhulaka, khahiyo khwa mattakhuzi a akhili oosomisiwa pi anaatamu, ila khwa mattakhuzi oosomisiwa ti Rooho Ttakatthiifu, etaphuleliwaka khweele ttakatthiifu khwa apale eeyiyeeyo attakatthiifu.

2 Akorintiyu 10:10

Maana atthu akina anlupa yoori: “Warakha zawe pi za okhomaala na olipa, ila mweenyewe ti woopepheya, na mattakhuzi awe pi ootaraweya.”

2 Akorintiyu 12:12

Maana thalaapa za owaaswihaapa zathoonyeziwa vakatthi venu, na nthiti looshi, alama, vitthu zootikinisa na owahi wa minjuza.

2 Akorintiyu 4:2

Ninkatthala vitthu zooshi za haaya enrettiwaaye sirini, khaninrumeyela ohata, wala otapanya nttakhuzi la Nluku. Olikha toowo fweeyo ninthoonyeza haakhi, nintumerelana khwa akhili za atthu ooshi enakatthi ya Nluku.

2 Akorintiyu 5:11

Nkhama etthiipo nijuwiyeezo omoova Mbwana, nineekesa owaatumerela atthu. Etile fweeyo niiyiyeeyo yathoonyezeya omaasho wa Nluku, na kinwejela theenya yoori ethoonyezeye nkatthi wa akhili zenu.

2 Akorintiyu 6:6

khwa ohalaali, ojuwa, ovilela na okemaani, khwa Rooho Ttakatthiifu na pheta ya khweele,

2 Akorintiyu 7:2

Mwininkhe puuro nroho mweenu. Khaavo nintulumwiyeeyo, khaavo ninthowelelisiyeeyo, khaavo ninjeliyeeyo.

Ayeefezu 3:4

Amana mwisoma mattakhuzi aya apo, mwintta ojuwa nanna miiyo enikeeleyaazo siiri za Al-Masiihu.